السلام عليكم
انا عندى ١٧ سنه امى متوفيه وعندى اخت فى تالته اعدادي وأخت فى تالته ابتدائي ابويا بيعاملنى وحش جدا جدا وعلى طول بيشتمنى ويفضل يدعى عليا
انا فى تانيه تمريض انا كنت مخطوبه قبل كده وفركشت قبل وفاه والدتى وانا بيجيلي عرسان كتير جدا بس هتجوز وانا بدرس ومش هيبقى فيه أطفال وهنكتب عند محامى لغايه ما اخلص ونبقى نكتب رسمى بس انا خايفه انى اتجوز واندم بعد كده فمش عارفه اعمل ايه
وعليكم السلام ورحمه الله وبركاته انا لا انصحك بهذا التصرف ابدا ابدا ابدا ابدا انت سنك صغير ليه تعملي كده انت فاكره ان انت كده هتستفيدي بحاجه او انت كده هتنتقلي لحال افضل ابدا ابدا انت فاكره ان انت كده هتعرفي فعلا تركزي علشان خاطر تكملي دراستك ابدا انت في مرحله متخبطه جدا انا منصحكيش ابدا تعملي ده. والشروط دي كلها بان مش هيبقى في اطفال ونكتب عند المحامي عشان طبعا سن حضرتك اقل من السن القانوني للجواز هو ايه المشكله في ان حضرتك تستني او استنوا عليك السنه دي. في على الاقل انك يعني تكوني قد سن القانون تكوني 18 سنه. ال التسرع ده ما بيديش انذار لحاجه كويسه ابدا.
تم النشر الثلاثاء، ٤ فبراير ٢٠٢٥
لا تجعلي الزواج المبكر وسيلة للهرب من أبيك، ولا أعرف هل هذا العقد عند المحامي يضمن لك حقوقك أم لا فعليك أن تسألي وتستشيري أكثر من شخص موثوق، ولا يجوز لك الزواج دون موافقة ولي أمرك حتى لا تكتشفي بعد ذلك أنك في علاقة غير شرعية
تم النشر الثلاثاء، ٤ فبراير ٢٠٢٥
للأسف احنا مبنخترش اهلنا و لازم نتحملهم بحلوهم و مُرهم و ممكن تكون فترة خطوبة عادي لحد متتخرجي وتكوني عرفتيه اكتر و عرفتي شخصيته ولو خايفة من الزواج عمومآ انا بواجه مشكلة قريبة من مشكلتك حاليآ بسبب علاقة ابي وامي رحمها الله السيئة جدآ اخواتي البنات خافو من الجواز و بقو رافضينه و حاليآ بحاول اغير نظرتهم للموضوع عشان يتقبلوه وان مش كل الجوازات زي بعض وربنا يوفقك ان شاء الله و يرزقك بالزوج الصالح
تم النشر الثلاثاء، ٤ فبراير ٢٠٢٥
ممكن توضحي لي كم نقطة، دلوقتي أنتِ مش مخطوبة لكن ناوية توافقي على حد وتتزوجي عشان تهربي من معاملة والدك؟ هل فيه شخص محدد اتقدم لك حاليًا ووافق تكملي دراستك وتؤجلي إنجاب الأطفال لحد ما تخلصي دراسة؟ أنتِ دلوقتي خايفة تندمي على إيه بالظبط؟ ** هو عمومًا إذا كان كل همك تتخلصي من والدك عن طريق الزواج فلا أنصحك بكده... بنات كتير هربوا من معاملة الآباء السيئة لهم وتزوجوا وللأسف وقعوا في أشخاص من نفس عينة أهلهم وحياتهم بعد الزواج بقت جحيم أشد من الجحيم الأول وبقى فيه خوف جديد من الطلاق والرجوع للأهل وبيضطروا يتحملوا الوضع اللي هم فيه أو يطلقوا ويرجعوا يتعاملوا معاملة أسوأ في بيوت أهلهم. أنتِ صغيرة.. 17 سنة صغيرة قوي وخصوصا لو الزواج مجرد مهرب بالنسبة لك. محتاجة الأول تعالجي مشكلتك مع والدك وتصلحي نفسيتك بدل ما تقعي في شخصية زوج شبيهة بوالدك. محتاجة تعرفي إن ناس كتير عايشة مشكلتك وبيتعرضوا لمشاكل ومعاملة سيئة مع الأهل وانتِ في ابتلاء لكن متخليش الابتلاء ده يدمر لك حياتك الباقية. ركزي في دراستك وطوري نفسك وشوفي طرق تتأقلمي مع حياتك في بيت أهلك دلوقتي إذا معرفتيش تتوصلي لحل معه. أما الزواج لمجرد الهرب... مش حل أبدًا أبدًا.
تم النشر الثلاثاء، ٤ فبراير ٢٠٢٥
وعليكم السلام ورحمة الله وبركاته، عزيزتي. أشعر بحالك وأتفهم الصعوبات التي تواجهينها في هذه المرحلة من حياتك. فقد فقدت والدتك، وهذا يعتبر من أصعب الأوقات التي يمكن أن تمر بها الفتاة، خاصة في سنك. وفي ظل المعاملة السيئة التي تتلقينها من والدك، من الطبيعي أن تشعري بالحيرة والقلق. بالنسبة لموضوع الزواج، من الجيد أنك تفكرين في مستقبلك وتدرسين بجد، فهو أمر مهم للغاية. الزواج يعتبر خطوة كبيرة ويجب أن يؤخذ بعناية. إليكِ بعض النقاط التي يمكنك التفكير فيها: تقييم العلاقة : قبل اتخاذ قرار الزواج، حاولي تقييم الشخص الذي سيتم الزواج منه، وتفهم المزيد عن شخصيته وأخلاقه. يمكنك التحدث معه والبدء في بناء علاقة صداقة وتفاهم. استكمال الدراسة : إذا كنتِ عازمة على إكمال دراستك، يجب أن يكون لديكِ خطط واضحة حول كيفية التوازن بين الزواج والدراسة. تحدثي مع شريكك عن هذا الأمر وضعي خطة مشتركة. تقدير مشاعرك : من المهم أن تشعري بالراحة والثقة في قرارك. إذا كان لديكِ أي مخاوف أو استفسارات، فلا تترددي في التعبير عنها. استشارات العائلة أو الأصدقاء : قد يكون من المفيد أن تتحدثي مع شخص موثوق به من العائلة أو الأصدقاء حول مشاعرك وآرائك. هم قد يقدمون لكِ منظورًا آخر. تنمية ذاتك : استمري في التركيز على دراستك وتنمية ذاتك. الثقة بالنفس والعلم يمكن أن يكونا حليفين قويين في اتخاذ قرارات حياتية. أخيرًا، أذكّرك أن الندم ليس نهاية العالم، ولكن الأمر يتطلب منا دائمًا اتخاذ قرارات نابعة من تفكير عميق وفهم. استشيري قلبك وعقلك في كل خطوة. إذا كنتِ تحتاجين إلى دعم إضافي، فلا تترددي في طلب المساعدة من أهل الخبرة مثل المستشارين أو المرشدين في مجالك. أتمنى لك التوفيق والنجاح في كل ما تقومين به.
تم النشر الثلاثاء، ٤ فبراير ٢٠٢٥
ما بني علي باطل فهو باطل، مفيش حاجه اسمها تكتبوا عند محامي ده مش من الشرع ويعتبر مخالف للدين ومش عشان تخلصي من ضرب ابوكي ترمي بإيدك وتضيعي مستقبلك وبعدين هل انتي ضامه اللي هتتجوزيه هيراعي ربنا فيكي ويعاملك كويس وميضربكيش هو كمان، العمر لسه قدامك ومدام انتي الكبيره فاخواتك من مسئوليّتك انك تاخدي بالك منهم
تم النشر الخميس، ٢٠ فبراير ٢٠٢٥
لازم تاخدي وقتك وتشوفني شريك حياتك ده تصرفاته ايه ومتدين ولا لا صدقيني اللي بيخاف ربنا ومتدين اكيد هيخاف ربنا فيكي وهيرعاكي بس ما تستعجليش دوري كويس وشوفي تصرفاته وكده وبعدها لقيته كويس وانك ارتحتي له بس بعد وقت اتزوجوا وربنا يتمم لكم علي خير
تم النشر الخميس، ٢٠ فبراير ٢٠٢٥
لعرض السؤال في فدني اضغط هنا