أنا بقالي فتره تقريبا شهرين بحس بين كل فتره تنفسي مش منتظم او مش قادره اتنفس اصلا و لاحظت الموضوع دا اني كنت بنظف البيت مع ماما و كنا بنغسل سجاد و انا تمام بغسله على طول بس المره دي معرفش حصلي اي مره واحده لاقيت نفسي دايخه شويه و حاسه اني مش عارفه اخد نفسي كويس و بعدها ب ايام قليله كنت نازله اجيب حاجه لاقيت مره واحده قلبي بيدق جامد و بسرعه و كنت حاسه بنبضاته كأنها عاليه اوي مع اني مكنتش متوتره أو خايفه أو كدا و كنت حاسه بوجع خفيف و الموضوع دا تتكرر دلوقتي اكتر من مره
و انا بقالي فتره كنت باكل قليل يعني نص رغيف بالظبط مكنتش بزود عنه بس جه عليا فتره بعدها بقيت اكل رغيف كامل عادي و في أول الفتره دي كنت بحس اني اكلت كتير اوي بالرغيف دا
و بعدها ب فتره الموضوع بقى تمام معايا مفيش مشاكل بس بعدها بردو بفتره و كنت اخدت على الرغيف كامل خلاص كنت باكل عادي و اكلت رغيف بردو عادي حسيت ب تخمه اوي و بطني وجعتني و كأنها هتنفجر و تنفسي بقى مش منتظم و بتنفس بالعافيه و بكون عايزه ارجع الاكل اللي أكلته مع اني كنت ببقى جعانه اوي بس معرفش اي السبب في كدا
و الموضوع دا تتكرر كتير اوي لدرجه اني بقيت اشبع و ابدا احسن بالتخمه دي من لقمتين حرفيا ب معنى الكلمه
فيدوني و شكرا 🤍
كما أشار عليك الأصدقاء هنا، زيارة الطبيب خطوة مهمة. لكن لدي سؤال لك، هل غيرتِ شيء في نظام حياتك مؤخرًا؟ مثلًا مواعيد النوم، أو مجهود زيادة، أو تأثرت نفسيًا بموقف ما؟
تم النشر الثلاثاء، ٦ أغسطس ٢٠٢٤
محتاجة تتابعي مع طبيب باطنة وهو بعد التشخيص هيحدد السبب وهيطلب منك التحاليل اللازمة للاطمئنان. الدوخة وعدم انتظام النفس وضربات القلب السريعة لها كذا سبب ومن ضمنهم الأنيميا. كمان موضوع إن أكلتك بسيطة ده طبيعي لو مش بتتغذي كفاية لمتطلبات جسمك هتشعري بكده. الرياضة كمان بتفرق، لو مش بتمارسي رياضة بانتظام ولو عشر دقائق في اليوم ومش بتتحركي من مكانك معظم الوقت فهتتعبي من أي نشاط تييجي تمارسيه من تنظيف وغيره. الرياضة بتزود لياقتك وبتحسن نومك وصحة الجهاز الهضمي. إن شاء الله تطمئني من طبيب الباطنة وفي نفس الوقت تبدأي تنظيم أكلك ونشاطك.
تم النشر الثلاثاء، ٦ أغسطس ٢٠٢٤
أهلاً وسهلاً، أفهم تمامًا إنك تمرين بوقت صعب. يبدو إنك عندك مجموعة من الأعراض اللي بتسبب لك قلق. أول حاجة، مهم إنك تتحدثي مع طبيب متخصص، لأنه الأعراض اللي وصفتيها ممكن تكون لها أسباب صحية تحتاج لفحص دقيق. بالنسبة للشعور بعدم القدرة على التنفس أو الدوخة، دا ممكن يكون ناتج عن القلق أو التوتر أو حتى بعض العوامل الجسدية اللي تحتاج لمتابعة. ومن الجيد إنك قررتي تأكلي بشكل أفضل، لكن التغير المفاجئ في كميات الأكل ممكن يكون له تأثير على جسمك، وخاصةً إذا كنتي بتتعرضي للتخمة والوجع. حاولي تركز على تناول الوجبات الصغيرة والمتوازنة، وابتعدي عن الأكلات الثقيلة. كمان، تأكدي من شرب المية بشكل كافي، لأنها مهمة عشان يساعد جسمك في الهضم والتنفس. الأهم من كل دا، لازم تتحدثي مع متخصص عشان يقدملك النصيحة المناسبة ويفحصك إذا كان في أي مشاكل صحية. خدي بالك من نفسك، وأنا هنا لو محتاجة أي مساعدة أو نصيحة تانية. 🤍 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٦ أغسطس ٢٠٢٤
استشارة دكتور علطول +تكونن ضغط نفسي او عصبي او تفكير في حاجه مخوفاكي +تغذي كويس وكلي اكل صحي يساعدك علي الانتظام الضربات
تم النشر الثلاثاء، ٦ أغسطس ٢٠٢٤
لازم تزوري الطبيب وتسألي وممكن تحاولي تظبطي النوم الاكل تعملي رياضه خفيفه يعني تبقى صحيه ده هيبقي مفيد عامه
تم النشر الثلاثاء، ٦ أغسطس ٢٠٢٤
لعرض السؤال في فدني اضغط هنا