مشكلتى ان انا طيبه جدا طيبه بعبط كدا اللى هو بصدق اى حد بسرعه بثق بالناس علطول ولو حد زعلنى ممكن اروح اصلحو عشان ميكونش زعلان منى خالص لان مش بحب حد خالص يكون زعلان منى نهائى بتجنن كدا بجد لنا الاقى حد زعلان منى وف البيت لغين شخصيتى خالص اللى هو ملكيش رايي تقولى حاجه خالص ف الخروج بردو مش بيخلونى اخرج لوحدى لكن اختى اللى اصغر منى ممكن تخرج لوحديها وعادى لكن انا لا يقوليلى انتى لو خرجتى مش هتعرفى تتصرفى خالص طب وانتو اش عرفكم سبونى اخرج وشوفو هما لا ف عشان انا طيبه بسكوت وم برضا اتكلم وبكتم ف قلبي حوار الموبايل جابو لا اختى وانا لا يوم ماجبلها قالى انا هجبلك ان شاءلله دهب ومش عارفه اى هو اى ده ف اروح ساكته ومتكلمش قولتلهم انا عايزاه تلفون يقولى ماشي بس م دلوقتي اتفقت مع بابا ان يجبلى قبل ماتخطب عشان متستنوش اتخطب وخطيبى يجبلى قالى حاضر وكدا فضلت ساكته ومستنيه يجبلى زى ماقالى فاجاه اتخطب وخطيبى يستاذن من بابا ويقولو انه هيجبلى تلفون بابا يقوله ماشي معن انت عارف اللى فيها ومتفقين علي اى ويجبلى واسكت واكتم ف قلبي بردو بيتكلمو ع الفاتحه انا نفسي يقولو لا مش مهم ممكن نخليها مع الفرح وكدا ف اسكت واكتم ف قلبي انا بجد م عارفه اعمل اى عايزاه اتكلم بس خايفه لا يزعلو مش عارفه بجد اعمل اى لو سمحتو بجد قولولى اعمل اى عشان انا تعبت بجد
هو واضح انك على نياتك وفطرتك الطفوليه خالص اهلك اكيد شايفين ده وخوفا عليكى سايبينك زى ما انتى من غير ما يدولك مساحة ان شخصيتك تتطور اصلا انتى دلوقتى فى مرحلة وعى وسن كافى انك تشتغلى على تطوير شخصيتك لوحدك ومتنتظريش ان اهلك هما اللى يقوموا بالدور ده اولا الاطفال بس اللى بيصدقوا اى حاجة لان دى الفطرة الطبيعية ...متخلقناش نعرف الكدب ولا ان فى حاجات ممكن تكون مزيفه....لكن انتى كبرتى ومحتاجة تدربى نفسك انك تشوفى انتى حاسه بايه فى الموقف وتقولى بلسانك وبافعالك اللى انتى حاساه ..بالتدريج هيبدأ اللى حواليكى يفهموا انتى شخصيتك ايه ويحترموا ده وردود افعالهم تكون زى ما انتى عاوزه . كمان محتاجة تكونى عندك اصرار على مواقفك ومش سكوت الرضا جميل ...بس لو راضيه مش هتزعلى ان الحاجة محصلتش زى ما انتى عاوزه ولا تكتمى فى قلبك. الطيبة مش معناها انى اكون شايفه ان اللى قدامى اهم منى ...اه طبعا راضى اللى زعلان ..بس لو هو اللى غلطان فخلى مجهودك ده لنفسك انتى اولى .
