انا بنت بسيطة جدا وكنت هادية بطريقة كبيرة ولازلت هادية لكن اقل من السابق
مشكلتي ان والدي كان بيسافر من وانا طفلة
ولما كان بيرجع من السفر كان بيكون مكشر ومش بيكلمنا ولا كلمه وكان بخيل ومش بيدي لمامتي فلوس لدرجة انها باعت دبلتها
نزل من السفر وكان معاملتة بشعة جدا ومتدنية ومفيهاش ادنى رحمة وملها كسر مقاديف وخواطر
لدرجة انه مد ايده عليا لما كان متخانق مع والدتي .....من وقتها وانا كنت في ضياع
الحمد لله فوقت عن الاول كتير انا حاليا ٢١ سنة
وضربني تاني على شئ تافه وانا في السن ده انا رديت عليه واتكلمت بطريقة وحشه
من ساعتها وانا مش حباه نهائي اقرب للكره لدرجة مش عارفه ابص لوجهه لانه بيكشر وبيبرق وبقيت بخاف من شكله ومن كلامه ومن نظراته بقيت حساه زي زوج الام
كل خوفي اني اكون بظلمه لما مبتكلمش معاه لان لما بتكلم معاه بدخل اوضتي اقعد اعيط بسبب كلامه المؤذي هو معايا انا واخويا الصغير واختي الكبيرة كده انما هو بيعامل اخونا الكبير احلى معامله وشبكله وبيجهزله الشقه وهو حتى لسا مجهزنيش
هو جوز اختي بس انا خلاص على وش جواز
مش عارفه التفرقة دي من الطفوله اساسا من ساعة ما اتولد من حكاويهم ومن اللي بفتكره بردو
انا مش عارفه اتعامل خالص
وكمان بيسيطر على تفكير والدتي وبيقلبها عليا مع اني والله العظيم محترمة ومش بأذي حد انا مش عارفه اعجبهم ازاي عايزني اضحك معاهم بالعافيه بعد كل اللي هم عملوه ده
انا بقيت حاسه اني خادمة او شئ اقل كمان حاسه اني رخيصه عندهم اوووي
دونا بقا عن محاولاته انه بيوافق على عرسان ظروفها وحشه جدا ومش مناسبينلي خالص وبحسه بيلزقني لاي حد وبيحاول يقنعني ويضغط عليا نفسيا عشان اوافق
بس الحمد لله في اللحظه الاخيره برفض وبيخليني انا اللي اكلمهم اقولهم اني رافضه
انا مش عارفه بجد اتأقلم
وكتب البيت بأسم اولاده الصبيان حتى من زوجته التانيه
ومش مأمنلي اي مستقبل
اضطريت انزل اشتغل في مجالي اللي هو التدريس وطبعا وجع قلب ومناهدة بس اهه الحمد لله هاعمل اى
المشكله انا مش عارفه اتعامل خالص وافكاري في الف اتجاه بسببهم
انا مش عارفه هل ده معقول ولا كل ده كابوس
شرعا ليس عليك أي التزامات تجاه زواجك .. الزوج هو المكلف بكل مستلزمات الزواج فلا تنتظري من والدك أن يجهزك أنصحك تشتركي في موقع الشيخ عبدالكريم محمود أو الشيخ أحمد الأهواني وسيتم إن شاء الله التوفيق بينك وبين خاطب يناسبك ويقبل بتجهيز كامل مسلتزمات الزواج ويعطيك مهر دون طلب أي شيء منك وبهذه الطريقة تخرجي من هذا البيت في النهاية ومهما حصل لا ينبغي إساءة معاملة أبيك لأننا نعامل الله في الناس وليس نعامل الناس بالمثل من عصى الله فيك فلا تعصي الله فيه وهذا الفيديو سيفيدك https://www.youtube.com/watch?v=VwCNnPOMExw
تم النشر الأربعاء، ١٣ سبتمبر ٢٠٢٣
