انا حاليا هتم ال 20 فاضل ايام مش اكتر بس حتى بعد ما وصلت للسن ده انا مش عارفه انا عاوزة إيه ولا انا بحب او مهتمه بإيه
مش عندي هدف خاص بيا او لسه ملقتهوش عايشه دايما في الكومفورت زون بتاعتي مبخرجش منها مش بإرادتي ولكن عندي حاجتين يمنعوني خوفي الشديد من أي حاجه جديده واصرار والدي على الرفض لاي حاجه انا بقترحها اني اعملها
نفسي استكشف واعيش المغامره احضر ندوات او مؤتمرات او معارض زي معرض الكتاب اللي بقالي خمس سنين بزن اني أروحه ومفيش فايده كل سنه نفس الرفض حتى لما بقى في ندوة في كليتي منعني أحضرها لاني بطبيعتي مبعرفش أخبي فمش هعرف احضرها واقول عندي محاضرات
وانا مش عندي نفسي اخرج مع صحباتي البنات او حتى مع اخواتي برضو بلاقي رفض ده حتى هو نفسه مبيخرجناش انا زهقت من القعده في البيت ومش عاوزة احلى ايامي وايام شبابي تضيع كده
الكل بيقول الفتره دي تعيشي حياتك وتكتشفي نفسك لانك هتلاقي مسئوليات اكبر بعد كده سواء شغل او جواز وبيت واسره طب هعيشها ازاي وانا كأني محبوسه في قفص مش عارفه اخرج منه ده غير اني لحد دلوقتي مكتشفتش نفسي ولا انا عاوزة ايه او بحب ايه وعلشان اعرف ده لازم اجرب حاجات كتير
طب هجرب ازاي وانا في اوضتي 24 ساعه في اليوم 7 ايام في الاسبوع عارفه ان ممكن كتير يفكر اني بأفور في ردة فعلي ممكن يكون معاكم حق بس ده احساسي خوف وحيره ومش عارفه اتصرف ولا حتى اني احكي لحد
طبيعي متقدريش تحددي شغفك عادي مش كُلنا نعرف شغفنا وكدة لاء ده نسبة كبيرة مننا متعرفش اساسا.. تمام كده.. شوفي نتي ممكن توصلي لـحاجة بتحبيها وتشوفي نفسك فيها عن طريق تجربة مثلا جربي تاخدي دورات تدريبة مثلا مثلا عن البرمجة لقيتي نفسك فيها وحابه الموضوع ده طريق قدامك ملقتيش نفسك فيه شوفي التصميم و الحجات دي فاهمة قاصدي ... خدي دورات في الحجات هتلاقي في حجات مجانية على يوتيوب.. ودي خديها بتكون زي مهارات ليكي كده إضافة للشهادة بتاعتك... بردك موضوع اللُغة فاهمة بما إن بابا رافض انكم تخرجو وكده اكيد ليه أسبابه بس نتِي ممكن تتعاملي يعني هتلاقي ندوات على يوتيوب وكذلك بردك بودكاست وحجات جميلة كده فاهمة ممكن ارشح ليكي حاجة في قناة اسمها فقه النفس لـ د/ عبد الرحمن ذاكِر الهاشمي في فديو ليه عن الإنجاز ممكن تسمعيه هتلاقيه بيوجهك وسط كل حاجة حوالينا بتضغطنا فاهمة ربنا يحفظك ويصلحك حالنا وحالك 🤲🏼🤍'
تم النشر الأحد، ٥ يناير ٢٠٢٥
صلي على النبي، بسم الله علي قلبك يا جميله، طبيعي جدا لحد حتي متتخرجي من الجامعه هتبقي تايهه انتي يبنتي بتتكلمي في20 سنه منهم 16 طفوله انتي فاهمه انتي كده عادي ابدأي دوري من نفسك على قد عقلك متقوليش مفيش فايده غايه الانسان المُثلي هي العباده طالما انتي عبدة وأمة لله سبحانه تؤدي صلاتك ونوافلك وقرآنك، لك ورد أذكار وورد ذكر بتصلي الرحم طيبه هينه لينه على القلب كفايا اوي يا جميلة. انتي لسه صغيره جدا والله العظيم يا بنتي النبي صلى الله عليه وسلم نزل عليه الوحي وهو عند ال40 قاد أمة