دلوقتي انا شخص عندي 24 سنه ولسه ببتدي ف مجال جديد اللي هو ال HR ومعايا كورسات فيه وعندي خبرات ف برامج مايكروسوفت اوفيس كلها والانجلش عندي كويس جدا وبقالي اكتر من 4 شهور بدور علي شغل مش لاقي كله محتاج خبرة سنتين ع الأقل وانا لسه معنديش خبره كافية غير الكورسات والامكانيات وزهقت من حوار اني ادور ع النت ومواقف التوظيف واخدت قرار اني انزل الف علي المصانع واسأل فيها ف كل مكان ..
محتاج رد منكم هل لو عملت كدا ونزلت لفيت ع المصانع ومعايا ال CV هتبقي طريقة مناسبة لحاجه زي كدا ؟؟
أهلاً بيك يا زميل! بما إني إتش آر، وتحديداً في مجال التوظيف خليني أشير معاك كام نقطة قد تفيد مع باقي ترشيحات الزملاء. ١. اقرأ كتير عن المجال ومن مصادر عربي وانجلش زي SHRM, HRCI, ناصر طه، محمد اليماني، ياسمين الشيخ وغيرهم. ٢. لازم تستخدم لينكدإن، ده مكان التجمع! ظبط بروفايلك كويس جدا وتابع كل الزملاء. ٣. حالياً مفتوح كذا internship على لينكدإن في جزء Jobs. ٤. تابع موقع وظف بشكل أساسي يومياً، عليه فرصة لطيفة للي بيبدء. ٥. اقرأ كتير تاني. ليه؟ عشان تعرف إنت عايز تشتغل في أي جزء من الإتش آر! والأهم أي Industry. ٦. السعي مهم، انزل وجرب وخبط على كل الأبواب. ٧. ابعت لي وخلينا نظبط ال CV ولينكدان كمان وندردش مع بعض أكتر، لعل وعسى يكون فيها إفادة. أخيراً.. المجال ده بيتجدد كل يوم، وبيعتمد على شخصيتك في المقام الأول وليست الكورسات أو الدورات! سيمون سنيك بيقول جملته الشهيرة اللي الكل بيستخدمها: "You don't hire for skills, you hire for attitude, you can always tech skills". وربنا يوفقك إن شاء الله لكل خير 🙏🏻
تم النشر الاثنين، ٥ يونيو ٢٠٢٣
حلو جدا طبعا الكورسات .. والخبرات اللي اخدتها .. ولكن للاسف سوق العمل بيبقى محتاج خبرة عمل فعلا .. علشان كده انزل اتدرب في اي شركة بيبقى فيه تدريب للناس اللي حديثي التخرج اي كان التدريب 6 شهور او سنة .. ممكن تتابع الجروب ده على التيلجرام بينزل فرص شغل، ومنح وتدريبات https://t.me/arabonlinework + ممكن كمان تشوف جمعيات تطوعية وتطوع في لجنة ال HR برضه ده هيديك خبرة كويسة
تم النشر السبت، ٣ يونيو ٢٠٢٣
اظبط بروفايل لينكدان و ابحث في قسم الوظائف في olx
تم النشر الأربعاء، ٧ يونيو ٢٠٢٣
لينكد أن يعرض شغل ونزل سيفيهك هناك هناك ممكن حد يساعد
تم النشر السبت، ٣ يونيو ٢٠٢٣
دورت كتير وللاسف محتاجين خبرات كتير
تم النشر السبت، ٣ يونيو ٢٠٢٣
لعرض السؤال في فدني اضغط هنا