بصي يا حبيبتي انت عمرك ما هتثقي في حد ولا في اي كلمه بتتقال لك لانك لازم قبل اي شيء تثق في نفسك لازم تبني مستقبلك ممكن يكون اللي مخلي حالتك وصلت لكده اهلك زي ما انت قلتي ابوك بيضربك بس انا مش عايزاك تبصي للوحش بس بصي الحاجات كثير حلوه بصي ان انت بكره وبعده ربنا هيكرمك بابن الحلال اللي يسعدك ويملا عليك دنيتك ويبقى لك شخصيه مستقله ولا ابوك ولا غيره يقدر يتحكم فيك غير الراجل اللي انت على ذمته كل عليك دلوقتي انك تفكري في مستقبلك تفكري عايزه مستقبلك بكره يبقى شكله ايه سيبك من اللي انت فيه دلوقتي اهم حاجه اللي جاي كل ما تحاولي تحسني من حالتك دلوقتي كل ما تبقي احسن في المستقبل وكمان مش انت لوحدك اللي بتمري بظروف صعبه في ناس كتير مرت بظروف اصعب من اللي انت فيها بس فوتت امرها لربنا وفكرت اني مستقبلها هيبقى احسن وفعلا ربنا عوضهم بعد كده بالاحسن ليهم اوعي تفكري في الانتحار كده هتكوني خسرت دنيتك واخرتك وكل ما تجيلي الفكره دي استعيذي بالله
تم النشر الاثنين، ٢٦ فبراير ٢٠٢٤
2 تعليق
طيب هو انا ممكن اسالك سؤال ايه اللي يوصلك للمرحله دي المرحله ما تعرفيش تخرجي منها
تم النشر الاثنين، ٢٦ فبراير ٢٠٢٤
انا عمري ما اثق في حت زي ماثقتي في نفسي مبقتش موجوده اصلن معنديش اي مستقبل فقد شغف عن حاجات الي بحبهاا بردووو
تم النشر الاثنين، ٢٦ فبراير ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك