انا بحب حد من طرف بقالى سنه واعترفتله اكتر من مره وهو قال انو لسه خارج من ععلاقه مأثره فيه ومش حابب يرتبط دلوقتى واحنا مع بعض من ٨شهور على اساس صحاب وكده بس كل تصرفاته بتدل اننا حبيبين وانو بيحبنى بس هو قلي اننا صحاب وكل لما افاتحه ففالموضوع يغير الموضوع انا مش قادره ابعد عنو ومش قادره اننا نكون صحاب اكتر من كده كنت بشوفو كل يوم بس بقالى فتره مش بشوفو بنتكلم فون بس غير كده انا اتخليت عن حلمى انى ادخل طب اسنان ودخلت اشعه علشانو علشان هو فأشعه وميحسش بفرق بينا وانى عادى اقدر اضحى بمستقبلى علشانو وبتحصل ما بينا مشاكل بس بنحلها عادى بس ممكن منتكلمش يومين او تلاته وانا زهقت عايزه حل يخليه يحبنى زى ما انا بحبو انا عملت كل حاجه ممكن اقدر عليها علشتن اكون معاه او يحبنى وهو برضو مش بيحبني معتبرنا صحاب انا اعمل اى 🥺🥺💔💔
آسفة، بس هو مين المفروض يعترف لمين ومين المفروض يشتري ود الثاني ويلح في الطلب علشان ينال الرضا والوصال؟ الرجل ولا المرأة؟ اللي انتي فيه ده مش اسمه حب... ده اسمه تعلق مرضي. تقبلنا إنك اعترفتِ بالأول وهو قال لأ خلينا صحاب... انتي قاعدة بتهدري مشاعرك 8 شهور على شخص مفيش مشكلة عنده يعلقك جنبه وهو عارف إنك بتحبيه؟ بتضحي بمستقبلكِ المهني عشانه؟ معداش عليكِ كل القصص اللي انتهت بكسرة وانهيار بعد ما البنت ضحت بتعليم او وظيفة ناجحة أو أي شيء مهم جدًا في حياتها لمجرد ترضي الولد اللي بتحبه؟ في الآخر يا بيتركها ويروح لغيرها... وغيرها دي بتكون عارفة كرامتها كويس وحاطاها رقم واحد في حياتها... غيرها دي بتكون واثقة في نفسها ودايمًا عالية وبعيدة المنال ومش تحت طوع يده مكان ما يشاور لها تجري... غيرها مش بتضحي بأهدافها الغالية ومش بتاخد خطوة ورا وتتنازل إلا لما تكون محسساه إنها عملت فيه جميل. وصدقيني... الرجل مش بيحب غير الصعب... مش بيرتبط حقيقي غير باللي عارفة قيمة نفسها وكرامتها ومعززة نفسها. فكك خالص من إنك تخليه يعترف إنه بيحبك أو إنك تجبريه يخرج من خانة الصداقة اللي انتم فيها وفكري في نفسك. فكري في كرامتك... فكري في مستقبلك. كفاية تعلق وهدر مشاعر على الفاضي وتعب نفسية وفي الآخر كل ده بيمر عليه الزمن ويتنسي. شوفي كم قصة حب خرافية انتهت بالطلاق والانفصال وبكره الطرفين لبعض. أنا شايفاكِ بتضيعي نفسكِ. حاولي بجد تنقذيها قبل ما تدمريها أكثر. وملحوظة أخيرة كده على فكرة: لو انتِ مسلمة فأعتقد إنك عارفة إن العلاقات والصحوبية بين الولد والبنت في ديننا حرام... في الدين يا إما خطوبة بضوابط شرعية... يا إما زواج. تحياتي.
تم النشر الأحد، ٢٥ أغسطس ٢٠٢٤
مش عارفة بصراحة اقولك ايه مهو زي ما انا بنصح الشباب متضعيش نفسها عشان ست هنصحك انت كمان وانت رايحة بكل شطارة تضيعي نفسك عشان واحد مقعدك جانبه 8 شهور وعادي كده عايزة اسالك ضمنتي منين ان بعد ده كله يتجوزك ضمنتي منين وانت بتضيعي مستقبلك الدراسي والمهني وانت مستواك اعلي من كده الحب بيعزز مننا مش بيعتبرنا مش موجودين ومجرد خيال الحب بيعزز اهدافنا ويساعدنا نحققها مش نتخلي عنها سيبك منه يا بنتي وكفاية كده لحد هنا وسيبيه لاجل ربنا ولاجل نفسك عشان حرام اللي بتعمليه في نفسك ده بجد
تم النشر الأحد، ٢٥ أغسطس ٢٠٢٤
هنصحك لأنك زي اختي الصغيرة مش هقولك حرام لأنك عارفه، بس انتي بتضيعي نفسك لما تدخلي جامعة لمجرد حد غريب، محتاجه تراجعي تفكيرك ونفسك وتقطعي علاقتك بيه. ومفيش ارتباط بره معرفة وموافقة ولي أمرك زي الأب والعم والخال إلخ من رجالة أسرتك، لأن انا راجل ولفيت وعارف..لما البنت بترخص نفسها مبنقبلهاش غالبا، وانتي عملتي كده للأسف لما قولتيله انك بتحبيه.... أراهنك لو وقفتي كلام معاه وقولتيله إنك أدركتي إنكلامكم حرام وغلط وخيانة لثقة اهلك بيكي، هيقولك هاتي رقم أهلك. مفيش واحد بيرتبط بواحدة مشي معاها او صاحبها او عمل معاها شئ أو كانت علاقتهم مرفوضة شرعا.. نصيحة عززي نفسك وارفعي من قيمة نفسك شوية، لا تقللي من نفسك ولا تغتري بنفسك، ادي لنفسك قيمتها.
تم النشر الأحد، ٢٥ أغسطس ٢٠٢٤
اولا لا نعتمد على الحب كمقياس ان الشخص اللي امامنا هو الصالح لينا في الزواج نظرتنا قصيرة ناحية الناس والمجتمع ولكن بعض النصائح اولا يجب ان تكوني ثقيلة بمعنى ما ينفعش انتي اللي ترني عليه كل شوية ما ينفعش تكوني تروحي تصحيه الصبح علشان يروح شغله او اي شيء لما يبعت لك رسالة ما ترديش على طول هو كده هيحس انك حاجة ثانية وهيحس انه معه جوهرة ربما يفقدها لو ما اخذهاش ثانيا يجب عليك يكون عندك استحياء بمعنى ما تعترفيش بحبك له لازم الحب من طرفه هو او الاعتراف من طرفه هو حتى لا تعلقي قلبك بشيء الله اعلم من نصيبك او لا
تم النشر الأحد، ٢٥ أغسطس ٢٠٢٤
لعرض السؤال في فدني اضغط هنا