طيب هو باقي اخواتك ومامتك عارفين ان بابا متزوج واحده تانية ولا لا؟ انتي قولتي في التعليقات هو خارف منك وخايف من سكوتك؟ هل خايف احسن تقولي انه متزوج يعني؟ عموما فيه حلين للظروف ديه .. اول شئ - انك لازم تتكلمي معاه، حاولي تروحي وتتكلمي معاه وتقولي له ع اللي جواكي، وقولي له لو انت قلقان احسن اتكلم انا مش هتكلم لكن ف نفس الوقت ياريت تعاملنا زي ما بتعامل اخونا. وطبعا قولي كل اللي انتي عايزاه وكل اللي جواكي من ناحيته، بهدوء وباحترام. طيب لو المحاولة ديه فشلت؟ افصلي عن جو البيت، يعني خليكي مستقلة بحياتك وبنفسك؟ مش بقول سيبي البيت طبعا. انتي ممكن تكوني مستقلة مع نفسك، يعني كأنك فاصلة نفسك عن الجو اللي كله اضطراب في البيت. وكويس جدا انك بتشتغلي علشان تشغلي وقتك، وتعملي فلوس ليكي خاصة بيكي لوحدك. وقللي احتكاك مع اي حد بيحاول يأذكي ايا كان هو مين. حاولي تحاوطي نفسك بكل حاجه ممكن تسعدك او تخلكي كويسة. اصنعي انتي حياة لنفسك، لان لو معملتيش كده مفيش حد هيساعدك، لازم انتي اللي تساعدي نفسك. حاولي كمان تخصصي وقت للكتابة في اليوم، ده هيساعدك انك تفرغي كل مشاعرك. اتمنى ليكي السلامة
تم النشر الأربعاء، ١٣ سبتمبر ٢٠٢٣
هى النقطة الفاصلة هنا انك اصغرهم و انتى تقريبا مشوفتيهوش بسبب السفر فكده كده فى مسافة عاطفية بينك وبينه وانتى مش واصله لاحساس الاب معاه وبالتالى مفيش قدام عينك غير كل شىء هو مقصر فيه لو هنتكلم على حلول عملية ...فمحتاجة تقولى لبابا كل شىء جواكى ( وده من باب التعبير ) لانه مش شرط تلاقى الاحوال اتبدلت ان يكون فى اوضاع مؤلمة من الاباء دى حاجة مش سهلة اكيد ...وزيها زى كل العلاقات مع البشر بنحترم الاختلاف وبنشوف انسب مساحة للتعامل عشان منأذيش بعض الاباء بقى بنفضل معاهم فى مساحة البر والاحترام ( طاعة لله ) لو هنتكلم فى حلول مؤقته ...فانتى محتاجة تركزى مع كل موقف منفصل من غير ما تقولى اكيد قصده ومش قصده جالك عريس مش مناسب ...ارفضى محتاجة حاجة .,,اطلبيها ...رفض ...جربى اتجاهات اخرى واطلبى بشكل مختلف ...رفض بردوا ...انطلقى فى الحياة ودبرى امورك ..استخدمى كل الحلول المتاحة ...لانك لا تعلمى ايها فيه الخير ليكى وقفى الاحساس بالغضب تجاهه واحتسبى تحملك لده لله
تم النشر الأربعاء، ١٣ سبتمبر ٢٠٢٣
مش عارف والله أقولك ايه .. عن نفسي مش شايف الكلام منطقي وفيه تفاصيل ناقصه ومقدرش اظلمك في نفس الوقت ... ولكن في كل الاحوال ربنا يصبرك ويحسن احوالكم
تم النشر الأربعاء، ١٣ سبتمبر ٢٠٢٣
من تتكلمي مع ولدك بالاسلوب لطيف وتفهمي والدك إن الموضوع ده يسبلك قللق وتوتر وادعي ربنا انو يتغير للاحسن ومكن تدخلي حد قريب من العائله في حل هذه المشاكل
تم النشر الأربعاء، ١٣ سبتمبر ٢٠٢٣
متشكره
تم النشر الأربعاء، ١٣ سبتمبر ٢٠٢٣
مش عارفه بجد
تم النشر الأربعاء، ١٣ سبتمبر ٢٠٢٣
يعني محدش عرف الحاجات دي غيرك من اخواتك .. ووالدك ووالدتك عارفين والدنيا تمام ... ايه الهدف انه يعاملك وحش انتي واخواتك
تم النشر الأربعاء، ١٣ سبتمبر ٢٠٢٣
والدتي بتزعل مني لما بتكلم عن والدي بأي كلمة
تم النشر الأربعاء، ١٣ سبتمبر ٢٠٢٣
والدتي عارفه وهم الاثنين مخبيين علينا
تم النشر الأربعاء، ١٣ سبتمبر ٢٠٢٣
طيب على افتراض ان تفكيرك صح ووالدك خايف منك وكده .. مقولتيش ليه لاخواتك الحاجات الي هو مخبيها على كلامك او بلاش اخواتك والدتك طالما بتتكلمي معاها عادي
