اشعر بالتعب من التفكير الزائد بسبب تضييع السنوات فى افعال غير مهمه لقد تسببت الأفعال فى تحطيم قلبي لم احقق اى شىء علي مدار سنوات حياتى شعرت فجأه انى كبرت دون تحقيق أهدافي واحلامى فى الواقع لا اعرف لماذا انا اعيش لا يوجد هدف من حياتى الان مر من الاجازه اسبوع ، اسبوع كامل من التفكير ولكن اعلم انها ستمر مثل كل الاجازات التى حصلت عليها دون تحقيق اى شىء اخبرني أحد الاشخاص أن عمرى مميز الان واشخاص كثيره تحلم أن تعود إلي عمرى لتعيد تحقيق انجازات وأنها ندمت لعدم اهتمامها بالوقت فى هذه الفتره وقال لى ايضا ان انا سأكون شىء من شيئين أما أن اكون سعيده فى المستقبل نتيجه تحقيق احلام وإما أن اكون تعيسه وفاشله لعدم تحقيق اى شىء ، الحقيقه انه يوجد بداخلي صراع شخص طموح وشخص كسول لا يريد القيام حتى من السرير كل يوم بريد العيش مع الهاتف دون تحقيق اى شىء وشخص طموح يريد التقرب الي الله وتحقيق إنجازات وتعلم اشياء جديده وتطوير نفسه هناك حرب بداخلي لا استطيع ايقافها ولكن أريد أن اصبح شخص يملك حلم فقط هذا ما اتمنى والله المستعان
انت انسانة جميلة وربنا بيحبك عشان فوقتي وحسيتي انك غلط،بكل بساطة الحياة الجميلة فالاجتهاد والسعي مش فالفراغ والتفاهات،جربي خدي كورس انجليش عاليوتيوب وانت قاعدة فالبيت كل يوم حلقة هتستمتعي جدااا وبرشحلك قناة إبراهيم عادل،اولا المذاكرة وتعلم أشياء جديدة بتحسس بانك ناجحة وانجزتي وبتحسن المزاج وبتخلي الواحد فريش وضميره مرتاح كده وسعيد،خصصي وقت للهوايات رسم بقى قراءة كتب مفيدة بلاش روايات حب وغرام عشان هتوصلك لأحلام اليقظة وهتضيعك اكتر،اقعدي مع اهلك وقربي منهم،قبل كل ده بقى قربي من ربنا والصلاة وقراءة القرآن يبقوا نمبر وان،اسمعي كلامي بجد لما تقربي من ربنا وتذاكري كويس اي حاجة صدقيني هتحسي انك احسن الكسل ده وحش وبيموت الانسان وعن تجربة وربنا يوفقك يا قمراية🥰💖💖
تم النشر الاثنين، ٢٧ مايو ٢٠٢٤
السلام عليكم ورحمة الله وبركاتة عساك بخير ياجميلة أنتِ لسه ف بداية عمرك كنتِ عايزة تعملي إيه يعني وأنتِ كنتِ في فترة مرهقة! العمر لسه بيبدأ من هنا من ال 20! نصيحة ليكِ: في البداية خالص أبدأي بالأهتمام بالجانب الديني أبدأي أحفظي القرآن أنت لو حفظتي كتاب الله كدة أنتِ كسبتي خيري الدُُُنيا والآخرة، الأنتظام علي الصلاة في أوقاتها، طلب العلم وتبدأي تسعي لكل ما يرضي الله هتلقي ربنّا بيرضي عنّك وبيفتحها في وشكّ ومتقلقيش الباقي هيجي بالتدريج موفقة ومسددة يا حلوة! 💗
تم النشر الثلاثاء، ٢٨ مايو ٢٠٢٤
