السلام عليكم. حصل موقف بيني و بين اختي مسببلي مشكلة
اول امبارح تقريبا لاحظت أن القطط بتاعتي تعبانة جدا و بسبب انشغال اختي مراحتش معايا للدكتور البيطري عشان التطعيم و استنيتها كتير و هي تجاهلت الموضوع و كل ما افكرها تزعقلي و تقولي أنها مشغولة و اني كده بضغطها اكتر ما هي مضغوطة ف اول امبارح قولتلها هتيجي معايا للدكتور البيطري ولا اكلم صاحبتي تيجي معايا (لأن انا صغيرة ف السن + مش بعرف اتحكم ف القطط لوحدي ف لازم حد معايا) قامت لفة نفسها ليا و زعقت و قالتلي انتي دائما حطاني ف المركز الأخير و مخلية صحابك اهم مني و و و و و .... وانا اصلا اول مره اجرب أن يبقا ليا صحاب السنادي و اختي اصلا كانت هي حياتي و المثل الأعلى ليا و من كتر حبي ليها و احساسي بالأمان معاها مكنتش بنام غير لما هي تنام حتى لو ماما هتنام جنبي كنت بستنى اختي (انا بحب ماما و بحس بالأمان معايا بردو ) مع العلم أن اختي اكبر مني ف السن و بتشتغل و كده بس من صدمتي أنها قالت كده قعدت اعيط كتير اوي و هي اصلا متعرفش أنها كانت من أولوياتي و من أهم الحجات ف حياتي و اني كنت بقعد استناها قدام باب الشقة لما ترجع من بره و مكنش ليا صحاب و اهملتني لفترة و جالي اكتئاب لمدة 5 سنين و اضطريت اروح اتعالج مع اخصائية نفسية و كانت فكراني بحب اضايقها و اخد حاجاتها بس فالحقيقة كنت بعتبر اي حاجة تخصها هو كنز و غالي و يساوي ملايين الملايين و بسبب كلامها ف الموقف ده زعلت جامد و الموضوع تزامن مع اختي الكبيرة التانية اللي متجوزة و عندها عيال و كنا ف العربية و بنتها كانت عايزة تطلع تقعد قدام و كانت بتدوس على السنادة اللي السواق بيسند أيده عليها و كانت هتتزحلق من عليها و تقع على وشها و كان لاقدر الله تتفتح مناخيرها و هي اصلا عاملة عملية قامت اختي مزعقالي و قالتلي انتي السبب انتي اللي زقتيها و انا كنت بحاول احميها و اخويا بردو بيضايقني كمان و بجد هعيط و المشكلة أن طريقة تعبيري عن حبي و اهتمامي عن طريق العتاب و العنف و انا عارفة أن ده غلط بس مش عارفة اغيره و كمان كل شوية يقولولي تقبلينا احنا و شخصياتنا و المساوئ اللي فينا و هم اصلا مع اول غلطة بعملها بيزعقو فيا و بجد من يومها وانا مش عايزة اكلم حد من اخواتي ولا اسلم عليهم ولا اقعد معاهم على طربيزة واحدة حتى النهاردة اخدت طبقي و روحت للاوضة و اكلت لوحدي و امبارح مأكلتش اصلا و بجد فجأة بقيت حاسة ببرود من ناحيتهم و مبقتش طايقاهم
ارجوكم عايزة حل لأن حاسة اني داخلة ف حالة اكتئاب تاني و انا دلوقتي ف داخلة تالتة ثانوي و مش هينفع نفسيتي تبقا مضطربة مع العلم اني شخصية متقلبة جدا و و مضطربة شوية و بحمي شخصيتي الضعيفة بشخصية تانية عنيفة و عدوانية و دلوقتي الجانب العدواني مني بيظهر جامد و خايفة أاذي نفسي او اي حد تاني 💔💔💔
الشخصيات المضطربة قد تكون تحديًا، ومن بينها الشخصية العدوانية. هذه الشخصية تتسم بالغضب المبالغ فيه والسلبية والعداء تجاه الآخرين. إذا كنت تبحث عن طرق للتعامل مع هذا النوع من الشخصيات، فإليك بعض النصائح: التفهم والصبر: حاول أن تفهم أن هذه الشخصية تعاني، وكن صبورًا في التعامل معها. التواصل الفعّال: حاول التواصل معها بشكل واضح وصريح. اسمع مشاكلها واحتياجاتها بدون انفعال. تقديم الدعم النفسي: ساعد الشخصية العدوانية في التحكم في نفسها وتصرفاتها. قد يكون العلاج النفسي مفيدًا123. التفكير الإيجابي: حثها على تغيير أنماط التفكير السلبية. قد يكون العلاج المستند إلى التعقل مفيدًا4. التدريب على القدرة على التنبؤ العاطفي وحل المشاكل: هذا البرنامج العلاجي يمكن أن يكون مفيدًا1.