تم النشر الاثنين، ٤ مارس ٢٠٢٤
الطيبة صفة حلوة متغيرهاش علشان حد وبخصوص مامتك بتفرق بينك وبين اخواتك كلميها ف الموضوع دا مش عيب بصي اقولك حاجة كمان طول م انتي مش غطانة متعتذريش لحد لي حد يزعل منك تروحي تصالحية علي طول لو انتي الغلطانة تمام غير كدا لا ف ناس بتستغل الشخص الطيب دلوقتي وبخصوص اهلك لاغين شخصيتك اللي هو ازاي من أبسط حقوننا ك بني ادمين اننا نقول رأينا قول رأيك وافرضي وجودك ومتخليش حد ياخد رأيك نيابة عنك وانزلي وتعالي لوحدك عادي م انتي لو منزلتيش واحتكيتي بالناس مش هتعرفي حاجة ثم اختك الأصغر بتخرج انتي لي لا ازاي مش هتعرفي تتصرف وانتي أكبر منها م هو مش علشان طيبة مثلا مش هتخرجي حتي اقترحي عليهم تخرجي مع اختك الأصغر ومرة ورا مرة اطلعي لوحدك لكن متسكتيش كدا حتي لو دول أهلك
تم النشر الثلاثاء، ٥ مارس ٢٠٢٤
والله الطيبة دي حاجة جميلة جداً متضايقيش منها بس حاولي ماتجيش على نفسك اوي وحاولي تتكلمي معاهم بهدوء
تم النشر الثلاثاء، ٥ مارس ٢٠٢٤
حبيبتى إذا متكلمتيش دلوقتى هتتكلمى لما اتجوزى؟ ..صدقنى حتى بعد متتجوزى هيتاكل حقك برضو حتى لو كان الشخص ده محترم جدا ....ليه؟....لانك مش بتعرف تعبرى عن نفسك .....اولا حطى حدود لطيبتك ده ...مفيش حاجه اسمها الطيبه حلوه ...بصى علشان تعرفى تتعامل مع اللى حواليك لازم تحط حدود وكمان تعبرى عن نفسك ......معلش يعنى اعذرنى إذا كنتى مفكره أنو اللى بتعمليه ينصف تحت رضا الوالدين ...اه فعلا هو يصنف بس مؤذى ليكى وانتى عمرك مهتكونى مبسوطه ...لكن إذا وجهتيهم بكل ادب وانكسار وقولتلو يبابا هو احنا مش متفقين على كذا ويماما انا بعرف اعمل كذا وكذا ومش زى مانتو مفكرين ....واحده واحده ابدئى اظهريلهم الشخص اللى انتى خفياه ....واعملى ده قبل متتجوزى بأى طريقه علشان تضمنى نفسك بعد متتجوزى ...بالمعنى المختصر غيرى من نفسك قوليلى من طيبتك
تم النشر الاثنين، ٤ مارس ٢٠٢٤
اول حاجه الطيبه دي حاجه كويسه جدا
تم النشر الأحد، ٣ مارس ٢٠٢٤
شكرا بجد ليكو على الكلام ده وانكم ادتنونى ثقه ف نفسي وشجعتونى بجد من غيركم مكنتش عارفه اعمل ايه كنت هفضل ساكته واكتم فى قلبي زى كل مره شكرا بجد شكرا❤❤❤
تم النشر الثلاثاء، ٥ مارس ٢٠٢٤
انا كنت طيب جدا لغيت لما حصل موقف وحش خلاني مبقتش شخص طيب او حطيت حدود لطبتي انصحك نصيحه حبي نفسك متحبيش حد اكتر من نفسك
تم النشر الأحد، ٣ مارس ٢٠٢٤
اكتب هذه الرساله وانا حزين عليكي لان الطيبه هي نعمه من الله ولكن البشر هم من حولها اللي ضعف شخصيه ولكن اقولك حاولي ان تكوني انسانه لديكي حدود مع كل الاشخاص لا تحاولي ان تكوني مثل الكتاب المفتوح الذي يقرأ في اي وقت .يجب ان تعرفي قيمة الناس علي حسب ما يقدمونه لك وليس مع انتي تقدميه .. واعلمي انك انسانه عظيمه لان بعض المجوهرات تكون اجمل عندما تكون في مكان مخفي عن الناس افضل من ينظر لها بعض الناس 🌿 مع خالص تحياتي رسالة طبيب الهواء د.هاني سليم.