تقول الحكمة "افضل وقت لزراعة شجرة كان قبل 20 عام ثاني افضل وقت لزراعة شجرة هو الان" في اسلوب نجح معايا اسلوب ببساطة هو إنكِ تعملِ تمرين عجلة الحياة وهو عبارة عن تقيم لنفسك في كل جانب من جوانب الحياة 8 وهم الجانب الروحي، النفسي، العقلي، الصحي، الاسراء، الاجتماعي، المهني، المادي، وتحت كل جانب تكتبِ تقيم من 1 إلي 10 وبعدين تجيبي دفتر وتكتبِي إيه إلي ممكن تتعمليه عشان تعلي تقيمك في كل جانب من جوانب حياتكِ وبعدين تركيز على ثلاثة جوانب فقط عشان تنميهم وبعدين ترجعي وتكتبي الخطة السنوية انا عارف إن احنا في نص السنة دلوقت بس الموضوع ده مهم جدا الخطة هتبقي عبارة عن ثلاثة اهداف فقط ممكن تقليلي بس مينفعش يزيدو عن ثلاثة ويكونو اهداف صغيرة كلمة ثلاثة اهداف فقط هتخليكي تبحث عن الاهداف الاهم بالنسبالكِ وبعد ما تحدد الاهداف هتربطي الاهداف ده بعادات وبعد كدا تربطي العادات بالروتين الاسبوعي الروتين الاسبوعي هيبقي خمس ايام شغل من السبت إلي الاربع ويوم لتخطيط وإلي هو الخميس ويوم راحة تعملي فيه إلي انتِ عايزه نرجع الاهداف الاهداف يزمن تكون اهداف واضح ومحدد طيب مثال لو هنفترض إن الهدف هو تعلم اللغة الانجليزية هنوضح شوي وهنقول الهدف هو تعلم 500.كلمة إنجليزية وكل يوم هنتعلم خمس كلمات إنجليزية من السبت إلي الاربعاء وده يعني 25 كلمة في الاسبوع ويوم الخميس هنخطط لاسبوع القادم ام يوم الجمعة هيبقي ترفيه وإجازة وهكذا المهم إن تكون اهدافكِ محدد
تم النشر الثلاثاء، ٢٨ مايو ٢٠٢٤
الله يقدرلك الخير ويرشدك للصواب والخير يارب اللهم امين افعل كل ماتستطيع فعله واترك الباقي لله
تم النشر الثلاثاء، ٢٨ مايو ٢٠٢٤
أنا حاسه بكمية الضغط اللي على قلبك يا عزيزتي، وانتِ مش لوحدك في الشعور ده. بس تعالي نخدها خطوة خطوة ونساعدك على تنظيم الأفكار والمشاعر اللي عندك. أولاً، بخصوص الإحساس بإنك كبرت بدون تحقيق أي شيء، ده طبيعي جداً. كتير جداً من الناس بيتخلوا عن أحلامهم في فترة صغيرة من حياتهم، وده مش معناه إن حياتهم بقت بلا هدف. ثانياً، انتِ عندك ميزة كبيرة إنك مدركة للمشاعر اللي جواكي، سواء كانت مشاعر الطموح أو الكسل. ودلوقتي خلينا نتكلم عن كيفية إنشاء أهداف وحلم يكون لك دافع حقيقي لتحقيقه. تحليل اهتماماتك وهواياتك: فكري ايه الحاجات اللي فعلاً بتحبيها وبتحسسك بالسعادة لما بتعمليها؟ ده ممكن يكون هو المفتاح لبدء تحديد أهدافك. تحديد أهداف صغيرة: بدلاً من التركيز على هدف واحد كبير، حاولي تقسيمه لأهداف صغيرة يمكن تحقيقها بالتدريج. ده حيساعدك تشوفي تقدم ملموس ويحفزك. تنظيم وقتك: خصصي وقت لكل نشاط بتعمليه، سواء كان للترفيه، للتعلم، أو للتطوير الذاتي. التوازن بين الأنشطة المختلفة حيمنع الشعور بالشلل بسبب التفكير الزائد. الابتعاد عن الهاتف: تحددي وقت يومي محدد لاستخدام الهاتف والشبكات الاجتماعية. ده حيديك فرصة تركز على الأنشطة الأخرى وما يضيعش وقتك. التقرب من الله: الروحانية ممكن تكون مصدر هائل للقوة والدافع. صلي واستفيدي من اللحظات الروحانية لاستعادة توازنك الداخلي. استشارة صديق أو مرشد: وجود شخص موثوق بيك ممكن يتناقش معك ويساعدك في رؤية الأمور من زاوية مختلفة ويقدم لك دعم معنوي. ما تنسيش، الحياة مش سباق لازم تنجحي فيه من أول محاولة. دلوقتي، المهم هو انك تاخدي خطوات صغيرة ومتتابعة ناحية تحقيق اللي بتحلمي بيه. أنتِ أقوى مما تتخيلي، والله المستعان.