تم النشر الأربعاء، ١٧ يوليو ٢٠٢٤
أنا آسفة لكِ. أنتِ رقيقة وحساسة وتمرين بمرحلة اضطراب مشاعر بسبب تقلب الهرمونات. كوني واثقة جدًا أنهم يحبونك، وكوني واثقة كذلك أن وصولهم للمرحلة العمرية التي هم فيها الآن يعني مرورهم بالكثير من المواقف التي ربما تكون قد أكسبتهم بعض الشدة أو ربما لم يعتادوا على إظهار مشاعرهم. دعينا منهم جميعًا الآن ولنفكر كيف يمكن أن تتخطي أنت المرحلة الحالية. تعلمي التعبير عن مشاعرك، صدقيني هذا سيحدث فارقًا كبيرًا ليس مع إخوتك فحسب بل سيحسن من نفسيتك كثيرًا. تعلمي كيف تديرين علاقاتك معهم، يعني مثلًا بدل من الإلحاح على أختك لأجل زيارة البيطري وجهي لها سؤالًا مباشرًا: ما هو الموعد المناسب لكِ لنذهب للبيطري، فإذا وجدت أن الموعد متأخر أخبريها أنك كنت تودين الذهاب معها لكن التأخير سيعود بالسلب على القطط وأنك سوف تستعيني بصديقتك للمساعدة. حاولي أن تثقفي نفسك عن بناء الشخصية والمهارات الناعمة مثل الإقناع والاستماع والتفاوض وخلافه، يمكنني أن أرشح لك فيديوهات مايكل راشد. وأتمنى الشفاء لقططك.
تم النشر الثلاثاء، ١٦ يوليو ٢٠٢٤
وعليكم السلام ورحمة الله وبركاته. أولا يا عزيزتي، أنا حابة أقولك إن موقفك مش سهل وأنا حاسة بيكي جدا. واضح إن عندك علاقة عميقة بإخواتك ومشاعرك نحوهم مليانة حب واهتمام. العلاقات العائلية معقدة وأحيانا بيكون التواصل فيها صعب. اللي ممكن تعمليه الآن هو تجربي تتعاملي مع الموقف بهدوء شوية: التواصل جربي تفتحي حوار هادي مع اختك الكبيرة لما تكونوا لوحدكم وتكوني هادية. قولي لها إنك مش زعلانة منها لكن زعلانة من الموقف وإنك بتحتاجي تفهمي أكتر النقاط اللي هما شايفينها. الوضوح عبري عن مشاعرك بشكل واضح بدون هجوم أو عتاب. قولي لهم إنك كنت تتألمي وإنك كنت بتحبي تبقي جنبهم دايمًا وده كان بيأثر فيك. الاستيعاب حاولي تفهمي جانبهم برضو . هما كمان عندهم ضغوط ومشاغل. اسأليهم عن ايه اللي مضايقهم وبيحسوا بيه. التحكم في الغضب حاولي تتحكمي في عصبيتك . خدي نفس عميق، ابعدي شوية عن الموقف، اعملي حاجة بتحبيها عشان تهدي. طلب المساعدة ممكن ترجعي تواصلي مع الأخصائية النفسية اللي كنت تروحي ليها. الدعم النفسي ممكن يكون مفيد جدا في المواقف دي. النداء للصبر: مهم جدا تصبري شوية وتدي نفسك واختك وقت عشان تعالجوا الأمور. في النهاية، أنت محتاجة تفكري كيف تقدري تحققي التوازن بين علاقتك بأخواتك وصديقاتك. كل شخص ليه مكانه وله قيمته في حياتك. أنا هنا لو احتاجتي تتكلمي أكتر، وأنا واثقة إنك قادرة تتجاوزي الموقف ده وتبني علاقة أفضل مع أخواتك.💖
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا