السلام عليكم ورحمة الله وبركاته.
من آراء أغلب الناس اللي حواليا تم الإفصاح كتير عن اني شخص عصبي ومش بدي للي قدامي فرصه. الكلام جزء من الحقيقة انما انا على يقين اني طول الوقت رد فعل مش فعل وبشوف انه مش من ذنبي ان رد فعلي هو الانفعال!! بشتى طرق تفرق شخص عن شخص لأننا اكيد مش زى بعض فازاي هما منتظرين يشوفوا رد فعل تقليدي هما اعتمدوه عاوزني ابقى هو! ده اولا صعب ثانيا انا مش قبلاه لانه لي ابقى غيري واسمع كلامه في صيغة النصح وليه هو يلغيني وميتقبلنيش زي ما أنا دلوقتي الموضوع ده أصبح بيفسد علاقات اجتماعيه كتير ليا كنت في يوم فاكراها وطيدة ولكن للأسف وأشد الأسف كمان.اي اقدر اعمله اظبط بيه انفعالاتي شويه وابطل اتعصب مع العلم اني بدأت اشك انها عصبيه مرضيه من تعنيفي للي حواليا على كلامهم يعني وشكرا ليكم ودي أول مشاركه ليا ارجو انكوا تفيدوني
وعليكم السلام ورحمه الله وبركاته. خلينا نبدا من جمله انك حابه ان الناس تتقبلك زي ما انت في نفس الوقت انت محتاجه انك تكوني متقبله كلامهم واللي هم قالوا لك عليه الهي يخلي شخص مش مهتم بك ومش متقبلك ان هو ينبهك على حاجه في شخصيتك هتاثر في علاقتكم مع بعض. دي نقطه محتاجه تفكري فيها كويس جدا اي حد بينبهك للنقطه دي اكيد هو حاسس ان دي الحاجه اللي ممكن تبوظ العلاقه كلها. فضروري انت كمان تتقبلي ان هو بيقول لك ده لسبب ده وبس مش علشان عايز ان هو يعني يعمرك او عايز يقلل منك ومش بالضروره خالص ان النصيحه يكون سببها كده واحده من المشكلات اللي بتخلي البني ادم دايما يكون رد فعله عصبي ان هو بيكون بيترجم كامل اللي قدامه سواء نصيحه هو رايي او سواء كان الكلام اللي بيتقال ولكن هو بيترجمه بحاجه جوه شخصيته ملهاش علاقه خالص للبني ادم اللي قدامه بيقوله بتبقى نوع من انواع التوقعات دي اكتر حاجه بتخلي البني ادم عصبي ويثور ثوره شديده جدا واه يقول لنفسه انا رد فعل انا ما عملتش حاجه هم اللي عملوا الاول طب هم عملوا ايه الاولالجزء اللي ممكن نقول عليه ان هو رد فعل لما يجي مثلا حد يعني يعنفك بالكلام او يزعق لو انت كرد فعل زعقتي قدامه فهو مش من حقه يدومك لكن لو حد بيوجه لك كلام عادي وانت قصاد الكلام زعقتي فلا هنا هنقف كده ما ينفعش تقولي لنفسك انا مجرد رد فعل ولو انت معتمده انك تبقي على طول رد فعل ومش بتكوني مبادره باي شكل من الاشكال فدي حاجه محتاجه تقفي عندها وتسالي نفسك هو انا ليه مش مبادره انا ليه على طول رد فعل انا فين افعالي طيب انت بتقدمي ايه كافعال. هل دايما بتتكلمي بطريقه لطيفه وهاديه ولا على طول قاعده مستنيه الناس تتكلم وبعدين تردي عليهم؟ تفكري في الحاجات دي كويس جدا لانها هتفرق معك في الموضوع ده.
