يا جماعه انا كنت بهزر مع عمي فبنتكلم عن الشغل وكده فقلت هشتغل يوتيوبر جنب الشغل بتاعي وهقدم محتوى علمي فعمو اتعصب جدا وقال هياخد الموبايل بتاعي ويديني موبايل اللي هو العادي ده اللي هو ابو زرايا وانا بصراحه مش عارفه اعمل ايه انا كنت بتكلم معاها بتلقائيه وبعفويه وانا اساسا مش هفتح قناه يوتيوب فبجد والله مش عارفه اعمل ايه واحنا كمان صعايده وعمامي صعايده صعايده ما فيش الكلام ده عندنا ان بنت مثلا تطلع على اليوتيوب او تظهر بوشه على النت فانا لما قلت ان انا هفتح قناه يوتيوب قلتها بتلقائيه وبعفويه وانا اساسا مش هفتح مش عارفه اغير الكلام ازاي واقنع عمي قولوا لي اعمل ايه بليز
حاولي تقنعيه وبجد متكرريهاش تانى ولا تهزرى معاه تانى عشان ممكن غظب عنك تعكى ف الكلام وانشاء الله ينسا الموقف ويسامحك ممكن يكون خايف عليكى ف ادايق بس حاولى تفهميه أو قوليلو انا همسح اليوتيوب من الموبايل
تم النشر الثلاثاء، ٧ نوفمبر ٢٠٢٣
عادي اتكلمي معاه تاني، وقولي له انك كنتي بتهزري معاه وانك اكيد مش هتعملي كده ابدا. وقولي له انك عارفه طبعا حدودك ومستحيل تعملي حاجه تتعارض مع تقاليدك وعاداتك.
تم النشر الاثنين، ٦ نوفمبر ٢٠٢٣
معلش هو والدك مش موجود ؟
تم النشر الثلاثاء، ٧ نوفمبر ٢٠٢٣
قوليله انا عايزه اقولك حاجه مهمه، ومش عشان اخد الموبايل، انا فعلا كنت بهزر وبقول الكلام بتريقه، ولو كنت اعرف انك هتاخد الكلام بجد مكنتش هزرت، وانا اسفه اني هزرت في حجات زي دي. نقطه واخر السطر
تم النشر الاثنين، ٦ نوفمبر ٢٠٢٣
لعرض السؤال في فدني اضغط هنا