انا محتاج مساعدتكم انا مكسوف من نفسي اوي انا لسا داخل جامعه ومشتت جداً و بروح بتلم علي شله مش كويسه بيقعدوا يعاكسو ف البنات وغيره ومبنحضرش محاضرات وحاسس انهم هيشدوني للسكه الغلط تاني بعد م كنت اتعدلت وبعمل عاده سرية وبقي عندي فقدان للشغف ف الحياة اصلا بفكر انتحر وعايزيني اشتغل وانا بدور علي شغل كتير بس مبستقرش وبتضايق جداً و مش عارف لي بقلق او بخاف يمكن وبستصعب الامور واحس اني مش هقدر اعمل كده والخوف ده مخليني واقف مكاني مش عارف اخد اي خطوه ف موضوع الشغل وابويا كل اما يشوفني يزعقلي وكلام الابهات ده بقي عن الشغل وانت اي لازمتك حقيقي من كتر الكلام السلبي بقيت مخنوق ومشتت ومش عارف اخد خطوه ف حياتي ومحتاج فلوس لكتب الجامعه وابويا طبعاً مبيدينيش فلوس وبحاول اشتغل بس الرهبه والخوف مسيطرين عليا ومخليني ف منطقه الراحه مش عارف اخرج منها ولا اتقدم ف اي حاجه انا حاسس اني مليش لازمه ومستاهلش اعيش ساعدوني
رغم انك فاكر انك ملكش لازمه ...الا انى شوفت الجانب اللى يخليك تفرح بنفسك ..انت عندك ضمير صاحى وبينبهك ومخليك مش مرتاح وسط الغلط عندك بس فكره مش صحيحه عن نفسك من تكرار الكلام السلبى انك متقدرش ومش نافع بس الحقيقة انك طالما جواك صاحى يبقى تقدر اكتر من اى حد انت بتسعى وربنا بيقدرلك فى الوقت المناسب انت تقوم تتوضى وتنوى الخير والتوبة وتصلى ركعتين وانت ع السجادة ...تبعت لصحاب السوء دول انك مش ناوى تمشى بالنظام ده وانك هتركز فى الدراسه تجيب ورقة وقلم وترتب يومك هيمشى ازاى من اول ما تصحى وتلتزم بمواعيد الصلاه والمحاضرات ( لما تخرج من المحاضره ابقى صلى ...دى مفيهاش حاجة ) شوف شغل يكون اون لاين او الحاجات اللى تناسب الطلبه ..التوصيل مثلا ..مواعيده مش ثابته وهكذا
تم النشر الجمعة، ٢٧ أكتوبر ٢٠٢٣
حاسس مش متأكد انهم هيشدوك لسكة غلط؟؟ طيب أول شئ لازم تعمله هو انك تبعد تماما عن صحابك اللي بتقول عليهم .. لانك لو فضلت معاهم حتى وانت بتحاول تبقى كويس هيرجوعك لوراء .. ما هو مش معقوله تبقى بتحب حاجه او مدمن عليها وواجبها قدامك وتبقى قدام عينك ليل ونهار ومش هتمد ايدك عليها!!! يبقى نقطع الحب خالص ... اقطع علاقتك بيهم ده اول الطريق .. لما تبقى لوحدك او مع ناس كويسة انت هتعرف تشوف الرؤية صح اكتر من الاول. بالنسبة لبابا .. انت قولت بنفسك أب زي أي أب مصري .. بيخاف على ولاده، وبيحبهم بس هو المشكلة بس انه عايز يخليك شخص يعتمد عليه كده بس بطريقته! اه طريقته غلط مقولناش حاجه .. بس هنعمل ايه؟ طريقته كده!! ركز على نيته مش طريقته، نيته اكيد عايزك شخص كويس يعتمد عليه وراجل كده يشيل المسؤولية من بعده ويبقى مطمن على البيت في غيابه. فحاول تتغاضي شوية عن طريقته واعمل خطوة كويسة ايجابية وهو صدقني بعد كده هيثق فيك، ولما يشوفك ناجح ومحقق حاجات كويسة .. الدنيا ما بينكم هتتغير كتير جدا. بالنسبة لفقدان الشغف ..