تم النشر الأحد، ٢٤ مارس ٢٠٢٤
وعليكم السلام ورحمة الله وبركاته. في الحقيقة جملة (تقبلني زي ما أنا) ديه من أخطر ما يمكن هقول لحضرتك ازاي:- مثلا شخص مش بيشتغل يقول لزوجته .. والله انتي لازم تتقبليني زي ما انا مش لازم حد يغير من التاني. شخص بيتعصب يقول والله انتي تتقبليني زي ما انا ... انتي اللي بتعصبيني!! انتي اللي بتجبريني على اني امد ايدي عليكي!! اللي حضرتك بتقوليه .. بالظبط ينطبق على الزوج اللي بيضرب زوجته لو هي مثلا نسيت تعمل شئ هو عايزه .. او حصل بينهم حاجه. فيقولها انتي بالنسبالي رد فعل مش فعل، ما هو انتي لو كنتي عملتي اللي قولتلك عليه مكانش ده هيحصل! انا مش بقول لحضرتك ان سهل تغيري عصبيتك، ولكن مش مستحيل، ومش برضه حاجه على الناس انها تتقبلها! يتقبلوها ليه؟ مفيش حد واجب عليه انه يتقبل شئ هو رافضه، خاصةً لما يكون الشئ ده غلط. ف طبعا لازم تفكري في الموضوع من وجهة نظر مختلفة، وتحاولي تغيري من عصبيتك.
تم النشر السبت، ٢٣ مارس ٢٠٢٤
اذا شعرت بذلك قبلها عد الي رقم ١١ ثم لاتقابل اي انفعال امامك بانفعال والا العاقبة ستكون أليمة لكن قابل الانفعال بهدوء تمهل في الرد حتي تعلم ماتقول كما قال الحق سبحانه وتعالي لنبيه محمد بن عبد الله في كتابه الكريم بسم الله الرحمن الرحيم فبما رحمة من الله لنت لهم ولو كنت فظا الغليظ القلب لانفضوا من حولك فاعف عنهم واستغفر لهم وشاورهم في الامر فإذا عزمت فتوكل علي الله صدق الله العظيم
تم النشر السبت، ٢٣ مارس ٢٠٢٤
خليكي على موقفك ارفضي ما ترفضيه وتقبلي ما تريديه ولكن عليكي بالاخذ بالنصيحة لأننا وقت حدوث الموقف أو المشكلة بنغفل عن رؤية الحقيقية وأحيانا العقل بيرفض سماع رأي آخر لاقتناعه برائيه دون وجود دليل قاطع ابحثي دائماً و استكشفي عن مدى صحة الرأى بالدليل القاطع اما بالنسبة للتحكم في الانفعالات فمحتاجة للتنفيس الانفعالي و تفريغ للمشاعر المكبوتة مع مصدر ثقة وأمان بالنسبالك وكمان تمرين التنفس هتساعدك جدا حاولي تدوري على هوايه بتحبيها وانجحي فيها او اتعلمي حاجة جديدة أو خذي اجازة في مكان مريح بالنسبالك واهتمي بالأكل الصحي والمشروبات الدافئة و اكتبي عن أفكارك ومشاعرك حاولي تغيري طريقة تفكيرك و منظورك وحديثك الداخلي لنفسك
تم النشر السبت، ٢٣ مارس ٢٠٢٤
علي الي شوفتو في حياتي العصبيه نوع من أنواع الاندفاعيه والتسرع وهيا من العيوب في الشخصية وأغلبها بيكون علي اساس أحكام وتوقعات منك وأغلبها ممكن يكون غلط وحلها انك تفكري في رد فعلك ونتيجه كلامك علي الي قدامك وعليكي هيكون إيجابي وله سلبي وتشوفي هتأذي وله لا الي قدامك وهل كلامك هيفيدك وله هيخسرك وتاخدي وقت في الرد قبل اي رد فعل تقولي لو عملتي كدة هتعرفي تتحكمي في عصبيتك واندفاعك ولو عملتيها وادربتي عليها في المواقف الصغيرة هتقدري تعمليها في الكبيرة يارب اكون ساعدتك وكل سنة وانتي طيبه
تم النشر السبت، ٢٣ مارس ٢٠٢٤
شكرا للنصيحه الطيبة وانت طيب وبخير
تم النشر السبت، ٢٣ مارس ٢٠٢٤
لعرض السؤال في فدني اضغط هنا