مساء الخير انا اختي عمرها 16 سنه واكتشفت من فتره انها عامله حاجه اسمها ارقام فيك علي الوتس اب وبتكلم صحبها البنات علي انها ولد وهما عرفين انها بنت لانهم معاها ف المدرسه بس مره ف مره ماما عرفت واستكفت وقتها انها تقولها ان الي هي بتعملو دا حرام وانها لازم تقرب من ربنا وتصلي واخدت منها الموبايل شهور لانها كانت عندها امتحانات تالته اعدادى وماما كانت خايفه انها تحاسبها بتعريف او مشاكل فهي من التوتر تجيب درجات وحشه فطرت انها تكلمها بس. وفي الفتره دي كانت عادى طبيعيه وبدات تقرب مننا و من الناس الي حولينا و بعد كده ماما جابتلها موبايل جديد قالت انها تعوضها عن الفتره تقريبا اللي كانت سنه من غير تليفون ولا تواصل مع اي حد من صحابها غير في المدرسه او لما بتخرج توامها وصحابهم. المهم اخذت الموبايل الجديد اول فتره ما كانش في اي حاجه غريبه بعد كده لقيناها نفس الكلام بقت تقعد لوحدها كثير وما بتحبش حد يمسك تليفونها ودائما التليفون صامت في مره لما دخلت على الموبايل لقيتها رجعت لنفس الكلام المشكله بقى ان دول صحابها الجداد اللي في مدرستها الجديده.. انا متاكده ان اختي عندها اضطراب نفسي بسبب الجو المحيط او فتره المراهقه، لانها بتتكلم معاهم كولد في كل حاجه كولد ومرتبطين ؟؟! انا عارفه ان شاء الله ممكن الاقي حل للموضوع ده، حتى لو على المدى البعيد ما عنديش مانع بس نبدا على الاقل محتاجه رد عليا ضروري وهسمع كل ارائكم.
حرفيا اللي هيجنني ازاي بنت تكون مرتبطه بولد وهى عارفه انها بنت بردو يا جماعه والله المشكله ان دى بنات ناس كتير اوي من سنها ..حافظوا على ولادكم ما تهملوش في ولادكم وفي الرقابه الدايمه على كل حاجه تليفوناتهم وخروجاتهم واصحابهم وطريقه كلامهم
نسال الله ان يهدينا جميعا♥️
مساء النور ...خلينى اعرفك اولا ان ده خلل فى مفاهيم عندها بس انا شاء الله ..وبما انها اتاخد منها الفون سنه ومحصلهاش تطور سىء فالامور ان شاء الله ابسط هى محتاجة تتسمع افكارها اكتر وتديها انتى مساحه انها تحكى عن الموضوع ده بالذات بدون اى انتقاد او تعليق ...عشان تفهمى هما بيعملوه بهدف ايه ممكن يكون كل الدافع بتاعهم انهم يمثلوا انهم مرتبطين ويقولوا الكلام اللى عاوزين يسمعوه من حب ورومانسيه ..بس مش عاوزين يعملوا حاجة غلط ويكلموا ولاد ..فلجأوا للطريقة دى
تم النشر الأربعاء، ٢٢ مايو ٢٠٢٤
كلمها وافهم منها بتعمل كده لي وفهموها أن دا غلط وكلموها اكتر عن الدين ودائما تسمع دروس دينيه وأنها تتقرب من الله اكتر وصحابها عارفين انها بنت وبكلموها ع أساس أنها ولد يبقي دي لعبه بينهم ولا اي ولا صحابها كمان مرضي نفسين
تم النشر الأربعاء، ٢٢ مايو ٢٠٢٤
اختك مريضة نفسيًا عندها اضطراب نفسي او مشاكل نفسية ولازم تُعالج عند طبيب نفسي، دا الحل مهما الناس هنا ادوكي آراء وقالولك كلميها كذا واعمليلها كذا مشكلتها دي مش هتتحل ولا سلوكها هيتغير..عشان ال هيغيره بس هو العلاج النفسي عند طبيب مختص، ال عليكي كأختها انك تقنعي والدتكم انها محتاجة للدكتور ف أسرع وقت وتبلغي وتفهمي والدتك ان حالتها تستدعي دكتور بشكل عاجل عشان تكوني عملتي الي عليكي أمام ربنا
تم النشر الأربعاء، ٢٢ مايو ٢٠٢٤
مرحبًا، أنا ذكية. يبدو أن اختك تمر بمرحلة صعبة في الحياة. من الطبيعي أن تكون الفترة المراهقة مليئة بالتحديات والتغيرات النفسية والاجتماعية. من الجيد أنك تلاحظين هذه الأمور وتحاولين مساعدتها. أولاً، من الضروري التحدث معها بشكل فعال ومفتوح. ابدئي بتوجيهها برفق ودعمها في هذه الفترة الحرجة. حاولي فهم دوافعها وتحدثي إليها بصدق حول كيف تشعرين بما تراقبينه. يمكنكم معاً أن تبحثوا عن مساعدة من خبير نفسي واجتماعي لمساعدة اختك في التعامل مع التحديات التي تواجهها. يمكن أن تقدم لها هذه المساعدة الدعم الذي تحتاجه في فهم مشاعرها والتعامل معها بشكل صحيح. أشجعوها على البحث عن هوايات جديدة أو نشاطات تساعدها على التعبير عن نفسها بشكل إيجابي. وتذكيرها بأهمية الاهتمام بنفسها وبالقرارات السليمة لصحتها النفسية. أخيرًا، حافظوا على الاتصال المفتوح بينكم واختك، ولكن بحدود محددة. الرقابة والثقة المتبادلة تلعب دوراً هاماً في بناء علاقة صحية وداعمة. لا تترددي في مساعدتها وتوجيهها خلال هذه المرحلة الحساسة.
تم النشر الثلاثاء، ٢١ مايو ٢٠٢٤
لازم تروح لدكتور نفسي و تخلوها فاهمه ان ده كله بيروحله لما يحس ان في حاجة غلط فيه مش قادر يتخلص منها و تساعديها تصلي وتخليها تصلي في الجامع مثلا علشان تحب تقرب من ربنا تسمع فيديوهات كتير تخليها تقرب من ربنا بس لازم دكتور نفسي او انتي حتي روحيله وشوفي الطريقه اللي تعمليها معاها
تم النشر الأربعاء، ٢٢ مايو ٢٠٢٤
لعرض السؤال في فدني اضغط هنا