ـ بصي يحبيبتي الاول كده انتي كام سنه؟ ثانيا.. بصي بقا النوع ده مينفعش تعديله الموضوع ده كده عشان هيزيد فيها وانتي كده هتزدادي خوف منه او من مامتك، انا عارفه انه ممكن يكون اقوي منك وكده، وسواء كان اكبر منك او اصغر منك هقولك تعملي اي، لو ضربك بأي شكل قومي اضربيه، مش انتي كده كده هيضربك وكده كده هتتخانقوا؟ خلاص بقا يبقا لازم تطلعي من الخناقه دي وانتي مبسوطه من نفسك حتي لو انتي انضربتي المهم ان هو كمان انضرب، مش يضربك وتسكتي، عارفه لو حتي بترتعشي منه كده، اضربيه برضوا ان شالله بعصاية المكنسه، حتي لو هيقوم ويضربك اضربيه، عارفه لي؟ عشان انتي لما تضربيه هو هيعمل حسابك بعد كده، حتي لو جيه يضربك بعد كده، مش هيكون زي الاول واوعي تبيني الضعف قدامه خالص،(اعملي نفسك شجاعه،مثلي انك شجاعه) انا قريت مقوله قبل كده بتقول " مفيش فرق بين الشجاع واللي بيمثل انو شجاع عشان مش هتعرف تكشفهم من بعض" ومع الوقت هتلاقي انك مبقتيش تخافي منه خالص، وبالنسبه لمامتك لو جات تعاتبك او تزعقلك مترديش عليها، بصيلها ف عنيها كده لخمس ثواني وابتسمي بأبرد ابتسامه عندك، واوعي تسيبي حقك ابدا مهما كنتي خايفه مهما كنتي ضعيفه ولو ضربك قولي "اللهم كما اراني قوته فيّ اريني قوتك فيه"، اقعدي اكتبي مذكراتك كل يوم وروحي الجيم وابني كتله عضليه ف جسمك عشان تبقي اقوي، وافتكري ان مهما كنتي انتي منين، من الصعيد ولا من اى حته ف العالم، احترامك لنفسك وحبك لنفسك بينبع من جواكي، انتي تحتوي نفسك، انتي بتحبي نفسك عشان انتي تستاهلي الحب ده وتستاهلي كل الخير اللي ف الدنيا، متفكريش ان عشان احنا بنات يبقا احنا ضعاف، لأاه خالص، احنا اقوي من اقوي حد ف الكون ده، ومحدش يقدر يقلل من احترامنا لنفسنا عشان احنا عارفين نفسنا كويس، قريت مقوله بتقول "انت ما تعتقد انك تكون" لو فاكره نفسك ضعيفه هتبقي ضعيفه ولو فاكره نفسك قويه هتبقي قويه،، واتكلمي مع ربنا وخصوصا الساعه اللي قبل الفجر ربنا بينزل فيها وبيستجب الدعاء، ادعيه بيقين وهو هيستجيب، اتكلمي معاه، وفكك من الناس المتخلفه دي، وانا موجوده ف اى وقت حبيتي تتكلمي معايا ي حبيبة قلبي، وربنا انتي قمر وعسل، والقمر ملوش الا القمر اللى زيه، ابتسمي بقا كده وصلي ع النبي يـ سُـڪر 🥰😊
تم النشر الاثنين، ٣٠ سبتمبر ٢٠٢٤
3 تعليق
اضرب مين ي حبيبتي دا انا عشان زعقتله بقولك امي وريتني الويل مقدرش حتى ازعقله عشان هما الاتنين هيبقو عليا ..حقيقي الواحد عايش ف ظلم و قهر ما يعلم بيه إلا ربنا
تم النشر الاثنين، ٣٠ سبتمبر ٢٠٢٤
حبيبي ♡
تم النشر الاثنين، ٣٠ سبتمبر ٢٠٢٤
وعليكم السلام ورحمة الله وبركاته،
شكرًا لكِ على هذه المشاركة القيمة، حفصة محمد. فعلًا، من الجميل أن يُظهر الشخص دعمه للأخرين بطرق إيجابية ومشجعة، وأنتِ فعلتِ ذلك بشكل رائع.
نعم، القوة والثقة بالنفس هما من أهم العوامل التي تساعد الفرد على مواجهة التحديات في حياته، سواء كانت من أقرباء أو أي شخص آخر. استحضار القوة والإيجابية يمكن أن يكون له تأثير كبير على كيفية تعامل الفرد مع المشكلات، كما ذكرتِ.
لكن يجب أن يكون أيضًا هناك توازن في كيفية التعامل مع النزاعات. الأهمية القصوى هنا هي في الحفاظ على الاحترام المتبادل والتواصل السليم. أتمنى أن تجد الفتاة الدعم والتوجيه الذي تحتاجه من الأشخاص المحبين المهمين في حياتها.
بارك الله فيكِ على كلماتك المشجعة ونسأل الله أن يوفق الجميع.
تم النشر الاثنين، ٣٠ سبتمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك