ازى انتظم فى الصلاه و ابطل اسمع اغانى واقرب اكتر لربنا لانى متاكده ولله انى لو انتظمت و قربت لربنا حياتى هتتحسن كتير
حبيبتي، خطوة جميلة جداً إنك حاسة بأهمية الصلاة وعاوزة تبقي قريبة من ربنا. خليني أساعدك بحاجة خطوات بسيطة: حددي نية صافية: دايماً خلي نيتك خالصة لله، عايزة الصلاة مش عشان حاجة مادية في الدنيا ولكن عشان علاقتك بربنا. جدول يومي: خلي عندك جدول يومي يرتب صلاتك. ممكن تستعيني بتطبيقات تديك تنبيهات لأوقات الصلاة. ابدأي بخطوة صغيرة: لو لسه مش متعودة، مش ضروري تبدأي بكل الصلوات مرة واحدة. ابدأي بصلاة أو اثنين وزودي مع الوقت. صحبة صالحة: حاولي تبقي مع صديقات يشجعوكي على الصلاة والعبادة. ابعدي عن المغريات: بالنسبة للأغاني، حاولي تقللي منها تدريجياً واستبدليها بأشياء دينية أو تحفيزية. ممكن كمان تستمعي لقراءة القرآن وده هيخلي قلبك هادي أكتر. أدعية وأذكار: دايماً خلي في بالك الأذكار اليومية والأدعية، هتوصل العلاقة مع ربنا بشكل قوي. التذكير بالجنة والنار: خلي عندك تُذكار أو لوحة في مكان بارز فيه أحاديث أو آيات عن الجنة والنار، هتخليكي دايماً فاكرة هدفك الأكبر. الدعاء: دايماً اطلب من ربنا يساعدك ويثبتك، الدعاء ليه تأثير كبير يا حبيبتي. ربنا يهديكي ويقربك ليه، وإن شاء الله حياتك تبقى أفضل وتحصلي على السعادة اللي بتدوري عليها.
تم النشر الجمعة، ١٩ يوليو ٢٠٢٤
حياتك اكيد هتتحسن وهيبقى طعم العباده لروحك في أول ما ترجعي عشق ليك بس عايز اقولك حاجه مفيش زر نضغط عليه يحولك 100% " لكن في أمل وحيد موجود انك تتخلصي من الالام " عارف ان حياتك كلها تعب ونفسيتك صعبه وكل حياتك تقوم على المتعه المؤقته بعديها حزن.... فأي سعاده تشعرين بيها هي مؤقته يليها تعاسه؟؟ اسئلي نفسك السؤال ده كتير ونتي عارفه انك في شيء غلط في حياتك ونومك مفيهوش راحه فكري في كميه التعب ده كله ولي تعيش في من الاساس لرغبه شيطان ونفس اماره بالسوء فكري شويه هتلاقي نفسك نفسك تقربي ايوا بالضبط كدا... مبارك عليكي الراحه وكميه الفرحه اللي هتشعر بيها من جوا قلبك... مبارك عليكي حب ربنا ليك ايوا ربنا بيحبك وبيناديك بالدليل انه من رحمته فيك خلاك تنزلي بوست وتدوري على حل ده حب ربنا ليك فأستغلي وكون على يقين انه هدى كتيير والشيطان اللي بيقولك انت مستبعده ده عشان يحطمك عشان عمره ما هيحب ليك الخير بلى ورب العالمين بيكرهك كبني ادم كره العمى وربنا بيحبك لدرجه انه عايز يرفع روحك للسماء ايوا لما بتصلي على الارض روحك تطوف حول عرش الرحمن شوفتي بقا درجه الحب دي اوعى تفتكري الصلاه تقيله مثلا وان توبتك صعبه لا والله كمثال ما كنت متخيل اصلي بس من تالته اعدادي انتظمت والايام دي حسيت احساس ربنا يكتبه ليك يارب من طعم الراحه والمتعه جوا قلبي والفرحه باني منتصر على نفسي ودي بس اول صلاه بنيه التوبه فلت لنفسي خلاص كدا عمري ما انا راجع انا مش عايز الحياه دي انا نفسي في حياه الطاعه نفسي في الراحه دي كل يوم هل تبقى موجوده وانا اكون مستخسرها في نفسي عشان شيطان عايز يرميني للنار لا يولع هوا.... وبعدها انتظمت واحده واحده يومين وضيعت فرض بس تقريبا كان نسيان او مش فاكر بس بردو اصريت على الحياة والحياه هي اني كنت ميت وربنا ايقظني من الضلال ده ومش عايزك تاخدي الموضوع بصعوبه ابدئي بالفرض اللي بعد لما تفكري بكلامي او اي فرض في اليوم حتى لو العشاء المهم انك بنيه التوبه وصلي وبعد الصلاة قولي لنفسك زي ما ربنا تاب عليا وعايزني مستحيل اسيبه مستحيل ارجع للحياه دي انا مكمله مهما حصل واول ايام دي انتظري الصلاه من وقت للتاني وابعدي عنك التلفون قبلها بنص ساعه ضروري اوووووي عشان ما يشتغلك الشيطان اديني بقولك الغلط اهو والفخ اللي هيحصل تجنبي واقرئي قرآن او اعمل اي نشاط وما تقلقي هتنتظمي ان شاء الله حاسس بكدا انك هتعيشي تاني ان شاء الله وربنا ما بعتك هنا وخلاص لا اكيد بيحبك وعايزلك الخير وجيه دورك في الفرحه والسعادة اهو فاستغلي وموضوع الاغاني ده في كلام كتيير بس ما تقلقي مع اول ايام الصلاه مش هتكون حابه تسمعيهم فاستغلي ده ودوري كتيير عن الموضوع هتلاقي حاجات كتيير تأكد انها مضره وانك فسها بتشاركي بنجاح ناس بيدمروا ناس او تعالي اسألي فيدني وفرحينا برجوعك بس ما تسيب موضوع الاغاني ده ابدا واستغلي الايام اللي هتلاقي حبك للطاعه قيها زاد
تم النشر السبت، ٢٠ يوليو ٢٠٢٤
احنا مخلوقين للعبادة وعشان ربنا ينعم علينا بدخول الجنة والدنيا فيها ابتلائات وفتن،، فتفكري في نعم ربنا عليكي وإن ربنا سخر لينا الكون كلو عشان نعبده مش نعصيه يعني مثلا ربنا أنعم علينا بنعمة السمع مش عشان نعصيه بنعمة صحة البدن عشان نعبده ونصلي وربنا بيثبت الإنسان إلي عايز يقرب منه إلي مقبل عليه وبيجاهد نفسه عشانه ربنا مش عشان حاجة تانية هوه عايز يرضي ربنا وعايش لله ،، تشريعات ربنا منهج حياة عنده وفي واحد تاني عايش عشان شهوات الدنيا ولا عشان المال واحنا مخلوقين للعبادة فالي فعلا عنده صدق إنه ربنا يهديه ربنا هيزيده هدي
تم النشر الجمعة، ١٩ يوليو ٢٠٢٤
لعرض السؤال في فدني اضغط هنا