تم النشر الثلاثاء، ٥ مارس ٢٠٢٤
ده اختبار من ربنا ربنا بقول الي الملائكه احببت عبدي وي من شدت اني أحببته ابتليته لكي يعيد صوتك الي اسما بي قرائه القران وي الدعاء وي الصلاه فيفرج الله عنك. بقول في القران أن بعد العسر يسر 🩵
تم النشر الثلاثاء، ٥ مارس ٢٠٢٤
صدقيني اذاي الناس ملهوش خل في اذاي هتخافي تقوليلهم عليه متديش حد فرصه انو يئذيكي
تم النشر الثلاثاء، ٥ مارس ٢٠٢٤
اتكلمي في اي وقت وفي اي مكان ميهمكيش حد ولا رأي حد ولا زعل حد طالما من جواكي عارفة انك بتعملي الصح وانك بتخافي ربنا في اي حاجة تعمليها متلتفتيش لاي رأي حد تاني الا اللي بتثقي فيه وفي كلامه واللي هيشجعك تكوني احسن دايما متسمحيش لحد يكون سبب في دمعة واحدة من عينيكي ايا كان هو مين اللي بيحبك بجد مش هيسمح للدمعة دي تنزل
تم النشر الثلاثاء، ٥ مارس ٢٠٢٤
انتي كويسة زي ماانتي متسمحيش لحد يقلل منك او يحسسك انك فيكي حاجة غلط طيبتك دي بالعكس حاجة جميلة جدا وخاجة نادرة في الزمن ده حافظي ع نقاء قلبك ع قد متقدري ومتخليش اي حاجة تأثر فيكي ايا كانت هي ايه
تم النشر الثلاثاء، ٥ مارس ٢٠٢٤
حاولي تبقي هادية وتوضحي وجهة نظرك بهدوء
تم النشر الثلاثاء، ٥ مارس ٢٠٢٤
والله انا بسمع كلامهم مهما عملو فيا ومهما شايفه قدامى هما بيعملو ايه ومعملتهم عامله ازى بسكوت ولا بتكلم ولا ابين انى زعلانه خالص عشان محدش يلاحظ حاجه وانا ببقي بموت من جويا واجى اخر الليل اعد اعيط
تم النشر الثلاثاء، ٥ مارس ٢٠٢٤
نما صحابك دول انا كنت كده لما لقيت نفسي لوحدي ف خت قرار اني احب نفسي نفسي ثما نفثي تمام دول بشر زيك ونتي عندك شخصيه مصتقله لازم هما يعملو حساب زي منتي بتعملي حساب ليهم خافي علي نفسك زي منتي بتخافي علي زعلهم منك وي ربنا معكي
تم النشر الاثنين، ٤ مارس ٢٠٢٤
كلنا عشان الموضوع ده تمام بس حولي مش عنتي تبيني الموضع ده قولي رايك سعدي مع الي في البيت اعمل الحاجه الي هيا مفروض تتعمل من غير محد يقول سعدي اختك غيري من اسلوبك ده م وي هيجيب معكي نتيجه مره في مره.
تم النشر الاثنين، ٤ مارس ٢٠٢٤
بصي انا حاسه بيكي لان انا فيا من شخصيتك و لما خرجت لي الدنيا اتاذيت بجد فا احسن حاجه انك تسمعي كلام اهلك عشان خايفين عليكي هما احن عليكي من الناس اللي بره مش بيرحمو الطيب بيكلو
تم النشر الاثنين، ٤ مارس ٢٠٢٤
لاء انتى كده مشكلتك كبيره ....مش مجرد كام كلمه ممكن تساعدك ...بس بصى خديها واحده واحده يعنى مش لازم مره واحده تقوليها أنا مش عاجبني ولا كذا ...لاء شوف. لما ماتك تجى تزعفلك سيبيها تعمل اللى هيا عاوزه بس لما تكون رايقه تقوليها يماما انتى ليه عملت كده طيب انا غلط فى حاجه وخدى معاها وجيبى لحد متسبتيلها نفسك مره بعد مره ....واه فعلا ماماتك ممكن متعرفش تبطل عادة أنها تزعق فيكى بس على الاقل وهيا بتزعق هتفكر فهتهدى عليكى واحده واحده وإذا كانت لقدر الله مش هتفكر فيكى حتى وهيا بتعمل اللى بتعمله فخديه كأجر رضا والدين وسبيه لربنا وصدقنى عمرك مهتخسرى لانك بتختارى الصح رغم انو طريق صعب
تم النشر الاثنين، ٤ مارس ٢٠٢٤
