جاي قول أن اه قلبي حب مرتين وثق فيه مرتين بأشخاص تعلق روحي فيهم انبهرت الاول بشخصيا مكنش كده كان كلام حلو اهتمام فجاه كل ده انسحب مع وقت بغلطه واحده مني مش كبيره حاولت كتير اصلح طرف ده زعلوا حاولت كتير لحد م قالي مش عايزاه اعشمك قول سامحتك وانا جوايا حته مزعلني منك وفضل معايا بكلام حلو اهتمام بعدها فجاه قال مش هكمل وانا قعدت افكر كل ده ليه فين كل حاجه حلو كانت حلوه من الاول بقيت خايفه احب خايفه اقول وأصدق
مش محتاجه تتعالجى قد ما محتاجة تفرقى بين علاقة فعلا و اى مسمى تانى لما اقول انا بتربطنى علاقة بشخص لازم اكون عارفه هدفها وحدودها و خطوطها الحمرا ..لكن نقول احنا مع بعض كده وبس ونبقى بنستمتع بالحاجات اللطيفه وخلاص هى دى المشكلة خافى انك تدخلى فى الشكل ده تانى لكن العلاقات عموما هى حاجة بتدفعنا ليها الفطرة البشرية ,,.بس تجاربنا الغلط هى اللى بتوقفنا عن اننا نسمع للاحتياج ده وبنقيسه على النتائج السابقة ونعممها متعمميش بس اوزنى الامور صح وكونى على الطريق الصح مش الطريق اللى كل الناس ماشيه عليه
تم النشر الجمعة، ٥ يناير ٢٠٢٤
خلينا نتكلم الاول في جزء كده صغير ولكن مهم .. اهم حاجه ان العلاقات ديه تكون رسمية .. يعني في نطاق شرعي .. وده لها اسباب كتيرة جدا ... اولا علشان حرام، والشئ الحرام الله لا يبارك فيه. ثانيا علشان فيه كتير بيدخلوا علاقات مع بنات وبيعشموهم ويسبوهم .. ف علشان برضه نتجب الخطوة ديه انها تحصل اساسا، ياريت يكون الارتباط ده في نطاق شرعي. تاني شئ بقى .. هو خوفك من الدخول في العلاقات عموما! عايزة اشكرك انك من غير ما تحسي وضعتي ايدك على المفيد في كلامك .. تعلق، انبهار ، اهتمام، عشم انتي هنا في علاقاتك او علاقتك ب احد الاشخاص انبهرتي بالشخصية اللي قدامك، وديه اول خطوة غلط يعني ايه؟ الانبهار لا يعني الحب، الانبهار يعني الانجذاب .. يعني كأنك اول ما شوفتي كده حد من بره، لابس شيك جدا، ولكن من جواه انتي متعرفيش عنه حاجه .. ربما يكون حرامي مثلا! الانبهار في البدايات خدعة شوية، مش مهم البدايات .. المهم بعد كده .. هل بقى الانبهار ده هيقعد ولا لا؟ المشكلة انك وانتي داخله العلاقة، بتدخليها بعشم اوي، المشكلة هنا انك ممكن تلغي عقلك شوية ويكون القلب والمشاعر هي المسيطرة .. وده اكبر خطأ .. انتي هتدخلي علاقة يعني هتدخلي اختبار، هتشوفي الشخص ده هينفع يكون شريك حياة ولا لا؟ الحب والفراشات ده مش وقتها خالص دلوقت. التعلق هل مطلوب انك تتعلقي بالشخص، ولا برضه تشوفي هل الشخص ده هيكون شريك مناسب ليكي ولا لا؟ طيب انتي بتبقى داخله العلاقة على اساس ايه؟ اكبر غلط لو انتي داخله العلاقة .. ومش ف دماغك خالص ان ممكن العلاقة تفشل! الارتباط ممكن ميكلمش، الخطوبة كذلك، الزواج كذلك .. اي علاقة معرضة للانتهاء في اي لحظة .. البداية ما هي اللي تبقى دعم .. مجرد دعم ل اما يكمل او لا. لكن تبقى داخله العلاقة وانتي واضعه على عيونك ستارة سواء .. ده اكبر غلط. الاهتمام الاهتمام كويس .. مقولناش حاجه .. ولكن بيدي عشم .. وديه النتيجة الغلط اللي ممكن تحصل. انتي برضه هنا عملتي توقع واديتي لنفسك عشم .. مع انه قالك في الاول انا مش هنسى ولا هعشمك ولكن انتي في النهاية اتعشمتي من مجرد اهتمامه. مع انه قال ف الاول.. مش عايز اعشمك .. كان لازم تسبيه، او تدي له فرصة يراجع نفسه. وبعدين يبقى ليكي القرار. العشم والتوقعات هتودي في داهية .. لازم اللي قدامك ياخد خطوة، يدي امارة .. يعمل اي حاجه .. لكن تتعشمي من نفسك بحاجه اساسا .. ليه؟ واخيرا .. حاولي تراعي علاقاتك .. حاولي تراجعي اخطاءك واتعلمي منها .. لان الواحد بيتعلم من اخطائه .. مش من الحاجت الصح .. هل فيه حد هيتعلم من الصح؟ اكيد لا مش لازم الاخطاء تتكرر .. بس الخطأ اللي ممكن تعمليه في نفسك، انك تحرمي نفسك من ان يكون ليكي شريك لحياتك. فكري صح... وربنا معاكي ويوفقك
تم النشر السبت، ٣٠ ديسمبر ٢٠٢٣
حببتي انتي عندك تعلق بالاشخاص بسبب خوفك من الهجر لان وانتي صغيري اهلك كانو معاكي و فجاءه سبوكي ف شكلتلك صدمه من الطفوله و دا اللي خلاكي لما كبرتي وبقيتي ف سن المراهقه تتعلقي باي شخص و تخافي ان يسبك ومن شده خوفك بيسيبك فعلا بدون سبب او بسبب تافه وانتي للاسف بترجعي تعيشي نفس المشاعر اللي عشتيها وانتي طفله لانك م عالجتيش صدمه الطفوله هيفضل يتكرر معاكي نفس الحدث ان تتعلقي بشخص و فجاءه يسيبك و ترجعي تحسي بنفس الشعور الحل انك تعالجي نمط تعلقكك دا وانصحك بكتاب ( تعافيت) للكاتب علي موسي شارح فيه نمط التعلق و الحل + ربي معاكي بالتوفيق
تم النشر السبت، ٦ يناير ٢٠٢٤
الخوف من العلاقات بيتعالج بس بعلاقه حلال مش حرام افتكري ان الشخص دا لو عايزك مكنش قبل انك تكلميه ونتو مش مخطوبين كان جيه طلبك من اهلك ، بصي انتي مكتوبلك عند ربك هتتجوزي مين و هتبقي مع مين ف ليه تضيعي حياتك و عمرك ف علاقات فارغه غرضها التسليه بالنسبه الشب قربي من ربنا اكتر و صلي و ادعي و ابعدي انتي عن الشخص دا و اعمليلو بلوك و فكري فيها لو عملتي كدا عشان ربنا ف ربنا هيعوضك ب اللي احسن منو اللي ييجي و يطلبك من اهلك و يراعي ربنا فيكي و يعيشك عيشه حلوه بس كل دا هيحصل لو سبتي اللي انتي ف علاقه محرمه معاه صدقيني دا تضيع وقت و مجهود ليكي وفري حبك للي يستاهلو وفريه للي جاي و طالبك في الحلال مش داخل كعاكي ف علاقه محرمه و غرضو يتسلى ببنات الناس كل شويه يقولك مش هكمل و مش عايز اعشمك يعني هو كأنو بيوضحلك انو بيتسلى بيكي متخليش حد ذي دا يخليكي معقده من الحب نفسو انتي تستاهلي اللي احسن منو
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا