انا بعاني من الوحده وافكر كتير مشوشه وطول الوقت عايزه ابقي لوحدي عملت استبان اكتئاب طلع متوسط
الاكتئاب مرض مش سهل و مش هينفع انك تشخصي نفسك بيه لمجرد انك عملتي استبيان انتي ممكن يكون اللي عندك بس مجرد حالة من الحزن الوحدة مع الوقت بتتحل ان شاء الله و خصوصآ لو روحتي نوادي سواء العاب رياضية او مكتبات او قصور ثقافة و اتعرفتي هناك على حد عشان طبعآ طول مانتي قاعدة في البيت هتحسي بلوحدة الافكار المشوشة حتى انا بعاني منها و بسرح كتير فيومي بس مش مديها اكبر من حجمها مع الوقت ان شاء الله هتروح لأني عارف سببها حاولي انتي تعرفي ليه افكارك بتتشوش و عالجي المشكلة ،طبعآ في عوامل بتزيد شعور الوحدة و بتشوش الافكار زي التيك توك و الريلز و المقاطع القصيرة بأنواعها ،حاولي تبعدي عن التليفون و تشغلي وقتك اكتر سواء بوظيفة او بكتاب او بأنك تنزلي تجيبي طلبات البيت و دي ابسط حاجة تشغلي نفسك بيها لان وقت الفراغ لو مستغليتيهوش بيستغلك و ربنا يعينك ان شاء الله
تم النشر السبت، ٨ فبراير ٢٠٢٥
بصي حاول تعملي حاجه فيها حماسه بس في حدود المباح يعني زي مثلا انك تحاولي تكوني صدقات جديده و محترمه وتعملي تحدي كل فتره والتانيه انت وأصدقائك او بينك وبين نفسك عادي انا بعمل تحديات مع نفسي زي تحدي كل يوم نقرأ كتاب جديد او اي حاجه من هذا القبيل ولازم تكوني واثقه في نفسك زي انك تكون عارفه انك بني ادم ممكن يخلط ويصيب فتقبلي ده عادي ولا خلطي خدي الموضوع بصدر رحب وخليه المشكله من غير ما تجلدي ذاتك في حديث عن الرسول صلى الله عليه وسلم بيقول ((لا يَحقِرَنَّ أحَدُكم نَفْسَه))
تم النشر السبت، ٨ فبراير ٢٠٢٥
ممكن أنشطة تساعدك تقضي وقتك القراءة مفيدة جدا جدا و هتغير طريقة تعاملك مع المشاكل دي و تخليكي ناضجة أكتر ممكن برضه بودكاست من الاخر يعني املي فراغك بالنسبة للأفكار المشوشة اكتبها كل فترة و اقرأيها و هتحسي بتحسن إن شاء الله
تم النشر السبت، ٨ فبراير ٢٠٢٥
🎤 إجابة صوتية
تم النشر السبت، ٨ فبراير ٢٠٢٥
عزيزتي، أشعر بمعاناتك وأتفهم شعورك بالوحدة والتشويش. من المهم أن تتذكري أن هذه المشاعر طبيعية، ولكن من المهم أيضًا التعامل معها بشكل صحيح. إذا كانت نتيجة الاستبانة تشير إلى اكتئاب متوسط، فهذا يعني أنه قد يكون من المفيد جدًا التحدث مع متخصص في الصحة النفسية. قد يساعدك المعالج النفسي في فهم مشاعرك بشكل أفضل وتطوير استراتيجيات للتعامل معها. أيضًا، يمكنك التفكير في الانخراط بأعمال تفضلينها، أو الهوايات التي تجلب لك السعادة، أو المشاركة في أنشطة اجتماعية بقدر الإمكان، حتى لو كان ذلك صعبًا في البداية. تذكري أن البحث عن الدعم ليس علامة على الضعف، بل هو خطوة قوية نحو الشفاء. حاولي التحدث مع صديقة مقربة أو أحد أفراد العائلة عن مشاعرك. قد تجدين أن تبادل الأفكار والمشاعر يساعدك على الشعور بتحسن. لاتترددي في طلب المساعدة، فالصحة النفسية مهمة جداً. بارك الله فيك ووفقك.
تم النشر السبت، ٨ فبراير ٢٠٢٥
ليه مش بتحكي هنا عن سبب المشكله اجمل حاجه في التطبيق ده أننا بنعبر عن نفسنا بدون حسابات لو عارفه سبب الاكتئاب هتعرفي تحلي ولو جزء من المشكله
تم النشر الأحد، ٩ فبراير ٢٠٢٥
هتقدري لأن ربنا خلقنا بقدارت كبيره جدا بس احنا اللي مش بنستخدمها انتي اقوي مما تتخيلي كل الحكايه أن التغيير بيحصل ببطيء انا طول عمري كنت معتقد أن البعد عن الناس وتجنبهم افضل حاجه وكنت مش بتعامل غير مع ناس محدده شبهي كنت يا ابيض يا اسود وفي الحقيقه ده غلط الإنسان لازم يتعامل مع كله كنت بشوف أن ده نفاق بس اتغيرت شويه وبقيت اتعامل مع كله بس في حدود بردو التغيير بيبدأ من العقل لو اقتنعتي الاول انك غلط وانك لازم تتغير ده لوحده تغيير يبقي ناقص انك تدربي نفسك لازم يكون ليكي صحبه تخرجي معاها هيشقلبو حياتك الافضل تكون صحبه كويسه عشان هتتاثري بيهم اهم حاجه اي حاجه بين أربع حيطان تهربي منها انطلقي في أي مكان مفتوح هتتغيري من غير ما تحسي اصلا اشتغلي الشغل بيغير اي حد انا الشغل غيرني كتير وكل يوم بتغير انا واثق انك هتتغيري لو خرجتي للدنيا بس اهم حاجه مش تقعدي لوحدك
تم النشر الأحد، ٩ فبراير ٢٠٢٥
واضح إنك حاسة بوحدة وده مأثر عليكي بشكل سلبي، وده طبيعي لأن الإنسان كائن اجتماعي.. التفكير الكتير مع التشويش الذهني ممكن يكون بسبب القلق أو الضغط النفسي.. والرغبة المستمرة في العزلة مؤشر على اضطراب المزاج، ونتيجة اختبار الاكتئاب المتوسط بتأكد إنك محتاجة تغيرات إيجابية في حياتك..اول حاجة نكسر العزلة تدريجيا.. حاولي تخرجي حتى لو لدقايق بسيطة كل يوم.. اقعدي في مكان فيه ناس حتى لو مش هتتكلمي زي حديقة مثلا او مكان عام يكون لذيذ وفية ناس.. جربى تتواصلي مع حد قريب منك ولو بمكالمة أو رسالة بسيطة...تانى حاجة هنحاول ننظم افكارنا ونقلل من التشويش.. جربي تكتبي أفكارك في ورقة، ده بيخليها قصاد عينك و هيساعدك على ترتيبها..ولازم تقللي استخدام السوشال ميديا لأنها بتسبب تشتيت وضغط نفسي كبير.. تالت حاجة هنحتاج نظبط المزاج ونحسن النفسية.. مارسي رياضة حتى لو خفيفة زي المشي.. جربي تعملي حاجة بتحبيها رسم، قراية ، طبخ ، هواية معينة بتحبيها اوى .. وخدي بالك من أكلك ونومك وشكل الجسم لأنهم بيأثروا على الحالة النفسية جدااا.. لو حسيتي إن الاكتئاب بيزيد أو مش قادرة تتعاملي معاه، استشارة طبيب نفسي هتكون خطوة ذكية.. مفيش عيب إنك تطلبي مساعدة، بالعكس ده دليل على قوتك في مواجهة المشكلة.. المهم إنك تاخدي خطوة حتى لو صغيرة، وما تستسلميش للوحدة والأفكار السلبية.. إنتي مش لوحدك ودايما في حل بس نسعى..