تم النشر الأربعاء، ١٣ سبتمبر ٢٠٢٣
شكرا ليكي بجد انا فعلا محتاجة افصل عاطفيا مش بس بالانعزال الجسدي
تم النشر الأربعاء، ١٣ سبتمبر ٢٠٢٣
بجد انتي لطيفة اوي🥺😭
تم النشر الأربعاء، ١٣ سبتمبر ٢٠٢٣
عشان بيخاف على شكله لانه بيمثل انه بيروح الشغل اللي في محافظه تانيه ومتمرمط علشانا وخايف اقول لاخواتي كل الحاجات دي هو مخبيها وبيظلم ومش عايز يبين انه ظالم فهمت ليه خايف
تم النشر الأربعاء، ١٣ سبتمبر ٢٠٢٣
مقدره جدا معاناتك ربنا يكون في العون ...محتاجه تتعلمي انك تفصلي نفسك عاطفيا في البيت...انك تتعاملي مع الوضع ده تعامل بر فقط ... حاولي تكوني لنفسك بيئة امنه تانيه تعوضك عن الامان والقبول اللي انتي محتجاه ...وثقي تماما انك كبنت تستحق الاحترام الكامل وانك مهمه وتستحقي الحب والقبول اللي يكفيكي ...وان مشاكلهم ملهاش علاقه بشخصك خالص ..هما ابتلاءهم في نفسهم مخليهم مش قادرين يتعاملوا معاكي بشكل سليم ...فالانك انتي المتألمه فمحتاجه تحمي نفسك داخليا من تأثيرهم عليكي شوفي اي مصدر بيسعدك و استثمري فيه ولو عندك الطاقه انك تعوضيهم الشئ اللي بيخليهم اهدا او مبسوطين شويه اعملي كده حتى لو حاجه بسيطه اوي ...فكره انك تبني حدود بينك وبينهم وتثبتي العلاقه الطيبه بينك وبينهم بيخليهم يفكروا في وقت ما انك اكتر حد كان بار بيهم ...يمكن ده مش هيجي دلوقتي بس ممكن بعد مده ..وربنا يهون عليكي ويصبرك
تم النشر الأربعاء، ١٣ سبتمبر ٢٠٢٣
معلش انا أسف يعني بس والدك هيخاف منك ليه
تم النشر الأربعاء، ١٣ سبتمبر ٢٠٢٣
كنت انا هبلة وبيتضحك عليا بكلمتين لما كبرت مبقتش بيضحك عليا ف بقا خايف اني اعرف انه متجوز على مامتي وخايف اني اعرف انه كاتب البيت ...خايف من ذكائي وسكوتي بيحاول يخليني اتكلم عشان يعرف انا عارفه اى او ساكته ليه
تم النشر الأربعاء، ١٣ سبتمبر ٢٠٢٣
طب ووالدك بيعاملك كده علطول من زمان ولا الوضع ده جديد وقريب ؟
تم النشر الأربعاء، ١٣ سبتمبر ٢٠٢٣
مستحيل احكي لاخويا الكبير ده اناني جدا وبياخد اي كلمه لصالحه وبيوقع الدنيا في بعضها وبينكر اي حاجه حلوه انا عملتها وبيطلعني وحشه. ....اخويا وحش جدا وبيغير هو اكبر مني بسنتين
تم النشر الأربعاء، ١٣ سبتمبر ٢٠٢٣
طب انتي قولتي انه بيعامل اخوكي الكبير كويس جدا .. مجربتيش تحكيله ؟
تم النشر الأربعاء، ١٣ سبتمبر ٢٠٢٣
انا واختي واخويا بس انا كنت بصبر اختي وبدافع عنها وبحميها انما دلوقتي انا لوحدي خالص محدش معايا ...طبعا ربنا موجود
تم النشر الأربعاء، ١٣ سبتمبر ٢٠٢٣
طب وأختك الكبيره كان بيعاملها كده بردو هيا وأخوكي ولا انتي بس بيعاملك كده ؟
تم النشر الأربعاء، ١٣ سبتمبر ٢٠٢٣
حكيتلها ...بتقولي كنا بنضرب انتو عشان اضربتو مرات تتعد ع الصوابع زعلانه
تم النشر الأربعاء، ١٣ سبتمبر ٢٠٢٣
مجربتيش تحي لوالدتك الكلام ده ؟
تم النشر الأربعاء، ١٣ سبتمبر ٢٠٢٣
هو بيخاف على شكله وبيحب الشكليات فقط تيجي تتكلم معاه يتصيد الخطأ ويحاول يغطي على كلامك وبصوت عالى ما في طريقة للنقاش معاه ابدا
تم النشر الأربعاء، ١٣ سبتمبر ٢٠٢٣
لعرض السؤال في فدني اضغط هنا