انا دلوقتي مخطوبه أنا اتخطبت كذا مره سبتهم اسباب مختلفه لكني تطورت فيهم بالأصح حبيت واحد فيهم سبته برضه اتخطبت تلات مرات ده تالته مهم خطيبي ده غريب شويه احس انه كريم و شويه أنه بخيل هو انا كنت مفكره أنه ماديا كويس هو فعلا معه حاجات في مستقبل يتبعها و يبقي ماديا كويس لكن حاليا لا هو ماشي علي قده لكنه لوحده بابه و مامته متوفين من وهو صغير و عمه اللي مربيه المهم هو كدب عليه كذا مره في حوار شغله أنه يكون سايبه و ميعرفنيش و زعلت لكنه اعتزلي كتير و طلب فرصه رجع كدب تاني اديته فرصه تانيه رجع أنه كان بيكدب عليه كدبه كبيره أنه دبلوم هو كان قايلي أنه كليه و كان طول فتره ده بيقولي كده اتصدمت و كنت هسيبه بعد إلحاح من ماما و منه اني اسامحه علي كدبه و اتقبل أنه دبلوم مش كليه لانه معايا شهاده عليا وافقت هو بيحبني جدا و اتعلق بيه و انا بيصعب عليا اكسر نفسه عشان يتيم مع اني واخده وانا مش مقتنعه لا شكلا اووي و مستوي لكن شخص مذبذب خايفه فرق تعليم ده يقصر ده غير أنه عاني في طفولته شاف قسوه من أهله و هو صغير قبل ما يموتوا مش عارفه اعمل ايه محتاره انا بخاف من مستقبل جدا لكني نفسي يبقي ليا حياه
السلام عليكم ورحمه الله وبركاته. اولا عايزه اقول لك حتى لو اتخطبتي 20 مره هدف الخطوبه انك تتعرفي على الشخص في اطار شرعي بمعرفه الاهل وتقدري تقرري اذا كان الشخص ده مناسب وينفع يكون زوج ليكي عشان تعيشي بالميثاق الخاص بالحياه الزوجيه بدون ما يحصل ازمات ومشاكل كبيره وما تقدريش تتخطيها وانك تقدروا تعيشوا مع بعض بتوافق وباتفاق وتقدروا دائما تلاقوا طريق تتغلبوا فيه على اي حاجه بتحصل. وتنشقوا بيت اهم حاجه بيت في موده ورحمه وسكينه. فقصه بقى انه انا اتخطبت كام مره لا دي مش قصه خالص يعني انسيها انسيها دي دي ازمه مجتمعيه كان مجتمع عملها والناس عملتها وخليتها وصمت حار وده مش حقيقي. المساله بقى بتاعه ان انا ازاي احدد اكمل ولا ما اكملش بتتوقف على من الاول خالص وانا عايزه اتجوز ليه؟ انا عايزه اتجوز علشان بس ابقى اتجوزت علشان بس انا اهو انا سني دلوقتي سن جواز علشان خلاص دي كده كده المرحله الجايه من حياتي بس. مش كفايه مش ده اللي هيخليكي تحددي؟ بحب الشاب اللي بيلبس. قمصان وساعات وهكذا. طيب ده ممكن تكون حاجه مفضله ليه على المدى القصير اللي هو دلوقتي يعني هبقى مبسوطه انه خطيبي كده او جوزي كده واحس متجوزه لكن ممكن ده مش حاجه تفرق معايا قدام قوي ده مثال مش شرط يكون عندك طيب الحاجات اللي تفرق معايا اقدر اتحملها على المدى الطويل مثال والله انا اقدر على المدى الطويل اتحمل ان هو يكون مثلا مش بيتكلم كثير لكن ما تحملش على المدى الطويل ان هو يكون عصبي وبيزعق. لما تكون الحاجات دي بالنسبه لك واضحه هتقدري تحددي من اللي قدامك اذا كانت شخص مناسب وينفع اكمل معاه ولا لا؟ دي ثاني نقطه ثالث نقطه مش هينفع تتجوزي حد علشان خاطر انت مشقه عليه الكلام ده غلط تمام اللي هو انا مش عايزه اسيبه عشان هو يتاثر عشان والده ووالدته مش موجودين علشان هو عاش طفوله صعبه الحاجات دي مش هي اللي هتخليكي تقدري تتحملي الشخص ده على المدى الطويل يعني اذا كنت انت يعني مش واقعه عليه دلوقتي ااا وهو ده السبب الوحيد اللي مخليكي ما تفسخيش الخطوبه فاعرفي انه السبب ده مش هيكمل معاكي لقدام بعد كده هتنسي السبب ده تماما وهتبقي بتتعاملي مع الراجل اللي قدامك اللي انت شايفاه مش مناسب لك وان هو اختيار سيء برجع اقول لك ثاني لو فعلا السبب الوحيد فلو انت مشيتي الخطوات كده حددي بالنسبه لك المميزات والعيوب اللي هي الشخصيه بتاعتك انت بعيدا عنه وبعدين طبقيها بقى على الواقع بتاعك انت وخطيبك واذا لقيتي النسبه مش متوازنه وانه مافيهوش القدر الكافي من الحاجات اللي تهمك وفي من العيوب الحاجات اللي انت ما تقدرش تتحمليها على المدى الطويل مش هيكون هو انسب حد انت تكملي معه لانك هتضري اكتر على فكره لو انت شايفه انك خايفه تزعليه انت هتضريه اكثر لو انت كملتي معاه وانت مش مش شايفاه مالي عينك بالبلدي بقى
