تزوجت عن حب لكن زوجي الآن يعيش قصة حب مع أخرى وتركني وحدي، كيف أتغلب على ما أنا فيه؟

Question

انا متزوجه من شاب انا اكبر منه بعشر سنين بعد قصة حب واتجوزنا رغم عن أهله بقالنا اربع سنين ولسه ومخلفة بنت عمرها 3 شهور الآن وخلاني آخد مانع الحمل حقن كل ثلاثة أشهر والان هو يعيش قصة حب مع مغربية ويوميا يتحدثون معا وتركني وحدي كيف اتغلب على ذلك انا حزينة جدا لانها لديها امكانيات اكتر مني هي حلوة ورفيعه وصغيرة في السن وانا تخينه وعجزت ماذا افعل بقلبي يتمزق والبكاء يزرف تلقائيا

Accepted Answer

السلام عليكم ورحمه الله وبركاته دي يعني تعتبر من الحاجات اللي انت كنت عمرك ما هتكتشفيها في زوجك الا بعد ما تكونوا عشره وعدى عليكم سنين مع بعض فحاليا الراجل شايف ان هو ما بقاش مرتاح في الحياه الزوجيه زي الاول وهو عنده طاقه يحب ويتزوج مره ثانيه اللي احنا نقدر ان احنا نحكمه فيه فعلا هو اللي هو يعلل ما بينك وما بينها تمام ان هو منفصل عنك في اوضه ثانيه ده شكل من اشكال عدم العدل. اللي انت بتقوليه كشكل من اشكال المقارنه لو هو عمله فادى لنفسه الحق او العذر ان هو يعمل كده او يتجه ان هو يتزوج مره ثانيه عشان خاطر السبب ده فخلينا نسألك انت انت شايفه انك مش مهتمه بنفسك بشكل كافي ولا لا؟ علشان نكون منصفين فكل طرف من الطرفين المتزوجين بيحتاج احتياجات معينه وبينتظرها من الطرف الاخر ان هو ياخد باله منه منها فوارد جدا يكون كان فيه ما بينكم نقاش كثير انه خذي بالك من نفسك اكثر من كده لانه ده شيء يهمني وممكن انت تكوني ما كنتيش بتهتمي بالقدر الكافي او ما حطليش في بالك ان ممكن ده يكون النتيجه. مش هنضحك على بعض ونقول انه لأ المفروض مهما كانت الزوجه فالزوج بيكون مخلص ومكمل لحد الاخر ايا كان الوضع لا احنا هنا بنتكلم في احتياجات، الاحتياجات دي لها الشخص بيعف نفسه والموضوع متبادل يعني برده المفروض الزوج يكون بيقدم الاحتياجات لزوجته اللي هي محتاجاها فاحنا نرجع كده نعمل اعاده تقييم لنفسنا ونشوف احنا حاليا حياتنا عامله ازاي معتمدين على ايه في حياتنا بنعمل ايه في يومنا لو يومك كله متمحور حوالين زوجك فاعرفي ان هنا في مشكله دي بتبقى على فكره رغم ان هي المفروض انها تكون ميزه للزوج الا ان هي بتكون من اسباب ان الزوج ممكن يبدأ يحس ان هو مش مرتاح الا انه بيكون كل التركيز عليه وما بيلاقيش مساحه هو مفيش تركيز عليه فانت محتاجه انك تاخدي حياتك كلها وتبداي ترتبيها من اول وجديد يكون اغلب حاجات بتعمليها فيهم وفي حياتك كلها تخصك انت اكثر ما تكون بتخص زوجك وان هو بيعمل ايه وما بيعملش ايه وبيروح هنا وما بيروحش فين انا هقول لك على ان دي حاجه مؤكده مؤكده ولا في علم النفس ومؤكده في علم الاجتماع علشان التفاصيل الشخصيه اللي بتفرق ما بين الذكر والانثى انه فعلا الذكر بيبدأ ينتبه اكثر للانثى لما بتكون بعيده عنه او مهتمه بنفسها قوي ليه اهتماماتها الشخصيه ده بيجذبوا لها اكثر بكثير من ان هي تبقى طول الوقت صابة كل اهتمامها عليه هو بالنسبه لمشاعرك انت الشخصيه وقد ايه الموضوع وجعك، مش عايزاك تبصي على ان هو ليه حق وانت ما لكيش حق تفكيرك في حقك اكثر هيبدأ يعادل معاكي المشاعر السيئه فيا ريت تركزي على ده اكتر.

Answer

مرحبًا أختى الفكرة مش انت أكبر أم أصغر أعرف حالات الزوجة أكبر و حياتهم سعيدة زى ما هتفكرى فى نفسك و تعامليها هتعاملك الناس ايه معنى كلمتك أنك عجزتى ؟ أنتى وصلتى ل 80 سنه؟ ركزى الفترة دى على نفسك طورى من نفسك و صحتك و حبى نفسك لنفسك مش علشان جوزك يشوفك حلوة لأ علشان نفسك تستحق تحبيها وقت فراغك شوفى هواية بتحبيها و اشغلى نفسك بيها أعملى اللى عليكى معاه قدام ربنا علشان يكون ضميرك مرتاح و قولى عوضى عليك يارب و وقت ما تحبى نفسك هتلاقى دنيتك بتتحسن فكرى كده وقت ما قابلك و حبك كنتى ايه ؟ غيرى أفكارك عن نفسك و حبيها و قدريها و ساعتها هتشوفى بنفسك النتيجة ربنا يريح بالك

Answer

ما حدث كان مؤلم لك حقا وكان لك كل حق في انزعاج وألم من جرح خيانه من زوجك.. الأ اني سأكون صريح معك من ناحيه نفسيه.. عندما يخونك شخص ما بحياتك فهذا يدل على خيانتك لنفسك انتي خذلتي نفسك عندما ابتعدي عنها، تحتاجين الاهتمام الرعايه من ذاتك لديك جرح نازف عليك رعايته قبل تفكير بعدم اهتمام زوجك فيك..انتي امرأه جميله وقويه وتستحقين الرعايه والاهتمام من نفسك اولا،.. اصنعي حدود لنفسك لأجل عدم تجاوزها من زوجك اوضحي له بأن اسلوبه وخيانه لك يدل على قله احترامه وضعي حدود الحمراء في علاقه، الشخص الذي لا يحترمك لا يستحق عاطفه منك الشخص الذي يؤذيك لا يستحق الحب....

تزوجت عن حب لكن زوجي الآن يعيش قصة حب مع أخرى وتركني وحدي، كيف أتغلب على ما أنا فيه؟

نفسية

اجتماعية

زواج

سؤال من Rania k

تم النشر الخميس، ٢٠ فبراير ٢٠٢٥

4 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك