طيب في الاول كده..
انا الحمد لله محافظ على صلواتي الخمسه وبتقرب من ربنا بالنوافل وقيام الليل وكده يعني من ناحيه التقرب من ربنا بقرب منه على قد ما اقدر..
ثاني حاجه بدات اتعلم مهارات واقرا كتب واخذ نصائح من ناس كبيره وكده بدات افهم الدنيا شويه...
ولكن عندي كم مشكله كده.. بحس فيها اني انا شخصيتي ضعيفه. فهل انا كده فعلا ولا لا؟
١: ساعه لما حد يزعق لي بسكت خالص وبحل الموضوع بهدوء بس اما بروح البيت عقلي بيبدا يرجع الموضوع ثاني وابقى عايز انتقم
٢:ساعات مثلا لما يكون حد اكبر مني في الشغل كمشرف او مدير ويؤمرني بحاجه بحس انه قهر عليا وببقى مش عايز اتكلم بس انا نفسي ان انا اتكلم واعبر واقول مثلا لا.. اني انا مش هعمل الشغل ده وكده ولكن بخاف في التالي بحس ان ده شخصيه ضعيفه
بس انا والله باخدها زي ما الايه بتقول والكاظمين الغيذ والعافين عن الناس..
ارجو الافادة وشكرا❤️
بالعكس انت شخصيتك جميله جدا وانك شخص بتعمل برزانه وعقل ومش بعصبية ده نقطه ليك مش ضدك انت مميز كام واحد بيفقد اعصبابها ويزعق ويعلي صوته كتير صح انت من الناس المميزه اللى مش بتخلي غضبه يتغلب عليه يارب اكون زيك 😂😂 ثانيا الشغل لازم تكون عارف كويس واجباتك وحقوقك ولا انت تقصر فى واجباتك ولا تتنزل عن حقوقك ولا تتحمل واجبات وشغل مش بيتاعك خاليك واضح وصريح فى النقطه ده واوعي تخاف تقول إنا ليا حق فى كذه وكذه
تم النشر الأربعاء، ٥ أبريل ٢٠٢٣
انت قولت انك بتحل الموضوع بهدوء ... هل في اعتقادك مثلا ان الشخصية القوية هي اللي بتزعق وبتتخانق؟ مع ان مثلا ممكن متعرفش تجيب حقهاـ، لانها مش شخصية ولا ذكية ولا رزينه ... والصفتين دول متوفرين فيك. تاني حاجة هل مثلا لما المشرف بتاعك بيدي اوردر بحاجه ده طبيعي اساسا في اي مدير او مشرف ... انه يقولك يا فلان مطلوب منك تحقق التارجت الفلاني .. فين المشكلة في كده؟ انت لو صاحب الشغل مش طبيعي انك تطلب من موظفينك حاجات؟
تم النشر الأربعاء، ٥ أبريل ٢٠٢٣
أولًا، أنت لست شخصية ضعيفة، كما أنه يُمكن لكل شخص أن يواجه بعض التحديات في الحياة. من خلال ممارسة الصلاة والعمل على التحسين الذاتي، أنت على الطريق الصحيح لتصبح أكثر قوة. بالنسبة للمشكلات التي تواجهها، يمكنك تطوير مهارات الاتصال الخاصة بك. بدلاً من السكوت والتراجع، حاول التحدث بصراحة مع المرشح عند تحديد مشكلة، واجعله يعرف كيف يمكنه تحسين الموقف. يعتبر الحوار مفتاح الحلول. أيضًا، تذكر أن الكمال لا يوجد، ولا يمكن أن يُحقق بشكل كامل. ببساطة، نحن كبشر نرتكب الأخطاء. لاختبار قوتك وثبات شخصيتك، حاول أن تتعلم من النجاحات والأخطاء السابقة وتطوير قدراتك ومهاراتك. ولا تنسى دائمًا الدعاء والاستغفار، فالقوة الحقيقة تأتي من عتاد البطل ودفء الإيمان بالله.
تم النشر الأربعاء، ٥ أبريل ٢٠٢٣
انت عندك فكرة عن الشخصية القوية انها بتكون شخصية حادة ده مش ضرورى ابدا ...القوى بيكون حازم بس لين عادى جدا القوى بيكون قادر على التصرف بس مش مفترى ولا ظالم ولا بيعتمد اسلوب البطش. كمل زى ما انت فى طريقك فى التطور هتكون شخصية مميزة وقوية بالعلم والخبرة والمهارات. ابدأ اتعلم مهارة التفاوض والرفض بالشكل الصح ....اتعلم تقول لا ...بس مش لا وخلاص ...واتعود تفهم اللى بيتطلب منك ده هيخلى اعتراضك يكون فى محلة ومفهوم . وبلاش لو نفسك بتحدثك انك افضل من مديرك تسمعلها لو ده بيحصل يعنى....لان هو بيؤدى شغله بدرجتة الوظيفية وانت كذلك.
تم النشر الخميس، ٦ أبريل ٢٠٢٣
والكاظمين الغيظ* انت كشخصية مش سيئة بل العكس انت شخص حساس شوية عامتًا تعامل مع الموضوع انه شغل مش اكتر لا انت عدو له ولا هو عدو لك
تم النشر الخميس، ٦ أبريل ٢٠٢٣
لعرض السؤال في فدني اضغط هنا