في سن 40 مش ال20 هو انتي طبيعي هتحسي كده بسبب التطور والمجتمع الغريب الي بيقنا فيه، فانتي ادعي يارب قربني ليك اسألك حبك وحب من يحبك وحب العمل الذي يقربني لحبك هي دي غربتك المثلى ، خليكي متاكده انتي جيتي الدنيا تعُبريها مش تعمريها ،،، هتجربي متقلقيش لما تتحطي في مواقف اتوماتيكيا والله هتتعاملي احنا كنا كده الانسان ياما بيتعلم وهيتعلم ثقي في نفسك احضري ندوات انتي في الجامعه كدا كدا انتي فيها كانها محاضره فاهماني انما لما تيجي تخرجي مع صحابك خارج الجامعه لازم للأمانة تعرفيهم لان حرام او لما ترجعي تحكي حصل كذا ورحت كذا ويفضل مامتك واختك مش لازم الوالد طالما هو شديد انتي تقدري تعملي اي شيء. اسأل الله العظيم رب العرش العظيم ان يوصلك لهدفك ويفتح عليكي
تم النشر الثلاثاء، ٧ يناير ٢٠٢٥
استغلى الوقت التعلم ومعرفة نفسك بطرق كثيرة من ضمنها تمرين عجلة الحياة والقوانين اليابانية وارفقتلك الصور كبداية
تم النشر الثلاثاء، ٧ يناير ٢٠٢٥
أختي العزيزة، أفهم تماماً مشاعرك ومن الطبيعي أن تشعري بالحيرة والخوف في هذا السن. هذه المرحلة من حياتك تعتبر فترة حساسة ومهمة لاكتشاف الذات وتحديد الأهداف. يجب أن تتعلمي أنه لا بأس بعدم معرفتك لما ترغبين به بشكل واضح في هذه المرحلة، فكل شخص يمر بمراحل من الاستكشاف والتجربة. لا تحبطي من فكرة الخروج من منطقة الراحة الخاصة بك، رغم الصعوبات التي تواجهينها بسبب الأهل أو الخوف من المجهول. يمكنك أن تتخيلي البدائل التي يمكن أن تمنحك شعوراً بالتغيير، مثل القيام بأنشطة بسيطة في البيت تجربه أشياء جديدة. يمكنك البداية بوضع قائمة بالأشياء التي تهمك أو تودين تجربتها، حتى وإن كانت بسيطة. مثل قراءة كتاب جديد، متابعة دورات عبر الإنترنت، أو حتى الاستماع إلى محاضرات عبر اليوتيوب. هذه الأنشطة قد تفتح أمامك نافذة جديدة لاكتشاف اهتماماتك. إذا كان الخروج إلى الفعاليات صعباً في الوقت الراهن، ابدئي بالتواصل مع أصدقائك المقربين أو أفراد العائلة الذين يمكنك التحدث معهم عن مشاعرك. وبالنسبة لموضوع والدك، حاولي أن تتحدثي معه بوضوح وصراحة عن رغبتك في تجربة أشياء جديدة، وشاركيه فوائد هذه التجارب في مساعدة الشباب على النمو. مهم أيضًا أن تمنحي نفسك الوقت. لا تتسرعي في الحكم على نفسك، فإيجاد الشغف والهدف يتطلب التجربة والاستكشاف. ابدأي بخطوات صغيرة، وكوني صبورة مع نفسك. تأكدي أنك ليست وحدك، وكرري لنفسك أن هذا الطريق هو جزء من رحلتك في الحياة. وفقك الله في مسعاك للبحث عن شغفك، ولا تترددي في طلب المساعدة إذا شعرت بحاجتك لذلك.
تم النشر الأحد، ٥ يناير ٢٠٢٥
حاولي تاخدي كورسات علي نت وتقرأي كتب وتسمعي بودكاست وثقفي نفسك واعملي لسته مهام وشوفي رسم اتعلميه او كروشه او ريزون او شنط بخرز وبجد لو عملتي كدا هتحسي ان يوم عدا وعملتي حاجات كتير مش ضاع على فاضي وتحسي نفسك انجزتي وخدي كورسات ليها علاقه بتخصصك بجامعه
تم النشر الاثنين، ٦ يناير ٢٠٢٥
لعرض السؤال في فدني اضغط هنا