تم النشر الثلاثاء، ١٠ سبتمبر ٢٠٢٤
طالما من تركتيهم كان عن اقتناع ما المشكلة؟ وما رأي والدك على الأخص في موضوع كذبه؟ هل والدك راضٍ عن هذه الصفة بالتحديد؟
تم النشر الثلاثاء، ١٠ سبتمبر ٢٠٢٤
عامه الانسان اللي بيكذب بعيد عنه تمام والله العظيم بجد خدي الواحد اللي ترتاحيله ماديا نفسيا عاطفيا يعني عندك انا كنت مخطوبه الواحد كان دايما بيكدب حتى العقيده بسيطه يعني حاجات بسيطه كده انا عمري ما عديتها وكمان في حاجه ثانيه. الشخص الكذاب ده ما تعملهوش وكمان المشاكل اللي بتحصل كتير في فتره الخطوبه فاتوره الخطوبه اتعملت علشان نفهم بعض مش علشان كل واحد يفكر ونتجوز وخلاص الفكره وخلاص انت عايزه الواحد يكمل معاكي مشوار حياه مش يومين تعب او يومين اختاري صح من الاول علشان بعد كده ما تقوليش يا ريتني يا ريتني الشخص اللي انت بتسالي عليه ده ده هو كويس نظرك ما كنتش سالت السؤال ده فكون انك بتسالي توافقي عليه ولا لا كده من جواك انت مش عايزاه فاهم يا بنت الناس من الاول اختاري نفسك واستني نصيبك اللي يجيلك ويقولك حلو احسن من الشخص اللي انت بتتكلمي عليه ده بصراحه
تم النشر الثلاثاء، ١٠ سبتمبر ٢٠٢٤
الواضح من رسالتك انك غير مقتنعه بيه لاسباب متعدده وخصوصا لتقلبات اطباعه وان شخصيته غير واضحه لك،،، وموضوع عدم الصراحه في موضوع المؤهل ده مؤشر سلبي جدا لشخصيته وممكن يتكرر في امور عده لانه ده مش خطاء عفوي يمكن التنازل والعفو عنه،،،،، وبالنسبه للخطوبه دي الهدف منها التعارف وهل في تلائم وتوافق ام لا، فعادي جدا تكرار الخطوبه، فحياتك الرئيسيه هتكون مع جوزك مش خطيبك فاحسني الاختيار الملائم لكي وإلي تعرفي تتعايشي معاه. ووفقك الله...؟ (((رأيي الشخصي))
تم النشر الثلاثاء، ١٠ سبتمبر ٢٠٢٤
عزيزتي، أشعر بمعاناتك وما تمرين به من مشاعر متضاربة، وهذا أمر طبيعي. العلاقة التي تخوضينها تحتاج إلى تقييم دقيق ومعرفة ما إذا كانت تلبي احتياجاتك وتطلعاتك المستقبلية. أولاً، يجب أن تتساءلي عن القيم التي تعتبرينها أساسية في شريك الحياة. هل الطموح والتعليم والخلفية الاجتماعية من الأمور التي ترين أنها مهمة؟ لا شك أن وجود اختلافات في التعليم والمستوى الاجتماعي قد يؤثر على العلاقة في المستقبل. ثانياً، يمكنك التفكير في إمكانية التواصل بصدق مع خطيبك. هل تستطيعين التحدث معه عن مخاوفك ومشاعرك تجاه الكذب وماضيه؟ الحوار المفتوح يمكن أن يساعد في بناء الثقة، وهو أمر أساسي لنجاح أي علاقة. ثالثاً، من المهم أن تنظري إلى مشاعرك الخاصة. هل تشعرين بالراحة والحب الحقيقي تجاهه، أم أنك تخافين من الوحدة ولا تريدين إنهاء العلاقة؟ لديك الحق في أن تسعي لحياة مليئة بالسعادة والطمأنينة. أخيراً، لا تتجاهلي مشاعرك؛ فهي مرشدك. تذكّري أن المستقبل يمكن أن يكون مشرقاً إذا كنت تتخذين قرارات مبنية على الأسس الصحيحة. في النهاية، استمعي لقلبك وعقلك، وكوني صادقة مع نفسك حول ما تريدين. نحن هنا لدعمك إذا كنت تحتاجين إلى استشارة إضافية أو أي مساعدة أخرى.
تم النشر الاثنين، ٩ سبتمبر ٢٠٢٤
والله بصي هو الراجل مسمهاش بيكدب كدا بقا ، هو اسمها بيخبي عليكي ، يعني مثلا بيخبي عليكي عشان مش معاه شهادة عليا ، يعني محسساني ان اللي معاه شهادة عليا بيشتغل راجل اعمال بالله عليكي خلينا ساكتين ، انا معايا علوم اهه وشغال وقبضي تلت العامل في مصنع 😂😂 وبالنسبة للشغل ، احنا كرجالة مابنحبش لو سبنا شغلنا ولا حاجة نتكلم في الموضوع ده وبنشوف غيره علطول ،
تم النشر الخميس، ١٢ سبتمبر ٢٠٢٤
لعرض السؤال في فدني اضغط هنا