شعور الوحدة وانا قاعدة مع زمايلي في الدراسة وكلو بقا بياخد بالو من وشي المكشر ورغرغة عيني في القعدة معاهم ولما اجي اشارك معاهم الكلام بيعتبروني مش موجوده لما بيتكلموا مع بعض بيكون بينهم تواصل بصري وانا كأني شفاف فبندم ان انا شاركت معاهم الكلام وانا مش مرتاحة ودايما باجي من الكلية دماغي مصدعة واعيط على سوء حظي فإن مليش صحاب
من اول ٣ اعدادي وانا ماشية مع زمايلي وهما حلوين مع بعض ومصاحبين بعض وانا كلو بيبعد عني مش عارفه ليه مع اني بحفظ اي سر لو حد قالي على سر مستحيل اطلعو
أوقات بحس ان انا معنديش قبول
ولا بسبب ان انا عندي حبسه كلامية وبنسى الكلام اللي انا عاوزه اقولو كلو بيبعد عني وبيجيلي تأتأه في الكلام بجد شعور سيئ جدا ان انا اكون مهمشه متمناش ان حد يحصل فيه اللي انا فيه
ومن الزهق دا جالي مرض بسبب الزهق 😭😭
مضيقيش نفسك ممكن لسه ملقتيش الصديقه الجدعه او الي انتوا الاتنين دماغك نفس بعض حوالي تملي وقتك بحاجه بتحبيها تساعد انك تتعرفي على ناس جديده ويكون فيها حديث مشترك بينكم وعبري عن رايك بكل ثقه متتكسفيش انك تقوليه او تحطي في دماغك ان الي قدامك ممكن يقلل منه وإن شاء الله ربنا يبعتلك صديقه تلاقي فيها الونس والاخت
تم النشر الأحد، ٢٧ أكتوبر ٢٠٢٤
متقلقيش.. على مدار حياتك هتقابلي ناس كتير. يمكن شايفه انه مالكيش حظ في الأصدقاء دلوقتي.. بعد كده هتتعرفي على ناس تانية.. سواء في الكلية او في الشغل.. و هتقدرى تلاقي الصديقه الجدعه اللي تسمعلك و تهتم بيكي و و تحس بيكي.. حاولي دلوقتى تهتمي بنفسك و تعلي ثقتك بنفسك و انه مش بكتر الناس حواليكي.. ممكن مع شخص واحد يكون كافي جدا و قبل ما دوري على صديق خليكي انتي صديقه نفسك
تم النشر السبت، ٢٦ أكتوبر ٢٠٢٤
عزيزتي، أشعر بمعاناتك وأفهم أن شعور الوحدة وعدم التواصل مع الآخرين قد يكون مؤلمًا جدًا. من المهم أن تدركي أن مشاعرك صحيحة وهناك الكثير من الأشخاص الذين يشعرون كما تشعرين. قد يكون السبب وراء شعورك بالعزلة هو صعوبة التواصل أو الخوف من ردود الفعل. تذكري أن كل شخص لديه أوقات صعبة، ومن الطبيعي أن تشعري بعدم الارتياح في بعض المواقف الاجتماعية. من الجيد أن تكوني نفسك، لكن هناك بعض الأمور التي يمكنك التفكير فيها لتحسين الوضع: تطوير مهارات التواصل : يمكنك العمل على تحسين مهاراتك في الحديث والتعبير عن نفسك. يمكن أن يساعدك التمرين على التحدث أمام المرآة أو كتابة أفكارك قبل الذهاب إلى المواقف الاجتماعية. البحث عن الاهتمامات المشتركة : حاولي أن تكتشفي مواضيع مشتركة مع زملائك. إذا كان لديك اهتمام معين يمكن أن يكون مدخلًا جيدًا للتواصل. التواصل مع الأصدقاء في المحيط الأوسع : إذا كنت تشعرين بعدم الارتباط مع زملائك في الدراسة، ربما يمكنك البحث عن صداقات خارج الكلية، مثل الأنشطة الجامعية أو التطوعية. استشارة مختص : إذا كان شعورك بالوحدة يؤثر سلباً على صحتك النفسية أو جسدك، من الأفضل أن تستشيري مختصًا للتحدث عن تجربتك. قد يساعدك المعالج النفسي في فهم مشاعرك والتعامل معها بشكل أفضل. كوني لطيفة مع نفسك : تذكري أن لديك قيمة ولا يجب أن تقارني نفسك بالآخرين. كل شخص مختلف ومميز بطريقته الخاصة. الحياة مليئة بالصعوبات، لكن الإيمان والصبر يمكن أن يساعدانك على التغلب عليها. لا تترددي في طلب المساعدة من الآخرين وشاركينا أي تطورات في مشاعرك. نحن هنا لدعمك.
تم النشر السبت، ٢٦ أكتوبر ٢٠٢٤
بص يا حبيبتى ابعدى عن اصحابك وانتبهى لمحاضراتك وحاولى تثبتى نفسك فى دراستك هتكونى متميزة وهتلاقى بنات تانيه تتقرب منك لانك متفوقه يعنى عندك المعلومة اللى مش عندهم وده هيزيد ثقتك بنفسك لانك هتكونى متميزة بعلمك
تم النشر الاثنين، ٢٨ أكتوبر ٢٠٢٤
لعرض السؤال في فدني اضغط هنا