كان عندى حلم و راح من ايدى معرفتش احققه و مش هعرف احققه لأسباب صحيه و دلوقتى انا عايش مش عارف احدد حلم امشى ليه خطوة خطوة لحد ما احققه مش عارف ارسم ذاتى بشكل مناسب لقدراتى دلوقتى انا مدخن لا امارس الرياضه بدون مؤهل بدون وظيفة ثابت بدون منزل ثابت لا املك شئ كيف ارسم حلم و احققه انا عايش بالعافيه
الواحد بيبقى عنده احلام وطموحات .. لكن اذ لم يتحقق احدهم .. يبقى مش شرط ان الواحد يعتبره نهاية العالم. كويس اوي خطوتك انك عايز حاجة تاني في حياتك تنجح علشانها. لكن مش كفاية .. انت كده لم تحدد هدف لان الهدف ليه شروط كتيرة جدا علشان تقدر تحدده .. هترك لك رابط سؤال يشبه سؤالك فيه جزئية تحقيق الاهداف https://fedni.net/q/83176427/نصيحة-لان-عندى-حلم-عايزة-احققه حدد الاول هدف .. علشان تبقى عندك اول خطوة جدية وايجابية في حياتك انتبه لصحتك .. وامتنع عن التدخين هضع لك رابط لفديو للاعلامي احمد العسيلي ..فيديو ممتاز جدا كان بيتكلم عن الموضوع ده واتمنى يفيدك https://www.youtube.com/watch?v=JQMXexi_N-A
تم النشر الخميس، ١٢ يناير ٢٠٢٣
لازم توفر المال لأساسياتك الاول بعدها تشوف انت موهوب في إيه او بتحب ايه او ايه اللي نفسك تجربه ولايق على دماغك، بس لازم تبطل سجاير لانها هتحرق كل قرش
تم النشر الأربعاء، ١١ يناير ٢٠٢٣
اولا والاساس الاستعانه بالله والتوكل علي الله في كل شئ وحاول انك تقرب من ربنا وهو هيرزقك باحسن الاشياء ثانيا حاول انك تشوف حلم تاني وتحاول تحققه وانشاء الله كل حاجه هتتحل بس اهم شئ ثقتك في ربنا والله تعالى اعلي واعلم
تم النشر الخميس، ٢٠ يوليو ٢٠٢٣
أولاً، يجب عليك أن تقوم بتحديد أهدافك الشخصية والمهنية. يمكنك بدءًا من الأشياء التي تستطيع القيام بها الآن والتي تجعلك سعيدًا وتسهم في رفع مستوى الثقة بالنفس لديك. قد تكون هذه الأنشطة هي بداية تحقيق أحلامك. ثانيًا، عليك القيام بفحص صحتك والحصول على المعالجة اللازمة لتحسين حالتك الصحية. بدأ العناية بالجسد من خلال ممارسة الرياضة والإقلاع عن التدخين سيساعد على تحسين صحتك وزيادة مستوى الطاقة لديك، ومن ثم تحسين جودة حياتك بشكل عام. يجب عليك أيضاً العمل على تحسين مهاراتك وتطويرها عن طريق قراءة الكتب، مشاهدة الفيديوهات والاستماع للبودكاست المفيدة في مجالات مختلفة. ستساعدك هذه الأنشطة على تحسين نفسك وتطويرها وتجعلك أكثر جاذبية للعملاء وأرباب العمل. يجب عليك أيضًا البحث عن الوظائف المناسبة لمهاراتك وقدراتك، وإرسال سيرتك الذاتية إلى الشركات والمؤسسات التي تعمل في المجالات التي ترغب في العمل بها. أخيرًا، يجب أن تعتني بنفسك وتحافظ على روحك وأفكارك الإيجابية، وتتحلى بالصبر والتحلي بالصمود في مواجهة التحديات. الكثير من الأشخاص يواجهون مشكلات مماثلة، ولكن مع التحلي بالصمود والجد والامتثال للمستقبل، ستحقق أهدافك المستقبلية.
تم النشر الاثنين، ٢٠ مارس ٢٠٢٣
لا يغير الله ما بقوم حتي يغيروا ما بأنفسهم.. طالما معندكش حاجه يبقي بلاش تخسر اللي عندك و اولهم صحتك، بطل سجاير حتي لو مش بتشتريها، دور علي شغل علي قدر امكانياتك الصحية، الصبر مفتاح الفرج بس مش الصبر بتاع تقعد في مكانك و تقول انا صابر لاء اتحرك و خلي عندك عزيمة و قرب من ربنا، مبدئيا كده لو مبتصليش صلي و بانتظام، قرب قوي من ربنا و هو في ايده يغير لك الحال كله لو انت من جواك آمنت بكده و طلبت منه انه يتولي امرك و بعدين تاخد بالاسباب و تصبر و تبذل مجهود، صدقني ربنا له تصاريف عجيبة في الأمور، حاول بس الاول تعتزل ما يؤزيك و حاول تتابع حالتك الصحية بصفة منتظمة حتي لو بكشف في المستشفي العام أو غيرها من الوحدات الصحية الخدمية، و ان شاء الله خير. ربنا ييسر لك الحال و يكرمك في الدنيا و الآخرة
تم النشر الخميس، ١٢ يناير ٢٠٢٣
لعرض السؤال في فدني اضغط هنا