هاتلاقيهم بيعينوك على الطاعة ومرحبين بيك
تم النشر الخميس، ٢٦ أكتوبر ٢٠٢٣
حط نفسك قصاد الامر الواقع متفكرش كتير ناحية الخير ولا تتردد ....ثق في الله وتوكل على طول وان شاء الله ربنا يصلح الحال وانا متفائلة بيك وان شاء الله نسمع عنك كل خير ربنا يراضيك ويرضى عنك
تم النشر الخميس، ٢٦ أكتوبر ٢٠٢٣
عندك حق انا فعلاً حسيت ان المكان مش مكاني وهبعد قدر الامكان ببقي نفسي انزل المسجد لصلاة الضهر عشان اصلي ف المقام الأول والثاني اني ألاقي صحبه صالحه تعيني ع الخير ولكن بكون في حيرة اني احضر المحاضره او اصلي وهكذا نسأل الله الثباث
تم النشر الخميس، ٢٦ أكتوبر ٢٠٢٣
ربنا يتوب عليك ويقبل منك كل خير انفق لو بجنيه في سبيل التوبة ...بنية تحسين الحال وقبول التوبة وبنية الصبر على نفسك الى ان يرضى الله عنك وعن افعالك
تم النشر الخميس، ٢٦ أكتوبر ٢٠٢٣
انك شوفت ان الاصحاب وحشين بدري كده ده شئ كويس وليك نظرة ......خذ خطوة وابعد عنهم ....انا كنت في اولى وتانيه جامعه مكونتش اصحاب كنت كل ما اروح شلة احس ان في حاجه غلط ده مش مكاني ف كنت اقعد معاهم يومين مارتاحش اسيبهم واخلي العلاقات سطحية ....بعدها ربنا رزقني بأصحاب رائعين بيشبهو قلبي وانهم قربوني لربنا ولبست خمار بسبب انهم صحبة صالحه شجعوني وبقو عايزين يعملو كده وبيسعو لكده ف اللي هو انت تختار حد ماشي على نفس مبادئك هايجرك للخير ...مهما الموضوع تأخر ....اقترب من الله يقترب منك كل جميل ..... الشيوخ اللي بتشوفهم دلوقتي وصلو لكده ازاي واحده واحده بيتركو المعاصي والصحبة الصالحه والعمل الصالح والاستمرار ....حتى لو في انتكاسه توب واتطهر على طول واستغفر طول اليوم ....فقلت استغفرو ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا .....وما كان الله معذبهم وهم يستغفرون ...ربنا يتقبل منك التوبة ويعفو عنك
تم النشر الخميس، ٢٦ أكتوبر ٢٠٢٣
لعرض الإجابة في فدني اضغط هنا