بنتي عمرها 3 سنوات هي عندها نشاط زايد في الحركة واحيانا تتكلم بصيغة السؤال والجواب ما بين شخصيتين مثلا بتفترض أنها بتكلم بنت اسمها رحمه وتقولها عاملة ايه يا رحمة وتروح ترد وتقول أنا كويسة وأحيانا يكون الحوار طويل زي أنها تعبر عن زعلها بسبب منع والدتها الهاتف فتشتكي لصاحبتها الافتراضية دي وكأنها بتسألها انتي زعلانه ليه فترد عشان ماما اخدت التليفون انا خايف تكون دي مشكلة نفسية
السلام عليكم ورحمه الله وبركاته في العمر ده من ثلاث سنين وكمان لحد ست سنين الاولاد بيستخدموا الجزء الخيالي بشكل كبير فبيبقى حاجه طبيعيه لكن اللي هيخلينا نبدا نشوف ان الموضوع خرج عن السياق الطبيعي لو الولاد بداوا ينعزلوا عن الواقع يعني لو هي طول الوقت بتتعامل بشكل خيالي وسايبه الحاجات الواقعيه زي ان مثلا انت ممكن تكوني حاطه اكل معين قدامها وهي تبدا لا تتخيل ده اكل ثاني اصلا فطول الوقت بتعزل نفسها عن الواقع لو بتعمل ده بشكل مستمر ان هي دايما بتتعامل مع الخيال انه مثلا دائما ما بتتكلمش لوحدها وتقول انا وطول الوقت بتستخدم الخيال علشان تعبر عن نفسها فهنا هنبقى محتاجين ان احنا نركز مع البنت ونشوف هي ليه بتلجا للخيال وبقت ماسكه فيه اكتر من الواقع لكن وجود الخيال عموما حاجه عاديه طبيعيه ان هي تحس ان هي بتكلم اصدقاء خياليين او ان هي بتجيب العروسه وشايفه ان العروسه دي هي صاحبتها فالحاجات دي بالنسبه دي بتبقى طبيعيه لكن لو هو هرجع اقول لك ثاني لو هو طول الوقت والحاجات الثانيه العاديه اللي هي الاجتماعيات العاديه واللي هو التعبير عن النفس بشكل ما بقتش بتعمله فهنا هيبقى في فعلا عندنا كده جرس انذار لازم نركز ونشوف البنت ممكن تكون ايه الحاجات اللي هي خايفه منها او اللي هي زعلانه منها ومخلياها تلجا للطريقه دي.
تم النشر الأربعاء، ٢٣ أكتوبر ٢٠٢٤
عزيزي إسلام، من الطبيعي جداً في هذه المرحلة العمرية أن الأطفال يقومون بتجسيد شخصيات خيالية ويستخدمون اللعب كوسيلة للتعبير عن مشاعرهم وأفكارهم. ما تشرحه عن ابنتك هو جزء من النمو الطبيعي حيث تقوم الأطفال بتطوير مهاراتهم اللغوية وتعلم كيفية التعبير عن مشاعرهم من خلال الحوار مع أنفسهم أو مع شخصيات خيالية. التحدث بصوتين أو استخدام صيغة السؤال والجواب يمكن أن يكون بمثابة وسيلة لطفلتك لفهم مشاعرها والتعامل معها، خاصةً عندما تمر بتجارب جديدة أو تحديات مثل منعها من استخدام الهاتف. هذا النوع من السلوك ليس عادةً علامة على مشكلة نفسية، بل هو تعبير طبيعي عن الإبداع والخيال. المهم هو أن توفر لها بيئة آمنة ومحفزة تعزز من خيالها وتساعدها في التعبير عن مشاعرها بطرق مختلفة. إذا شعرت بالقلق أو إذا استمر هذا السلوك بشكل مفرط أو أصبح غير ملائم، قد يكون من المفيد استشارة متخصص في الطفولة للحصول على مشورة إضافية.
تم النشر الثلاثاء، ٢٢ أكتوبر ٢٠٢٤
لعرض السؤال في فدني اضغط هنا