متحاولش انك تستخدم المصطلح ده كتير مصيبته اكتر من فوائده، فقدان الشغف ديه كلمه بتكرر كتير جدا، ولو حد عنده مشكلة في حياته، وقال انا فاقد الشغف في كل حاجه .. هو كده يعتبر جاب كل جياته كده ورمها من فوق! ليه نعمل كده؟ ما هو فيه حاجه بس او نقاط معينه في حياتنا هي اللي فيها مشاكل، وفيه حاجات تانيه كويسة، ليه نقلب كل حياتنا من فوق؟ نحاول نركز في المصطلحات اللي بنقولها اكتر.. لان بيبقى ليها دور كبير جدا ف انها تخلينا بالشكل ده. هحط ليك سؤال بالنسبة لفقدان الشغف https://fedni.net/q/86119725/نفسيتي-متدمره وسؤال اخر للعادة السرية .. اتمنى تشوف اجاباتهم وهتفيدك كتير باذن الله https://fedni.net/q/61042885/إدمان-مشاهدة-الأفلام-الإباحيه وربنا يوفقك
تم النشر الخميس، ٢٦ أكتوبر ٢٠٢٣
مش هازود كتير على كلام الافاضل اى خطوة انت خايف تاخدها في الخير هي اللي هاتعليك ابدأ يومك بالفجر صلي الفرض والسنة اللي هي خير من الدنيا وما فيها قرر بقا هاتبدأ يومك برياضه من البيت او جيم اقرأ قرآن كتير عشان ميقربش منك شيطان واستعيذ بالله من الشيطان كل ما يجيلك افكار سلبيه لان الحزن كله بيجي من الشيطان وارضى بأبسط شغلك وابدع فيه وانفق من ماله شوف البركات الل هاتعم عليك صلي الفروض كلها في اوقاتها ولو مثلا نسيت اول ما تفتكر صلي متستناش الحياة مع ربنا أنس لوحدها هاقولك في التعليق عن الاصحاب وتجربتي في الكلية
تم النشر الخميس، ٢٦ أكتوبر ٢٠٢٣
اولا خليني اسالك ماهو تخصصك الجامعي وكم عمرك ثانيا حسب كلامك انت لسة طالب جامعي يعني لسة صغير فالسن ثالثا اقتراحي لك انه ان تهدأ من روعك لانك لسة صغير ومتعرفش تشيل مسؤولية بحكم صغر سنك وفي غيرك اكبر سنا مازال شتت ولم يحصل على شغل بعد
تم النشر الخميس، ٢٦ أكتوبر ٢٠٢٣
لا شكرا على واجب
تم النشر الاثنين، ٢٠ نوفمبر ٢٠٢٣
اشكرك علي نصيحتك
تم النشر الاثنين، ٢٠ نوفمبر ٢٠٢٣
حضرتك في أهم مراحل حياتك ولازم تتعود في المرحله دي علي الضغوط والأزمات لأن علي حد علمي أن المرحله دي تشبه العاصفه إذا نجحت في المرور من خلالها فأنت بسلامه فهذا هو أهم نجاح في حياتك ومتستناش من اي حد يوصلك لحل سحري للتخلص من جميع مشكلاتك فأنت لازم تخوض التجربه بنفسك وتحاول تفهم مشكلتك اكتر وحكايه الشغل ده دي شئ ضروري لازم تعمله عشان هو عصب الحياه وبيشتت مخك عن الأفكار السلبيه وبيزيد من خبراتك في الحياه بس عشان تعدي من ضغط الشغل حاول تشتغل شغل انت تحبه حتي لو مكسبه الماديه قليلة دلوقتي بس مكاسبه النفسيه اكبر بكتير وفي الختام ربنا يوفقك ويعينك
تم النشر الجمعة، ٢٧ أكتوبر ٢٠٢٣
لعرض السؤال في فدني اضغط هنا