أنا من النوع اللي بينصح مره و اتنين و تلاته و عشره كمان لو لقى حد بيعمل ذنب معين مبيقدرش يسيبوا كدا
بس اللي قدامي اغلب الوقت مش بيتقبل النصيحه و بيكمل ف الذنب دا
ف أنا بصراحه بخاف ع نفسي إن الناس تشوفني ذي الشخص اللي بيعمل الذنب دا
ف ببعد حتى لو كان الشخص كان أقرب حد ليا
هل دي انانيه عشان مصونتش العيش و الملح ولا افتكرت الأيام الحلوه اللي مبينا و سيبت الشخص دا عشان ذنب بيعملو و خوفت ع نفسي ؟
ولا عادي أبعد خوفاً ع نفسي كمان من إني اقع ف الذنب او الناس تشوفني بطريقه وحشه؟
كونك نصحتيه فإنتِ مش أنانية لأنك خايفه عليه من الذنب وحقك لو حسيتي إن الشخص دا هيأثر عليكي أو هيإذيكي سواء هيجرك لنفس الذنب أو هيطلع سمعه سيئه عنك فالفعل الصحيح هو الإبتعاد عنها خوفا على نفسك ودا مش أنانية خالص
تم النشر الثلاثاء، ٢ أبريل ٢٠٢٤
طيب خلينا نقول ان الواحد يكون يعني عنده كده اختيار سليم للصحبه اللي معاه ان يكون عندي صاحب صالح دي حاجه كويسه ولكن خلينا نبقى متفقين انه هنلاقي فين اشخاص ما بيعملوش ذنوب يعني هو ده ممكن تكون حاجه صعبه ومستحيل لانه كلنا عندنا سقطات في ذنوب ايا كان شكلها يعني فوجودنا اصلا كصحبه واحنا بندور على صحبه الصالحه عشان ايه عشان نعيد بعض النقطه هنا الفارقه انه اه انا دلوقتي لو لقيت حد بيقع في ذنب ومصمم على الذنب في اه انا هنا اخاف على نفسي بس اخاف على نفسي مش عشان الناس هتشوفني ازاي لا هو انا خايف على نفسي فعلا انه ممكن يسحبني لنفس الذنب ده معاه. من غير ما نحس واخاف على نفسي قدام ربنا مش علشان الناس هتشوفني ازاي دي النقطه المهمه جدا يعني؟ لا انت كده مش ما بتخونيش العيش والملح ولا الكلام ده كله ولكن بشكل شيك ولطيف وانا حتى يعني باخد بعضي وببعد عن الشخص ده اقول له انه انا والله يعني نفسي ضعيفه بما ان انا مش عارفه ان انا يعني اساعدك. ان انت تتخلصي من من الذنب ده وانت مصممه عليه فانا مش هقدر ان انا اكون متواجده ايه في المحيط ده والله لو قدرت الاشخاص اللي انت قريبه منهم او ان هم صحابك لو قدرتي بس ان هم اثناء ما هم بيكونوا لهم علاقه بالذنب ده تكوني بعيده عنهم ودي حاجه هتخليكي خلاص تتجنبي انك لا قدر الله تقع في ده او يحصل اي حاجه تضرك تمام خلاص يبقى كل اللي هكون مفهماه البقيام ده والله انا مش هقدر اكون متواجده لو انت دلوقتي في نطاق الذنب ده يعني او لو بدا يحصلك كندا يعني مثلا لو البنات بداوا يغتابوا فاللي هو يا جماعه لو بداتوا تغتابه وانا هاخذ بعضي واقوم لو في احد مثلا بيلبس لبس معين وده مش مناسب ولبست ده للاسف انا مش مش هقدر اخرج معاكي وهكذا يعني. ده اللي احنا نقدر نعمله ربنا يحفظك ويحفظ الجميع وان شاء الله ربنا يقدر لك صاحبه صالحه.
تم النشر الخميس، ٤ أبريل ٢٠٢٤
لا ابعدي عنها اكيد مدام هي بتعمل حاجه ب الشكل ده شوفي حد شبهك
تم النشر الخميس، ٤ أبريل ٢٠٢٤
الصح انك تدوري علي صحبه صالحه ناس بتسعي انها تكون كويسه زيك
تم النشر الأربعاء، ٣ أبريل ٢٠٢٤
انا ببعد لما بلاقي حد بيعمل ذنب هيأثر عليا بمعنى صحبتي مصاحبه ولاد كتير ونا بدخلني ف اغلب حوارتها معاهم طيب مهو دا غلط ف ببعد لأن حرام اللي بتعملو ونا مليش ذنب الاقي شباب عارفين عني حاجات أصلا ونا معرفهمش ولا عايزه اعرفهم عشان حرام ف ببعد بعد مبنصح يعني كدا كدا انا هبعد بس السؤال دي هتبقا انانيه مني اني موقفتش جمبها ولا لاء
تم النشر الخميس، ٤ أبريل ٢٠٢٤
اكيد حاجه حلوه انك تنصح غيرك وده الصح اصلا. بس لو مشيتي ب مبدأ هبعد عن اي حد يعمل ذنب يبقا هتبعدي عن العالم كلو حتي نفسك لان كل الناس بتعمل ذنوب وأخطاء
تم النشر الأربعاء، ٣ أبريل ٢٠٢٤
لعرض السؤال في فدني اضغط هنا