انا عندي مشكله نفسيه مش عارف اتخطاها وهي اني للاسف كنت بحب واحده وفضلنا مرتبطين حوالي سنتين ولما قرب موعد الخطوبة كانت امها قربت مني جدا لدرجة انها شدتني لعلاقه كامله معاها و انا ك شاب مقدرتش اتحكم في نفسي و ابعدها عني لأنها من بعد اول مره وبقت هي الي دايما تهيئلي كل الظروف المناسبة عشان تفضل تعمل معايا علاقه وكانت اوقات بنعمل كدا مرتين في اليوم حوالي 3 مرات ف الاسبوع لحد ما قرفت من نفسي ولما قررت اوقف العلاقه دي خطبت بنتها لواحد غريب والغريب ان بنتها وافقت وكانت مبسوطه كمان بالخطوبه ومعرفش هي قالتلها اي عشان تقنعها مع العلم ان امها مش كبيره في السن وجوزها كذلك وعايش وصحيا كويس وكنت كل ما اسألها ليه بتعملي معايا انا كدا بالذات مع ان جوزك موجود تقولي عشان انا حبيتك وارتاحتلك وبحس براحه وحريه معاك
حاليا الكلام مقطوع ما بينا وانا مش بستغفر ربنا وتوبت ومبسيبش ولا فرض لكن للأسف بتعذب من جوايا لاني مش عارف انساها ولا انسي الي بينا و نفسي ارجعلها تاني مع انها حاولت بأكتر من طريقه انها ترجعلي وتكلمني وانا بصدها وخايف اضعف في يوم وارجعلها
مينفعش بكل طرق انك ترجعلها لانك هتكرر نفس اللي عملته زي ما ضعفت مرة هتضعف تاني ركز في توبتك وابعد عن اي وسيلة تخليك تكلمها او ترجعلها واشغل كل وقتك وهتعرف تنسي
تم النشر السبت، ٢٩ يوليو ٢٠٢٣
النار بتشد اى حاجة حواليها ....النار ع طول جعانة ومبتشبعش. دى نار الغلط ...بتشد كده وهتفضل تحاول تشدك وتفتكر وتحن . الشيطان مش عاوزك تتوب وعاوزك تفضل مسحوب ومتمرمغ فى الطين ....متسمعش كلامه بعد ما طلعت نفسك ونضفت . اقطع كل الوسائل وامحى اى اثر ليها ولو عدت جنبك ف الشارع كأنك متعرفهاش اصلا. اللى حصل ده مش قليل واحمد ربنا انك بعدت عن العيلة دى كلها.
تم النشر الثلاثاء، ١ أغسطس ٢٠٢٣
استغفر ربنا ديما وطالما توبت يبقى باذن الله ربنا هيتقبل ده منك .. ولكن مترجعش لها ابدا .. لما سالتها هي بتعمل كده ليه معاك : قالت لك: (ارتاحت ليك، بتحس بالحرية وهكذا) ده مش يبين ليك حاجه، انها اساسا ممكن تعمل ده مع اي حد اصلا! وده مش يبين ليك حاجه كمان، ان ممكن جدا يكون فيه مشاكل وهي مش معرفاك بينها وبين جوزها .. واحتمال تاني لأ وهتبقى نفسه الكارثة برضه .. هي مش بتحبك، الشئ اللي ما بينكم بالنسبة لها هي فقط (العلاقة) فقط لا غير .. وهي مش عايزة غير كده. فحاول تفهم ده كويس اوي .. وتحط نفسك كمان مكان زوجها، هل تتمنى في يوم من الايام تبقى نفس الزوج المخدوع ده؟ تتمنى ده يحصل فيك، سواء من زوجتك مستقبلا، او حتى من بنتك بعدين ممكن تعمل كده مع زوجها! فكر كويس جدا في اي حاجه بتعملها، فكر في ربنا وفكر كمان تضع نفسك في مكانهم.
تم النشر الأحد، ٣٠ يوليو ٢٠٢٣
ممكن تكون بتحن لبعض المشاعر بس المؤكد انك عايز تعرف السبب انها تبعد فجأه أو تتخطب لشخص تاني غيرك ، يمكن لما تعرف السبب وأنها هي اللي باعتك بدون سبب يمكن حبها يمشي من قلبك أو علي الاقل يقل ، اعرف انها اختارت شخص تاني عليك يعني شخص يكمل معاها حياتها وهي سعيده حاليا معاه وانت اللي بتتعذب تعتبر ضيعت من عمرك سنتين هباءا لانك بدأت الارتباط أو الحب بطريقه غلط ، وأولها انك ارتبطت بطريقه غير شرعيه بيها ، ربنا معانا عن ده لانه شايف أنه خير لينا مش عايز يعلق قلبنا بحاجه ممكن تجرحنا ، ربنا عارف وادرس بقلوبنا مننا عارف ان الانسان ضعيف علشان كده بعدنا عن الطريق ده خالص وبجد مدام انت كشخص توبت الي ربنا ولي امورك ليه وخليك انت من جواك عايز تنسي الفتره دي من حياتك وادعي وانت ساجد وعيط وطلع كل الطاقه السلبيه اللي جواك وانت بتحكي لربنا وعن انك فعلا توبت وندمان فعلا علي غلطك ، ابدأ صفحه جديده من حياتك من النهارده لا من الثانيه دي ، ابدأ تركز في حياتك انت اشغل يومك اتعرف علي صحاب جداد ، صحاب متدينين من اللي انتوا بتقعدوا ارحموا عليهم وتقوللهم " الشيخ كذا جه اهوه يا جماعه" اتعرف علي أشخاص يشدوك للخير ويبعدوك عن الشر مش العكس ، اخلص في عبادتك لربنا وبينبه انك توبت فعلا واتغيرت وعايز تبقي احسن ، أتعلم عن دينك واقرأ قرٱن يمكن لعل ايه من القرٱن تحدث وقعها في قلبك ف تثبتك علي اللي انت فيه وتبعدك اكتر عن اي طريق آخر ممكن تسلكه أو حتي تفكر فيه ، وربنا مش هينساك ابدأ هيبعتلك الشخص المناسب ليك ، اللي انت تستاهل بعد م اتغيرت وربنا شاف تغييرك ده فعلا ، هيبعتلك الشخص اللي يحثك فعلا علي الصبر وعباده ربنا و يقربك من ربنا اكتر ويبعدك عن اي معصيه ربنا سبحانه وتعالي قال في كتابه الكريم " أن الله مع الصابرين " فاصبر لعل الله يؤخر عنك ما تريده الان خيرا لك ، وثق في ربنا أنه مش هيسيبك لو انت مش عايز تسيب طريقه ، ثق في ربنا أنه ممكن يقلب حياتك ويبعدك عن ده كله ويغيرك 180 درجه ، ثق في ربنا.
تم النشر السبت، ٢٩ يوليو ٢٠٢٣
لمين نفسك ترجع للبنت ولا للأم ؟
تم النشر السبت، ٢٩ يوليو ٢٠٢٣
.
تم النشر السبت، ٢٩ يوليو ٢٠٢٣
للام
تم النشر السبت، ٢٩ يوليو ٢٠٢٣
لعرض السؤال في فدني اضغط هنا