انا مبعرفش اكون علاقات سويه ومبعرفش اصلا استمر ع حاجة واحده وغالبا عندى قله ثقه بالنفس وساعات احس انى مفيش منى وثقه عالية جدا
ونا صغيرة شويه كنت بحاول كتير اكسب تعاطف اللى حواليا عشان اعرف بيحبونى ولا لا عن طريق انى امثل ساعات انى تعبانه لكن العادة دى وقفتها بقالى فترة بس بخاف من الوحده وف نفس الوقت مش عايزة نفس الشخصيه معايا علطول ديما بظهر اجمل ما فيا وبعدين كل دا بيروح مجرد ما الشخص يقرب منى ويحاول يكسبنى بهرب و جربت انتحر كذا مرة قبل كدا لاسباب مختلفه وف مرة اذيت نفسي بس بعدين ارجع افكر وقول ان اللى عملته كان غلط بفرح ديما فرح مبالغ فيه حتى لو الحاجة تفهه وممكن كلمه تاثر فيا بشكل كبير لدرجه تقفلى يومى وعيط ومعرفش امسك دموعى وف نفس الوقت ممكن مودى يتغير بسرعه جدا لمجرد ان حد يجى يضحكنى اكتر حاجة مضيقانى ان ديما اختيارتى غلط وديما الانبهار اللى ف الاول بيخلينى استعجل ف اختياراتى ومبعرف ازعل حد بكلامى ولا اذي حد لانى بخاف ع زعل اللى قدامى ودا بيضايقنى لانى م حبى الضعف دا خالص عايزة بس اتاكد هل دا فعلا اضراب حدي ولا لا
كونك عندك اضطراب الشخصية الحدية او لا .. منقدرش نحدده من خلال بوست لازم يتحدد من قبل متخصص نفسي .. ولكن في العموم تعالى نتكلم في الافكار اللي طرحتيها.. علاقتك بأهلك وانتي صغيرة كانت ازاي؟ هل مكانش فيه اهتمام بيكي ف مرحلة الطفولة، وكنتي بتحسي بانك محتاجه حب واهتمام بشكل دائم، وده مكانش بيكون موجود؟
تم النشر الاثنين، ٢٢ أبريل ٢٠٢٤
بشوف في حالتك دي ان انت مش واثقه في نفسك لا انت بتوهمي نفسك ان انت واثقه فيها او ممكن يكون عندك تروما من علاقات قبل كده كل اللي انا عايزه اقوله لك الفشل حقيقي هو ان الانسان ما يحاولش في حاجه ويقول لا انا كده كده هفشل استعيني بالله وما تزعليش على اي علاقه ما كملتيش فيها لان اكيد ربنا مختار لك الاحسن شايفه ان الناس اللي معاكي كويسين كملي معاهم ثقي في نفسك وحبيها اقراي عن موضوع الثقه بالنفس اكثر ابحثي عنه اكثر وان شاء الله ربنا يسهل لك الحال
تم النشر الخميس، ٢٥ أبريل ٢٠٢٤
جربي لو ليوم تعملي اللي انتي شايفه صح ومتفكريش ف حد ارفضي اللي مش مقتنعه بيه واعملي اللي نفسك بيه بعيد عن آراء الآخرين وشوفي ايه النتيجة
تم النشر الأربعاء، ٢٤ أبريل ٢٠٢٤
اقتني كتاب فخاخ الحياة لجيفري يونج واقرأي فخ الفشل والمعيوبية والحرمان الوجداني . تحتاجين لتنمية مهاراتك في الحياة وتغيير أفكارك وخطكك
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا