انا عندي 17 سنة و مصابة بمتلازمة " بيكا " يعني شهوة الغرائب.. باكل حجات مينفعش تتاكل إطلاقاً و الموضوع بقاله سنين طويلة جدا يمكن من بداية حياتي اصلا و الشيء ده بيتكرر و باكل حجات حادة اكتر مع الوقت زي الإزاز و الخشب و دهان الحوائط و الطين و كل الكريمات و المنتجات الخاصة بالعناية الشخصية و الأقلام الرصاص و الأستيكة و الفازلين و مسحوق الغسيل و البيروسول و حجات تانية كتير و على حد علمي ف الموضوع ده بيكون بسبب مشاكل نفسية ف ايه العلاج او الحل خصوصا اني مقدرش في الوقت الحالي استعين بطبيب نفسي و اني خايفة نهايتي تكون في مستشفى السميّات.. اللي هيسألني طب ليه باكل الحجات دي ف انا تقريباً مش بكون مدركة للوضع وهو بيحصل.. بفوق بعد ما اخلص اكل و ألوم نفسي و الموضوع حرفيا ادمان.. مع العلم اني كمان من صغري وانا مش باكل لحوم و مش بطيق ريحتها حتى ف مش باكل لحوم او دواجن او سمك خالص و بعوض ده بفيتامينات طول الوقت لإني مش بتقبل طعمهم و بشكل عام عندي مشاكل كتيرة مع الأكل الطبيعي اللي المفروض اكله ف اتصرف ازاي؟
انا بطلت اني كنت بدعي كتيير وانا بصلي و لازم تكوني عارفة أن التعافي مش من يوم وليلة انا كنت برجع اقع كل اسبوع كدة اول شهرين واجرب الحاجة دي بس بطلت نهائي بقا اني لعبت رياضة ونزلت الجيم و قولت انا مش هبوظ الي انا بعمله فأول حاجة انصحك بيها الرياضة لأنها هتخليكي تستحرمي تبوظي تقدمك وأما تشوفي صحتك بتتحسن هتتشجعي واسألي نفسك انا بعمل دا ليه لانه غالبا بيبقى ضغط نفسي كبير واهتمي بصحتك
تم النشر الأربعاء، ١٧ يوليو ٢٠٢٤
اول حاجه ربنا معاكي تقدري تتحملي هذا الإبتلاء وتحمدي ربنا وتصبري ايوه انا مش متخصصه في حاجه من دي بس انا قدك في العمر تقريبا عايزاك تحاولي وتعافري ده ان ما كانش بالدكتور فكوني طبيبه نفسك حاولى مش من مره ولا من اتنين ولا من ثلاثه حولي عادي جدا وعدي وقولي ايوه دي هتبقى المره المليون ودي هتبقى المره مليارو مليار وواحد مليار واثنين عادي المهم تسعي وفي الاخر هتوصلي وتيقني ان كل حاجه بتعدي ممكن تعملي alarm كل خمس دقائق مثلا على حسب انت درجه اكلك للاشياء قد ايه
تم النشر الاثنين، ١٥ يوليو ٢٠٢٤
مرحباً، عزيزتي. أول حاجة عايزة أقولك إنك شجاعة جداً لمشاركة تجربتك والبحث عن مساعدة. متلازمة بيكا (شهوة الغرائب) هي حالة معروفة وتصيب ناس كتير، وهي عبارة عن رغبة في أكل مواد غير غذائية زي ما وصفتِ. هنا بعض النصائح والإرشادات اللي ممكن تساعدك حتى تقدر تسيطري على الوضع: الوعي والرقابة الذاتية : حاولي تكوني واعية أكتر بالحاجات اللي بتحصلك. سجلي الأوقات اللي بتحسي فيها بالرغبة دي، والمواقف المحيطة. ممكن تلاقي نمط معين أو مشكلات معينة بتسبب لك الشعور ده. اشغلي نفسك : لما تحسي بالرغبة دي، حاولي تشغلي نفسك بحاجة تانية. ممكن ممارسة رياضة خفيفة، الرسم، الكتابة، أو التحدث مع حد قريب منك. اهتمي بصحتك العامة : حافظي على نظام غذائي متوازن بمساعدة الفيتامينات والمكملات الغذائية اللي بتاخديها، وحاولي تستشيري طبيب ليتابع وضعك الغذائي. الدعم النفسي : مهما كان الوضع صعب بدون مساعدة طبيب نفسي، حاولي تلاقي حد مقرب تتكلمي معاه أو حد تثقي فيه من الأسرة أو الأصدقاء لتفادي الوحدة والشعور بالعبء. إبعاد المواد الخطرة : خلي الحاجات اللي بتاكليها بالبُعد عنك قدر الإمكان وصعّبي الوصول ليها. يعني مثلاً لو بتاكلي إزاز، خدي قرار مايبقاش فيه إزاز في بيتك. نظام يومي : حاولي تنشئي نظام يومي ثابت يملأ وقتك بأنشطة مفيدة وممتعة. لو مثلا عندك أقل فرصة تواصلي فيها مع متخصص نفسي حتى عن طريق الإنترنت أو الهاتف، ياريت تستغليها. وممكن كمان تلاقي مجموعات دعم على الإنترنت لمشاركة تجاربك وتبادل النصائح. وما تنسيش، انك تاخدي الأمور واحدة واحدة، وكل خطوة صغيرة نحو التغيير هي إنجاز كبير. حافظي على قوتك واستعيني بالناس اللي حواليك، وعيشي الحياة بأفضل طريقة ممكنة. 💪🌸 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٥ يوليو ٢٠٢٤
انا اول مرة اشوف حد زيي ونفس سني بس انا كنت مدمن على اكل مسحوق الغسيل لمدة سنة وبطلت بقالي سنة بردو وهشاركك خبرتي انت اول ماعرفت أن دا غلط بدأت اشوف ازاي ابطل لأن الموضوع كان صعب اوي بدأت بدل ما اكله اتمضمض بيه يعني عشان طعمه بس بعد كدا نويت اني ابطله لأن دا بياذيني حتى لو بصعوبة جدا قدرت ابطل لأن مقدرش اشوف حد احسن مني ولعبت رياضة وطورت من نفسي عشان اتغلب على شعور الندم الي جالي والاعراض الانسحابية ولحد دلوقتي في شعور بالندم بردو مهما اعمل بس بحاول اتعامل معاه
تم النشر الأربعاء، ١٧ يوليو ٢٠٢٤
روحى لدكتور نفسي
تم النشر الثلاثاء، ١٦ يوليو ٢٠٢٤
لعرض السؤال في فدني اضغط هنا