تم النشر السبت، ٨ فبراير ٢٠٢٥
تم النشر الاثنين، ١٠ فبراير ٢٠٢٥
تم النشر الاثنين، ١٠ فبراير ٢٠٢٥
مشكلتي اني قطعت صلتي باي حد من فتره. كبيره يمكن خمس سنين وتجاهلت كل احساس انا بحس بيه المشكله عندي دلوقتي الضغوط والخساير اللي اتعرضت يها زي فلوس مبالغ كبيره عشان كنت بحاول اتعافي اكتشفت بفشل ده غير الازمات اللي مرت بيها مرورا بتجربه حب بعد انفصالي برضو فاشلة صدقني اللي بواجه صعب اللي مرت بيه اصعب واصعبهم اني بشوف ناس بالصوره الحقيقه لاول مره اضحك عليا عشان غبيه مش طيبه المصيبه الأكبر التحه االي جويه كويسه براضو بتتحرك ساعدت ناس كتير في حياتي الحمد لله مش زعلانه ع كدا ولا زعلانه من حد اللي زعلني اني حد مش وحش وفي الاخر قيل وقال حرفيا مش عايزه بنادمين قي حياتي
تم النشر الاثنين، ١٠ فبراير ٢٠٢٥
والله العظيم انا اكتر واحد ممكن تتخيليه كنت عازل نفسي حوالي 15سنه شايفه اد ايه حتي في الأعياد والمناسبات نادرا ما كنت بخرج كنت قاطع صلتي بالعالم الخارجي حتي ابسط الأمور بجهلها وكنت بعمل الحاجات اللي بحبها وبس في اوضتي يعني جبت لنفسي التوحد وكفايه أن أهم الحاجات فاتتني زاي شبابي مش عشته البنت اللي يتمناها معرفتش اتواصل معاها وفقدتها لو فضلتي كده هتندمي في المستقبل الوحده بتكون مفيده في اوقات معينه لما يكون فيه مشاكل محتاجه فتره نقاها لكن علي طول ده يبقي مرض انزلي اشتغلي اي شيء حتي لو هتتعبي فيه والله ضرر المشاكل وتعبها افضل من الوحده انا كرهت نفسي بسبب الوحده خلتني معرفتش اتعامل مع الناس وده لوحده خلا الناس تتنمر عليه مش كده وبس خلتني مش عارف ولا المناطق ولا الشوارع يعني افقدتني حتي معرفه ابسط الامور الطفل يعرف اكتر مني متخيله كنت عازل نفسي أمني في كهف بس دلوقتي لما خرجت واشتغلت بقيت ابص علي الناس واحاول اعمل زيهم عشان اتعلم واعرف اتواصل زيهم حتي لو في حاجات مش حاببها بقيت اعملها عشان لازم اكون زاي بقيت الناس لازم تبقي اجتماعيه لازم حتي لو كرها ده من كتر الوحده بقيت نفسي في حد يحتويني و يحبني لاني حاسس ان محدش بيتهم بيه ولا يسأل عني نادرا لما تليفوني يرن كل شهر مره عشان مصلحه محدش يقولي عامل ايه مضايق زعلان همومي زادت وانا لوحدي لكن لو معايا حد في حياتي اكيد هيساعدني حتي لو بالاطمئنان وجود حد في حياتنا بيحبنا وبنحبه بيخلينا مختلفين بيخلينا نتحمل الحياه عشان كده بنصحك اخرجي بهدف البحث عن نفسك في حاجات في الحياه جميله كتير انا لو معايا فلوس كتير كل يوم هخرج واللف عشان زهقت من الوحده ولو حبستي نفسك وانا جاي من حبسه 15سنه والله ما هترتاحي بالعكس هتندمي بقول لنفسي ياراني كنت خرجت من زمان حتي لو عملت أمور غلط بس كان هيبقى حالي افضل من جهلي حاليا نهايه الكلام الوحده اكتر حاجه غلط ممكن تعمليها في حياتك اعملي اي حاجه غيرها والحلول كتير بس اقتنعي الأول أن الوحده مينفعش تكون حل ابدا
تم النشر الأحد، ٩ فبراير ٢٠٢٥
كلنا زيك بس لازم نستمر الحياه قاسيه ومش هتستنا حد ولو طولتي في زعلك وحزنك هيكون الخروج صعب بعد كده العبي رياضه بتقوي الروح و الشخصيه اعملي اي شيء بتحبيه وبيبسطك عشان الحزن بيدمر القلب والجسد دايما ببدأ بالرياضه لاني بحبها ولو ليكي حد بترتاحي معاه فصفضي متكتميش في نفسك انا وانا في ثانويه عامه تهت وانا رايح الامتحانات مرتين فضل الموضوع ده مأثر فيه لغايه دلوقتي ومحدش يعرف ويحاول اغير نفسي انتي كمان تقدري
تم النشر الأحد، ٩ فبراير ٢٠٢٥
انا مش عارفه انجز اي حاجه ومش عارفه اتخطي حجات كتير وحجات كتير مش بتكلم عنها لانها فعلا مضايقني وصعب اتكلم فيها
تم النشر الأحد، ٩ فبراير ٢٠٢٥
انا مش قادره اعمل كدا حاولت كتير
تم النشر السبت، ٨ فبراير ٢٠٢٥
طول حياتي كنت فاكر الوحده حاجه حلوه وراحه بس والله كل ده غلط هتزيد اكتئاب وتعب الإنسان مخلوق اجتماعي الوحده دي ممكن تكون ساعه في اليوم مش اكتر يوم في الشهر اعرضها السلبيه مدمره عيشي شبابك يالحلو والوحش
تم النشر السبت، ٨ فبراير ٢٠٢٥
لعرض السؤال في فدني اضغط هنا