تم النشر الاثنين، ٢٧ مايو ٢٠٢٤
انت ماشاء الله صغير فالسن وردة والحياة قدامك فحاولي تفكري في اشياء ايجابية رياضة او اي هواية بتحبيها
تم النشر السبت، ١ يونيو ٢٠٢٤
السلام عليكم ورحمه الله وبركاته. ست البنات الجميله اولا يعني انا عايزاكي كده تحمدي ربنا على انك في المرحله العمريه دي. فوقتي وبتفكري بالطريقه دي الحمد لله انه في ناس اكبر منك ولسه ما وصلوش للمرحله دي شيء كويس جدا ودي نقطه ايجابيه نبدا منها. والنقطه الايجابيه دي خليها معك لحد اخر يوم في عمري. ما فيش ابدا سن هتوصلي له وهيبقى خلاص فات الاوان فات الاوان دي ما بنقولهاش حقيقي حقيقي الا لما يكون اخر يوم في عمرنا جه واحنا ما نعرفش ده يجي امتى فاحنا طول ما احنا بنصحى الصبح ونلاقي نفسنا لسه عايشين معنى كده انه احنا لسه قدامنا وقت نعمل فيه كل جهدنا ونسعى فيه كل الساعات اللي احنا نقدر عليه. سن العشرين وسن ال 30 وكل المراحل مراحل مهمه كلها اقدر اعمل فيها اهداف واحلام واخلص حلم واحلم غيره عادي جدا ما فيش حاجه اسمها حلم الحياه اللي هو حلم واحد بس انا بحلم اكون مهندس طب ماشي بعد ما بيتخرج من كليه هندسه بيبطل يحلم لا بيشوف هيطور نفسه ازاي؟ نشوف بعد ما بقى مهندس هو عاوز يبقى ايه وعاوز يعمل ايه وعاوز يحقق ايه وهكذا ما فيش حاجه بتقف ما فيش احلام يعني محدده وخلاص كده هو واحد وانا كده عرفت طريقي طول الوقت انا متاح ليا اعمل ابديت على الاحلام بتاعتي. اول حاجه تعمليها ولا تاخذي نفس انت لسه مخلصه امتحانات عدى اسبوع ما حصلش اي حاجه خالص لانه طبيعي جدا الانسان لازم يعمل فاصل ما بين كل مرحله والتانيه لان لو ما عملتيش ده نفسك هتجبرك على ده وزي ما انت بتقولي انا حاسه ان انا عايزه اهبط كده بس وما اعملش اي حاجه وكسلانه الجسم والذهن محتاجين يرتاحوا لو انت ان شاء الله تكوني من النوع ده النوع المجتهد اللي ذاكره كويس جدا والضغط جدا علشان قبل الامتحان عمل مراجعات كثير وحل كثير ففي مجهود اتعمل محتاج ان انا يعني ايه اعمل ازاي ان انا اخذ فتره كافيه اعمل فيها ريستورت واريح اريح عشان خاطر اقوم فايق بقى وابدا اعمل حاجات جديده فكملي الاسبوع وخدي اسبوع كمان انا هعتبر ان دلوقتي احنا هناخذ اسبوعين تريح انا بريح في دول اوكي ولكن بكون عارف بعد ما يخلصوا الاسبوعين انا هعمل ايه عشان ما يستمرش معي الراحه وما يستمرش معي الموضوع بكسل ولا مبلاه وما بقومش اعمل حاجه وبفكر بس وبتكلم بس احنا مش عايزين يكون الشخص ده. احط بقى الاهداف ازاي ما نحطهاش كبيره ومكلكعه علشان ما نحسش ان الموضوع صعب جدا لا نحط حاجات اولا حاجات معقوله ممكن احققها فعلا في وقت الاجازه ما رحش اقول انا هتعلم برمجه واوصل في الاجهزه. ده مثلا حاجه محتاجه مجهود 6 شهور طب ما هو انا معي ست شهور اجهزه لا مش معيش ان انا اعمل كده. احط حاجات تبقى واقعيه. كمان نحط اهداف مرتبطه بحاجات مختلفه يعني مش لازم بس ابقى باخد كورسات لا في حاجات انا بتعلمها حاجات ترفيهيه بتعلم طريقه جديده للترفيه عادي جدا فتعلم طريقه لعب بها الولاد الصغيرين ويفرحوا فتعلم اكله جديده ادخل واعملها اتعلم. حاجه اساعد فيها والدتي في البيت وهكذا نوعي من الاهداف بتاعتك بتاعتي اليوم على الاقل خالص عشان ما تصعبيش الموضوع اعملي هدف اهداف لكل يوم النهارده انا مثلا هساعده مامتي في التنظيف وبس بكره هساعد في المطبخ بعده هساعدها في الغسيل. برضو هحط في كل يوم هدف له علاقه بحاجه مختلفه النهارده انا هدخل اشوف احسن موقع يديني مثلا كورسات فري. اليوم اللي بعديه انا هختار كرسي يكون مدته صغيره وانمي به مهاراتي الشخصيه بعد ما اخلص الكورس ده هي اشوف كورس ينمي المهارات بتاعتي التعليميه مثلا وهكذا وهكذا وهكذا واحده واحده والموضوع يبقى خفيف عشان كل ما تعقديه كل ما نفسك من جواك هتقول لك لا لا الموضوع ده تقيل جدا وهيحتاج جهد كبير. هتلاقي نفسك رايحه للكسل بسهوله جدا فهوني على نفسك ان شاء الله ربنا يوفقك وتبقي ايه استفدتي بكل مراحل حياتك ايا كانت عشرين ثلاثين اربعين خمسين ستين خالص.
تم النشر الاثنين، ٢٧ مايو ٢٠٢٤
احمد الله على كل شىء وهذا قدرك ونصيبك
تم النشر الثلاثاء، ٢٨ مايو ٢٠٢٤
لعرض السؤال في فدني اضغط هنا