لم أشعر بقبول لأي شخص تقدم لي ولم أجد الشخص الذي أريده، هل هناك مشكلة؟

Question

السلام عليكم ورحمة الله وبركاته، ممكن مش مشكله كلامي بس حاسه اني عاوزه اتكلم انا 21 ، مريت قبل كده بخطوبه سابقه من سنتين بس الحمد لله مكنش فيه نصيب لان مكنتش متقبلاه او مفيش راحه بعد استخارات كتيره ، اتقدملي كتير قوي بس منهم الي بيشرب سجاير ومنهم الي مش ملتزم برضوا ومنهم قلبي بيتقبض وبكون مش قابله للموضوع اساسا او اصلي ولاء برضو وهكذا ، ملقتش فيهم الشخص الي عاوزاه ببساطه ، انا أمة لله بأدي العبادة كما اُمرت بحفظ قرأن بدرس عقيده الحمد لله، ملتزمه بلبسي كمسلمه ،عاوزه حد بجد بعيني علي طاعه ربنا صالح بيتقي الله وبيحب الله ورسوله صلى الله عليه وسلم ،بدعي دايما بكده من حوالي 7 سنين حتي لما كنت مخطوبه مكنتش بعرف ابطل الدعوه دي ، لما حد يقولي محدش لفت نظرك أعجبتي بيه وهكذا بقول لاء فعلا دي الحقيقه بحس الي قدامي مش مصدق قريبتي بتهزر وبتقولي روحي اكشفي قلب ليكون مش موجود ، مش عارفه انا طبيعي ولا هو اي المفروض اعمل اي انا والله ربنا يعلم أقسم بالله مُتقيه الله ،،واحده صاحبتي كان متقدملها حد والله اكبر ما شاء الله لا قوه إلا بالله بتقولي انه في كل الصفات الي كنت طلبتها من ربنا كزوج صالح وقتها قلتلها صلي ركعتين شكر لله بجد وعملت كده فعلا فرحتلها جدا من قلبي اقسم بالله، بس بعدها انا طمعانه ف ربنا طب وانا يارب ،زعلت من نفسي انا مش قصدي انانيه والله انا بس طمعانه في كرمه حسيت اني مينفعش اقول كده ،مش عارفه حد فاهم قصدي بس حبيت ا تكلم

Accepted Answer

مبدأيا كده انا من خلال كلامك بقولك الدنيا متاع وخير متاعها الزوجة الصالحة فأنتى نحتسبك عند الله أن تكوني منهم ، لذلك لا تتسرعي فى الاختيار لأنها حياة وعشرة تدوم طويلا لذلك لا يهمك كلام الناس ولا تستعجلى طلب الرزق اللى منه ( الزوج الصالح) فقد استمري بالدعاء وثقي تماما بأن الله عز وجل يخبأك لمن يُشبهك فالطيبات للطيبين وفى الختام أنتى عمله نادر فى هذا الزمن وتستحقي رجلا يراعي الله فيكى ويأخذ بيدك إلى الجنة 🌸🌸

Answer

وعليكم السلام ورحمه الله وبركاته. اكيد انت جميله وربنا يديم عليك خلقك وتدينك والتزامك وتفضلي طول الوقت كده بتخليصي على الحلال والحرام وانك تتقي الله في كل افعالك باذن الله. انتظار الرزق ايا كان ايه شكله بيبقى تقيل شويه بيبقى صعب شويه بس اللي بيساعدنا عليه هو ثقتنا الكامله في تدبير ربنا بحاول وقوته افضل كثير من حولنا وقواتنا احنا يعني ما لناش لا حول ولا قوه الا بامر الله فعلى قد ما الموضوع بيبقى صعب الانتظار صعب وانك تبقي شايفه انه ممكن حد يرزق قبلك هذا الرزق ويكون عندك غبطه تجاهه. ايوه كل الكلام ده بيكون صعب وثقيل على النفس ولكن عشان كده جهاد النفس بيكون من الحاجات اللي ربنا بيدي عليها اجر كبير باذن الله. فخلي بالك من النقطه دي هو هنا انت ما عندكيش مشكله وهنا انت ما فيكيش عيب هو انك منتظره وانك ااا بترفضي اللي لا يناسب.

Answer

وعليكم السلام ورحمة الله وبركاته، أختي الكريمة، أشكرك على مشاركتك لمشاعرك وتجاربك، وأفهم تمامًا ما تشعرين به. يبدو أنك تعيشين في مرحلة صعبة تبحثين فيها عن شخص مناسب تكونين سعيدة معه، ورغم ما تواجهيه من تحديات، ينظر الله تعالى إلى نواياك وإخلاصك. من المهم أن نذكر أن القوة في الإيمان تشعرك بالسكينة، وطلب التوفيق من الله هو الطريق الصحيح. تمني الخير لنفسك وكما أن صديقتك شعرت بالفرحة عندما أكرمها الله، فلا تترددي في الاستمرار في الدعاء والتوجه إلى الله عز وجل. قد تشعرين أحيانًا بأنك تضعين معايير أعلى من الآخرين، وهذا يعد أمرًا طبيعيًا، خصوصًا عندما تكونين ملتزمة بدينك وتبحثين عن شريك يتشارك معك هذه القيم. لكن تذكري أن الله سبحانه وتعالى يُعينك على الصبر والإيمان، ويُرسل لك ما هو خير، وإن لم يكن كما تتمنين. اجعلي باب الدعاء مفتوحًا دائمًا، وثقي أن الله يعلم ما هو الأفضل لك في الوقت المناسب. لا تفقدي الأمل وإستمري في البحث عن الشخص الذي تتمنينه، فالله مع الصابرين. ركزي على نفسك ووجودك في مسار الطاعة وتقوى الله، فقد يكون هذا الزمن هو بمثابة تعديلات في حياتك تجعلك مستعدة للخير القادم. أتمنى لك كل التوفيق، وثقي أن الله سيختار لك الصالح. إن احتجتِ للتحدث أو لمزيد من الدعم، فأنا هنا من أجلك.

لم أشعر بقبول لأي شخص تقدم لي ولم أجد الشخص الذي أريده، هل هناك مشكلة؟

نفسية

اجتماعية

سؤال من احد أعضاء فدني

تم النشر السبت، ١٨ يناير ٢٠٢٥

3 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك