مش بعرف اتصرف في المواقف و لو حصل حوار أو موقف أو حاجه بحاول اخلصه بسرعه حتى لو كلام شات و ده بينعكس على شخصيتي انا ببقى هاديه و بعمل إن انا متجاهلة اللي حوليه و تقريبا الناس بقت بتعاملني كده مش عارفه ده ليه علاقه و لا لا بس بتكلم بسرعه و بتهته و فعلا مش عارفه الصح من الغلط من العادي انا حتى مش فاهمه مشكلتي ايه معنديش شخصيه و لا معنديش ثقه في نفسي و لا انطوائية و طبعا مش مقتعنه بشكلي و وانا ماشيه ببقى حساه الناس كلها بتتفرج عليا و بشك في لبسي سعتها انا عارفه إن دي مشاكل و بلاحظها عليا بس مش عارفه حل يا ريت يبقى حل عملي اكتر من كلام علشان انا تقريبا حافظه الكلام
اولا هتدربى نفسك على ردود محدده ترديها فى المواقف المتكرره ..عشان تساعدى نفسك تكتسيى ثقه اكتر ثانيا هتكونى وانتى فى الشارع بتحطى لنفسك هدف انك تلاحظى لون معين او شىء جماد معين ( مثال : هعد كل اعمدة الاضاءه ) ثالثا : كل الحاجات اللى انتى محتاره فيها بالنسبة لشخصيتك ضرورى توجديلها اجابات ..ولو مش عارفه تجاوبى لنفسك ..خدى اجابه من شخص بتثقى فيه وصدقيها ومترجعيش تسألى تانى اندمجى فى انشطه اكتر وركزى فى كل الاخطاؤ واتعلمى منها
تم النشر الجمعة، ٥ يناير ٢٠٢٤
اولا هتقوي ثقتك بنفسك اعرفي ان انت لو في حد بيبص عليك او انت لفت نظر الناس فممكن تكون عشان انت مميزه مش عشان فيكى عيب ثانيا نحاول لما حد يقول لنا حاجه نفكر خمس ثواني قبل ما نرد ولو في كلام متكرر ممكن نفكر في رد معين يكون جاهز على طول في ذهنك حاولي تتكلمي مع نفسك علشان تكسبي ثقه شويه واتكلمي عن مميزاتك ولو عيوبك قله الثقه فاعرفي ان انت كويسه ان انت جميله لان البني ادم اللي بيحاول يصلح من نفسه فانسان كويس مش بيتجاهل عيوبه
تم النشر السبت، ٦ يناير ٢٠٢٤
لازم تثقي في نفسك حتي لو مش قادره باني قدام الناس انك قويه. لدرجه الي انتي كمان هتصدقي وتبقي عندك ثقه في نفسك لو نظرات الناس ليكي بتقلقك متركزيش معاهم تحدي الناس
تم النشر الأحد، ٧ يناير ٢٠٢٤
أنصحك بأن تثقي بنفسك إلى أقصى درجة وأن تكوني عاقلة يعني قبل ما تتصرفي فكري كتيرا من كل النواحي
تم النشر الأحد، ٧ يناير ٢٠٢٤
انتي بتبقى حاسه ولكن ده احساس كاذب .. يعني انتي بتبقى حاسه ان الناس بتتفرج عليكي، لكن الحقيقة ان كل واحد بيبقى ماشي وملوش دعوة بحد المشكلة بقى عايزة ارجع معاكي ل اصل الموضوع .. ايه اللي وصلك انك تبقى كده؟ هل حد اتنمر عليكي؟ او اهلك كانوا بيضايقوكي ب اي شكل؟ وياريت لو تحكي لي عن طفولتك شوية..
تم النشر السبت، ٦ يناير ٢٠٢٤
حاضر شكرا لاهتمامك
تم النشر الثلاثاء، ٩ يناير ٢٠٢٤
العفو ربناا يسعدك
تم النشر الجمعة، ٥ يناير ٢٠٢٤
تمام هحاول أعمل كده إن شاء الله شكرا
تم النشر الجمعة، ٥ يناير ٢٠٢٤
أغلقي عيني تفكيرك بالناس و اتخذي قرارك بعد تفكير مطول في ما يجب و ما لا يجب اهتمي بنفسك قبل الجميع تكلمي مع نفسك اسأليها هل أنت جيدة بقدر ما تمنيت هل أخطأت و صححي إن وجد الخطأ ثقي بما تفعلين و فكري قبل كل شيء يجب أن تعلمي أن الحياة ليست سهلة و نحن أقوياء بقدر صعوبتها لا تستسلمي لأي عقبات مهما كنت و كانت تصرفاتك يكفي أن لا تكون مؤذية لك و لا لغيرك صححي ما يجب و تقبلي ما وجد
تم النشر الأحد، ٧ يناير ٢٠٢٤
حاضر إن شاء الله شكرا
تم النشر الأحد، ٧ يناير ٢٠٢٤
شجاعة انك قدرتي تعبري عن مشاكلك، كل واحد فينا عنده شخصية الهادئ والمتكلم والمتحرك والنشيط والمنجز عادي ، اختلاف طباع، المكسب انك تتطوري، بحيث تقدري تحلي مشاكلك المستقبلية بالتعاون، اهتمي انك تتعاوني مع غيرك وتستشيريهم وتاخدي رأيهم، هيفرق معاكي، وماتمشيش لوحدك، لو طالعين من مدرسة او درس او مشوار خلي فيه رفيق، يعني هي مسألة اجتماعيات، .. يعني طوري من قدراتك الاجتماعية بإنك مثلا تهتمي تكوني في محيط في مجتمع في ناس تكوني ف موقف يجبرك تتكلمي مع ده وده، لسانك هيفك وينطلق مع الوقت، وهتحلي مشاكل البدايات والاستقبالات... مشكلة اجتماعية بسيطة .. الله يوفقك
تم النشر السبت، ٦ يناير ٢٠٢٤
حطي كل المشاكل اللي عندك وحطي قدامها ليه؟ يعني مثلا مش مقتنعه بشكلك ليه؟ وجاوبي بتحسي انك متردده مثلا ف مواقف ومش بتعرفي تصرفي طيب ليه وحاولي تجاوبي علي نفسك الحل من عندك انا ممكن اقولك حاجات بس الأفضل تعرفيها انتي بنفسك عشان تبقي مقتنعه وتحلي مشاكلك وتعتمدي علي نفسك
تم النشر الجمعة، ٥ يناير ٢٠٢٤
لعرض السؤال في فدني اضغط هنا