دائما الطيب بيكون حقه قليل في الدنيا طبيعي ولكن مامتك فهمه انك طيبه بتتعامل وهي فهمه انك ولا هتردي ولا هتزعلي هبله يعني عشان كدا متختش بالها ولكن الصح لما تقولك قومي اعمل تقوليها اقسمي انا اعمل ايه واختي ايه عشان تعبانه وطريقه توصل انك فعلا تعبانه أما الاب من الواضح أن انتي نفسك حنينه عليه اكتر حد في البيت ودايما الاب بيشوف الحنيه والطيبه ويقرب منها حتي لو كان سايفها من اخوكي ومن اختك كان هيكون دي حنينه
تم النشر الأحد، ٣ مارس ٢٠٢٤
خايفين عليا اه بس يعملونى ع الاقل زى اخواتى يعنى مثلا امى بتفرق جدا مابينا يعنى عندها اخويا واحتى عندها حاجه تانى بجد عمرها ماحسستنى بحنيه الام خالص يعنى مع اختى خالص بتكلمه بطريقه تانيه وانها متقدرش خالص ع زعالها لكن انا عادى لما اكون تعبانه عمرها ماتيجى تشوفنى مالى او اقولها بردانه غطينى مترداش لكن بابا بجد لما اكون تعبانه هو اللى بيبقي جامبى علطول تعد تقول ان انا مش بحبها وبحب بابا اكتر منها ماهو طبيعى لان انتى مبتشوفيش نفسك انتى بتعملى معايا اي وهو بيعمل اى ودايما تحسسنى انى خدامه ف البيت قومى اعملى وكذا ماهو طبيعى اعمل بس اعمل وانتى بتكلمنى بطريقه كويسه مش تعدى تشتمنى وتزعقى ومع اختى حاجه تانيه
تم النشر الأحد، ٣ مارس ٢٠٢٤
اتكلمي متخافيش من حد ولا على حد خافي على نفسك وبس
تم النشر الأحد، ٣ مارس ٢٠٢٤
تاني حاجه مامتك او بابكي خايفين عليكي بس
تم النشر الأحد، ٣ مارس ٢٠٢٤
ده خوف منهم عليكي بس مش اكتر وي حولي تكوني مهم وتسعديهم قبل متتجوزي ربنا معكي
تم النشر الاثنين، ٤ مارس ٢٠٢٤
فعلا والله زى مابتقولى بس ع الاقل يسبونى يسبونى اجرب يسبونى لما اغلط واجى اقولهم ويعرفونى اعمل ايه ساعتها يسبونى اخرج اعرف اتصرف اعرف اروح واعرف اجى واعرف الدنيا لكن مايفضلوش كدا حبسين حريتى وانا ع وش جواز يعنى داخله دنيا تانيه دنيا كلها مسئوليه المفروض يعرفونى ويفهمونى مش مفكرنى لسه صغيره طب لما انتو فاكرينى لسه صغيره ليه هتجوزنى ليه لما قولتلكم انا عايزه شويه وقت مش هتجوز دلوقتي قولتلى انتى كبيرتى انتى عندك 21سنه طب عملونى على سنى بقا عملونى على انى خلاص كبرت وشويه وهتجوز وهبقي ام هبقي ام ازى وانتو عملين معايا كدا هعرف اتعامل مع اطفالى ازى ف مشاكل جوزى هتعامل معاه ازى ف المصاريف ف كل حاجه
تم النشر الاثنين، ٤ مارس ٢٠٢٤
وحوار التلفون ممكن تقولى رايك ف الموضوع
تم النشر الأحد، ٣ مارس ٢٠٢٤
وبعدين حضرتك بتقول خايفين عليا ولغيين شخصيتى زى ماقولت اللى هو بيتحكمو ف حياتك طيب يعملو كدا مع اختى مش ليا انا لوحدى يبقي فى عدل مبينا مش انا حاجه وهى حاجه تانيه خالص
تم النشر الأحد، ٣ مارس ٢٠٢٤
مش بقول اشمعنا عشان انا شخصيا بكره الكلامه دى بجد معرفش اعمل اي ومش عارفه افتح الموضوع ازى
تم النشر الأحد، ٣ مارس ٢٠٢٤
متخفش وتتكلمي تعرفيهم بالي جواكي بس متقوليش اشمعنا اختي او اخويا
تم النشر الأحد، ٣ مارس ٢٠٢٤
مش بعرف والله بخاف وان اتكلمت ممكن يزعقولى وممكن تقول كلام تعصبنى ف بابا ممكن يضربنى
تم النشر الأحد، ٣ مارس ٢٠٢٤
لعرض السؤال في فدني اضغط هنا