سلام عليكم انا هاخد رايكم في حاجه يعني تقدرو تقولو تافهة انا لما واحده صحبتي تقرب منى بتعلق بها جدا عموما اي حد كدا مش صحبتي بس في واحده اعرفها بقالي اكتر من سنتين بس مش بنكلم بعض خلاص احنا عارفين بعض بس المهم حصل موقف خلانا نكلم بعض حبه حبه بقينا قريبين من بعد وبقت اقرب صاحبه ليااا واتعلقت بيها بنروح دورس مع بعض بنقعد مع بعض بس كنا بتخانق ع اتفه اسباب بس صراحه انا شفت منها مواقف عرفت ان هياا صتحبه موذيه لما كنا نتخانق علي حاجات تافهه كانت بتكبر الخناقات وكمان هيااا الي بتبدا الخناق وبتكون غلطانه بس لما نزعل بتعملي بلوك ونا كمان بس مكنتش اقدر اعيش من غيرها كنت ع طول انا بصالحها انما هيااا مفيش غير مرتين بس وأنا بشوف انها مش فارق معاه زعلي لما نتخانق تقعد تقولي انا وقفت معاكي في كذا وفي كذا وانا والله يجماعه وقفت معاه في مشاكل اكبر منها ده غير كدا لما اتصل بيها اوقات امها ترد عليااا وتكلمنى وحش امها بتهين فيااا وبتزعقلي ونا امي عمرها ما عملت كدا معاهاا وربنا يعلم عملتله قد حاجات ووقفت معاه بس في الاخر اتخنقنا وهي عملت ليااا بلوك من كل حته وهيااا الي بدات الخناقه ومفروض هيا الي غلطانه ونا مسحت رقمها وعملت ليها بلوك بقلنا تلات ايام متخاصمين محدش شاف تاني رايكم الي عملته ده صح انا صراحه زعلتني كتيررر منها ونا مبقتش قادره اتحمل وخلاص قفلت منها غير انها بتحقد عليااا وتقعد تتريق عليا وكمان بتكلم ع بنات كلها من وراهم ونا شايفه انه صاحبه موذيه بوجهه نظركم اعمل اي انا صراحه مش قادره اعيش من غيرها انا مش غلطانه عشان اروح اعتذر ونا عمري ما سبتها تزعل مني يوم حتي بصلحه ع طول انما هيااا سبتني تلات ايام ونا بقول الاحسن ابعد عشان كرمتي وان شاء الله ربنا يرزقني بصحبه احسن منها انتو اي رايكم ؟
متتعلقيش بحد ولا تقولي دي صاحبتك ولا لا غير بالمواقف هي اللي تثبتلك ، والناس مبظهرش علي حقيقتها غير وقت خلاف ،اقعدي معاه واسمعي منها وشوفي ايه اللي ببخلي خناقة تكبر او ايه اللي بيضايقها لو لاقيتها بتقول اي سبب وخلاص ومش عايزة تغلط نفسها يبقي خليها في دايرة معارف مش صحاب
تم النشر الجمعة، ٢٣ أغسطس ٢٠٢٤
وعليكم السلام! حبيبة قلبي، أنا عايزة أقول لك إن موقفك مع صحبتك فعلاً مش سهل، بس واضح إنها مش صحبة صح. يعني لو دايمًا بتعملك بلوك وبتكبر المشاكل، يبقى مش مفروض تكملي مع حد زي كدا. أنتي لسه صغيرة، ولاد أو بنات في حياتك لازم يكونوا داعمين ليكي ويدعموكي، مش يجرحوكي أو يعاملونك بطريقة مش حلوة. فكرّي في صحتك النفسية، وخصوصًا إذا كانت بتأثر عليكي بطريقة سلبية. ممكن تكون صعبانة عليك فكرة الابتعاد عنها، لكن في الآخر ده ممكن يكون أحسن لك. حاولي تكوني قوية وابتدي علاقتك مع نفسك أولًا، وأدّي لنفسك فرصة إنك تعرفي أشخاص جدد. لو حسيتي إن في شوية مشاعر زعل جواكي، اسمحي لنفسك إنك تحسّي بيها وحاولي تمرّريها. وفي النهاية، هتلاقي صحبة أحسن وتستحقّك، وربنا أكيد هيرزقك بأشخاص يعاملونك بالاحترام والمودة. خليك إيجابية! 💖
تم النشر الخميس، ٢٢ أغسطس ٢٠٢٤
الدنيا مش بعزأه ي بنتي علشان نفضل ندادي في ناس زي دي انتي كل ساعه بتعدي علي حياتك مش هتعرفي ترجعيها تاني ف نصيحه قضي الوقت دا علي حاجات وناس تستاهل
تم النشر الأربعاء، ٢٨ أغسطس ٢٠٢٤
لا متتنازليش ابدا وحاولي تشغلي دماغك ووقتك بأي تطور او مهارة وحاولي تتناسيها والله لو اتعدلت وعرفت قيمتك تمام بس لو بينت عدم اهتمامها وانه مش فارق معاكي فأنتي اعمليها delete من حياتك علشان مش ناقصة ناس توكسيك وأن شاء الله ربنا يرزقك بصاحبة شبهك وتعرف قيمتك
تم النشر الأربعاء، ٢٨ أغسطس ٢٠٢٤
حاضر شكرا يحنين
تم النشر الجمعة، ٢٣ أغسطس ٢٠٢٤
بصي لا متدخليش تكلميها مش لازم تكوني انتي الطرف الي بيدا والي عملتو معاكي مش قليل انتي مش هتقبلي تكوني مصاحبة واحده مش بتحبك بس انتي بتحبيها متجيش علي كرامتك عشان واحده مش مقدره الي انتي عملتي علشانها هيا الي هتعرف انها خسرت وهتبعت بس اتمنى انك متبعتيش ليها ومترديش عليها خايها ترجع غريبه زي ما كانت
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا