أنا من فترة حوالي ٣ سنين كنت بتعب وأفقد الوعي بلا سابق إنذار فضلت فترة كده واتحجز وأعمل كل الفحوصات وتكون تمام وكذا حد من الدكاترة قالوا دي نفسية ، لحد ما الإغماءات بقا يصاحبها تشنجات وساعتها كشفت تانى وعملت فحص جديد واكتشفت إني عندي بؤرة صرعية في المخ هي اللى بتسبب لي الإغماءات والتشنجات دي ، اتشخصت تشخيص نهائي بمرض الصرع وأنا عندي ٢١ سنة.
من وقتها وحاسة بإحساس غريب ، حاسة إنى أقل ، أو غريبة ، مع إنى شاطرة في مجالي وشغلي ، واجتماعياً بردو كويسة ، بس من وقت ما اكتشفت تعبي دا وأنا في عزلة وبقيت أفضل أبقي لوحدي
حتي فكرة الارتباط أو الجواز عموما شيلتها من دماغي وبقيت برفض أي حد ممكن يتقدملي بلا أي مبرر يمكن علشان مش عندي الجرأة أصارح أي حد ممكن يجيلي باللي عندي
حاسة إنى مش متقبلة المرض ( رغم إنى ملتزمة دينيا الحمد لله وراضية بقضاء ربنا وبحمد ربنا دايما إنى حتى لو فيه حاجة مبتلية بيها فأنا الحمد لله أحسن من غيري بكتير ، بس لسة حاسة إن عقلي اللاواعي مش قادر يتقبل )
للعلم أنا في الميديكال فيلد وعارفة المرض وازاي اتعامل معاه ولما اتشخصت بيه قرأت عنه أكتر ويكاد اكون عرفت عنه كل حاجة ومع ذلك لسة مش عارفة أتعامل معاه . متشخصة بقالي سنة أهو وبدأت العلاج ، وكل ما بحس إنى خلاص تجاوزت نقطة الضعف دي فلما بتعب وال attack. بتجيلي بحس إنى برجع بعدها لنقطة الصفر ..
يمكن طولت بس محتاجة حد يكون مر بتجربة مشابهة ويحكيلي أو على الأقل يدعمنى ..
السلام عليكم ورحمة الله وبركاته اتمنى تكوني بخير ومستقره بدنيًا ونفسيًا انا زميلتك 22 سنه اعاني مما فيه انتِ وهذا اختبار من ربنا ليعرف قوة المسلم وإيمانه بالضراء قبل السراء ف الخمدلله دائمًا وأبدًا وم هكلمك ف الجزئيه دي لأن م طريقة كلامك قد اي انتِ سنرونج ومتقبله وضعك واختبارك اللي بإذن الله هتجتازيه وده باختلاف الاختبارات المرسله لكل مؤمن تقى " ان الله اذا أحبّ عبدًا ابتلاه " رفع الله عني وعنك وايّدنا بقوة مسام لا يكِل ولا يمِل فاهمه يعني اي تشنج وهجمه كويس ومريت بيهم على مدار سنه كامله قبل م استقر صحيًا وحالًا انا بقالي تلات سنين الحمدلله ربنا عفا عني الهجمات كل اللي عليكِ هو الصبر انا ف طب بيطري وفاهمه نفس كلامك الصبر وعيشي حياتك، انتِ لسه صغيره جواز اي انطلقي انجحي ف شغلك ع ياخد وانتِ معاكِ كياان ميقدرش يطلب منك تسيبيه بعدين! الميديكال ريب يفضل يترقى يترقى لحد م يدخل ل قلب الشركه نفسها اسعي ف شغلك وربنا معاكِ ومتحطيش ف دماغك افكار سلبيه عيشي اليوم بيومه النهارده متدايقه بكرا تروقي والحمد لله على زِحام نعمه قسمها بالعدل بين البشر متشوفيش نفسك تعبانه وغيرك سليم لأ ممكن يكون معاناته م جِهة أخري انتِ م شايفاها زي ما قولتلك اتبسطي وانجحي وادرسي حضري دراسات عليا ف اي حاجه انتِ interested ليها وكل حاجه ف وقتها حلو اللي عندك مش معضله عشان متتجوزيش، ده مش حوار يعني بس ده جزء من روقك ربنا هيبعتهولك وييسره ليكِ وترضي عنه وتتقبلي الاتجاه ليه ف وقته المُقدّر ليكِ ربنا معاكِ ودايمًا ف نجاح بالتوفييييق متنسيش كلامي كان نفسي حد يقولهولي بس اتس اوكيه #عيشي❤️❤️👌
تم النشر الأحد، ٨ ديسمبر ٢٠٢٤
عزيزتي شكرا لمشاركتك مشكلتك واتمني لك الشفاء العاجل عندما نمر بصدمة ما او مشكلة ما تجعلنا نمر بمراحل متعددة للحزن او للصدمة فالمرحلة الاولي هي الانكار ان ننكر الحدث الذي تعرضنا له او المرض الذي اصبنا به ونشعر بالتشوش والتوتر والانطواء وهذا ليس متعارضا مع الايمان بالطبع تاتي المرحلة التالية وهي الغضب تجعلنا نشعر بالاحباط والقلق وسرعة الانفعال وفي تلك المرحلتين نحتاج لمن يسمعنا ويطمننا ويتفهمنا ويحتوي غضبنا بعدها نمر بالمساومة ليه انا اشمعني انا دونا عن الاخرين وايه المعني من وراء اللي حصل لي تاتي بعدها مرحلة الاكتئاب وهنا الاكتئاب ليس مرضا بل نتيجة الصدمة شعور باعجز والعدوانية والانسحاب وفي تلك المرحلتين نكون بحاجة للدعم العاطفي ممن حولنا يتقبلنا ويكون بجانبنا وتاتي المرحلة الاخيرة وهي التقبل وفيها نبدا البحث عن خيارات ووضع خطة شخصية للمضي في طريقنا وفي تلك المرحلة نكون بحاجة للدعم والارشاد من متخصصين فافهمي نفسك وباي مرحلة تمرين واحيانا نصل لمرحلة ما ثم نعود للبداية ففهمك لنفسك وللمرحلة التي تمرين بها سيساعدك علي فهم مشاعرك واحتياجاتك وان الامر بالنهاية هو ابتلاء تستطيعين التعامل والتعايش معه وبنا حياة جيدة فهدأي من روعك وامضي في طموحاتك وعيشي حياتك بالشكل الذي يرضيك من دون اصدار احكام علي نفسك فكل منا مبتلي بشكل او اخر ولديه الشعور بالنفقيصة نحن بشر بالنهاية والكمال لله وحده
تم النشر الأحد، ٨ ديسمبر ٢٠٢٤
السلام عليكم ورحمه الله وبركاته اولا الف مليون سلامه عليك من الحاجات المهمه اللي لازم تاخذي بالك منها انه ربنا اداكي نعمه عظيمه قوي وهي نعمه تجربه الفرد. الحمد لله اللي رزق العافيه لسنين من عمرك وبعدها بدات تجربي حاجه مختلفه الا وهي انه احنا ما نكونش عايشين في عفاه ويكون عندنا جزء ناقص. وهنا ده بيبقى حاجه حلوه هتستغربي حاجه حلوه حاجه حلوه علشان بتبدئي تفهمي المعنى الحقيقي من الحياه. المعنى الحقيقي من عطاءات ربنا العطاء الجميل مش دائما هيكون في ان يكون عندنا كل شيء وان كل حاجه تكون عندنا مضبوطه ومش ناقصها اي حاجه ومش ناقصها اي حته علشان نبدا نستوعب المعنى الحقيقي لجمال الاشياء في اشياء اصلا جمالها في انه يكون ناقصها حته ليه علشان بنشوف فيها حته مش هنشوفها في الحاجات الكامله هنشوف ازاي الحاجه دي جميله رغم ان هي ناقصها شيء ازاي قدرت تظهر جمالها رغم النقصان ازاي هنا النقصان بقى؟ جميل من الشيء بيعيد من اكثر الامثله اللي بيعملوها الصينيين واليابانيين ان لما بيتكسر طبق ما بيترميش الطبق ده بيتاخد وبيتم ترميمه ولكن بالذهب يعني بيتلزق الجزء المكسور لكن ما بيتلزقش كده وخلاص لا ده يتلزق ده ذهب فا بيبان الطبق بعد ما يكتمل ويترموا بانه بيكون تقريبا او مش تقريبا هو فعلا بيبقى احلى بيبقى احلى من الاول. رغم ان هو اتكسر مره الا انه لما رجع واستجمع اجزاء مره ثانيه تضاف له شيء جديد ما كانش موجود الشيء الجديد ده هو نتاج التعلم من الكسر نتائج التعلم من فقدان جزء واعاده تركيبه مره تانيه مش اي حد بيعرف يعمل كده على فكره في حاجات لما بتتكسر اجزائها بتتبعتر بعيد عن بعض قوي وما بترجعش تتجمع تاني لكن الحمد لله ان احنا قصدنا شيء ونقدر ان احنا نستجمع نفسنا مره تانيه ونستجمع نفسنا مره ثانيه ازاي تفتكري انا لو بقيت زعلانه من الجزء اللي وقع واتكسره وم بعيد ده. نيجي بقى للحل الحل هنا فين الحل في انه ايوه انا ممكن اكون راضيه بقضاء ربنا وكل شيء لكن انا ما عنديش تقبل اصبحت غير متقبله للوضع الحالي انا كنت متقبله نفسي الاول وشايفه انه انا كده ناجحه انا كده جميله انا كده كويسه ولكن اول ما بدا يظهر فيا شيء هو هيكون واحد من العيوب اللي انا محتاجه اكون بتكلم عنها عادي لازم اكون متقبله اصلا مستحيل اقول لك تتكلمي عن شيء وانت مش متقبلاه انت شايفه انه لا انا محتاجه ده يختفي من الحياه هو ده عدم التقبل طالما انا لسه هي حاجه موجوده خلاص وواقع موجود انا بقول لا انا عايزاها تبقى مش موجوده طول ما انا بقول لنفسي انا عايزاها تبقى مش موجوده وهي حاجه خلاص يعني خصوصا زي الامراض كده حتى لو في احتماليه ان احنا نشفى من المرض ونتخلص منه ولكن لسه مش في وقت قريب ده بيخلي الحياه اصعب بكتير ده هيخلينا طول الوقت هنبقى زي اللي واقف في مكانه ما بيتحركش طيب انت مش محتاجه كده ما محتاجين مع تقبلنا لقضاء الله وقدره واحنا راضيين انه ده شيء ربنا قدره علينا نتقبله نتقبله يعني ايه يعني خلاص نبقى شايفين انه ده جزء مننا واحنا. مش هنقدر حتى لو رفضناه ان احنا نلغي وجوده فبما اننا مش هنقدر نلغي وجودك احنا محتاجين نتقبله ونحتضنه ايه ده يعني ايه يعني انا احب الوضع اللي انا فيه هو الحقيقه اه مدى التقبل بيبان من مدى حبك لنفسك رغم وجود جزء او شيء انت ما بتحبيهوش ليه بقى لانه انا دلوقتي انت ممكن تكوني مش بتحبي العسل ما تحبيش تاكلي العسل كده لوحده لكن لو قلت لك ايه رايك اعمل لك كوبايه يانسون واحط لك عليها عسل والعسل ده هيدي لك تحليه وهيخلي طعم اليانسون احلى وانت بعد ما تشربي تلاقي فعلا الله العسل ده طعم حلو واحلى كمان من السكر وده كمان فايده بكوبايه اليانسون هنا انا عملت ايه انا رجل وجود الشيء اللي انا مش بتقبله لوحده لكن تقبلته وهو جوه الحاجه اللي انا بحبها. انا عندي مميزات وعندي نعم كتير جدا ربنا انعم عليا بيها واقدر اعد من هنا لحد يوم القيامه مش مش هلحق اخلص النعم اللي ربنا انعمها عليا لما يكون في وسطيها كده موجود ودايب فيها حاجات ما بحبهاش يبقى ما فيش مشكله يلا بينا نشربها ونستفيد من اللي فيها. وكده الامور تبقى احسن ونقدر نتحرك في الحياه.
تم النشر الأحد، ٨ ديسمبر ٢٠٢٤
قال رسول الله صلى الله عليه وسلم. تداوا عباد الله فأن الله قد خلق كل داء و له دواء . و الصرع هو ابتلاء من الله و هو مرض مزمن زى السكر و الضغط. و تلك الأمراض يجب أن نتعايش معاها و أن نرضى بقضاء الله فينا . و ان ندعو الله على أن يشفينا فهو القادر على كل شيء و لا يعجزه شىء فهو الشافى لا شفاء الا شفاؤه. فالدواء هو سبيل و اخذ بالاسباب و الشافى هو الله . هناك كثير من المتزوجين لديهم نفس مرضك و متعايشين و لديهم ازواج و أبناء و حياة أسرية سعيدة و ناجحة . عليك فقط بمصراحة من سترتبطين به مدى حياتك . و كونى على ثقة بنفسك و تقربى من الله . فهو الذى خلقنا و هو ارحم بنا من الأم على ولدها .
تم النشر السبت، ٧ ديسمبر ٢٠٢٤
عزيزتي، أولاً، أود أن أشكرك على مشاركتك تجربتك بشكل صريح ومؤثر. أعي تمامًا ما تشعرين به، فمرض الصرع يمكن أن يكون تحديًا كبيرًا ويؤثر على المشاعر والثقة بالنفس. من الطبيعي أن تشعري بالتحديات النفسية بعد تشخيصك، خاصةً عندما يترتب على ذلك تغييرات في الحياة اليومية وعلاقاتك الاجتماعية. على الرغم من أنك تفهمين مرضك وتعرفين كيف تتعاملين معه، إلا أن الجانب النفسي يمكن أن يكون أصعب مما يبدو. استشيري معالج نفسي مختص في الحالات المرتبطة بالأمراض المزمنة. يمكن للمعالج مساعدتك على تطوير استراتيجيات للتكيف وفهم مشاعرك بشكل أفضل. التحدث عن تجاربك مع أشخاص آخرين مروا بمواقف مماثلة قد يكون مفيدًا أيضًا، سواء من خلال مجموعات دعم أو عبر منصات التواصل. بالنسبة لموضوع الارتباط والجواز، تذكري أنه من المهم أن تحبي نفسك أولاً وتقبلي كل ما أنت عليه قبل أن تفكري في مشاركة حياتك مع شخص آخر. فمن الصحي أن تأخذي الوقت الكافي لتقبلي امتحانات الحياة التي تواجهينها، وتركيزك على نفسك وصحتك النفسية والجسدية هو أمر بالغ الأهمية. الحمد لله أنك ملتزمة دينيًا، فهذا يمكن أن يكون مصدر قوة لك. احرصي على اللجوء إلى الدعاء والتأمل في حكمة الله فيما تمرين به، فالصبر والتفاؤل يمكن أن يساعدوك على تجاوز هذه المرحلة. وفي النهاية، تذكري أنك لست وحدك. هناك الكثير من الأشخاص الذين مروا بتجارب مماثلة، ويجب ألا تترددي في طلب الدعم من المقربين إليك أو من متخصصين. الأمور قد تتطور، وحتى المشاعر التي تشعرين بها الآن يمكن أن تتغير مع الوقت. كوني قوية واحتفظي بالأمل.
تم النشر السبت، ٧ ديسمبر ٢٠٢٤
مش حقدر افيدك بحاجة للاسف و لكن شفاك الله و عافاك و موضوع الجواز بيكون بالنصيب مش المرض بيكون حاجز له بالعكس ممكن ربنا يرزقك بزوج صالح يدعمك 💌
تم النشر الأحد، ٨ ديسمبر ٢٠٢٤
الجواز مالوش دعوه بموضوع مرضك كلنا عندنا أمراض ومختلفه من شخص للتاني مش معني كده حياتنا هتقف
تم النشر الأحد، ٨ ديسمبر ٢٠٢٤
وقيام الليل وادعي وانتي ساجدة ربنا يحفظك و يشفيكي بإذن الله
تم النشر السبت، ٧ ديسمبر ٢٠٢٤
ربنا يعفوا عنك بإذن الله .. أنصحك بقراءة و سماع القرآن الكريم ف هو شفاء لقوله تعالى : وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا الإسراء-82
تم النشر السبت، ٧ ديسمبر ٢٠٢٤
اهلآ وسهلآ عزيزتي شكرآ على صراحتك معنا وعلى مصارحتك مع نفسك اولآ عزيزتي يجب عليكي الا تفكري ابدآ انا اتفهم حالتك ولكن يجب عليك انتي ان تساعدي نفسك اولآ ويجب عليكي ان تعلمي انك لستي مضطرة ان تحملي كل ذالك العبئ على كتفك فقط فهناك من يمكنه ويود ان يساعدك لا تدعي افكارك تؤثر سلبيآ عليكي وتشعرين بالسوء اكثر فأكثر وتذكري انك لست لوحدك . اسال الله ان يشفيك🤍 ..عزيزتي
تم النشر السبت، ٧ ديسمبر ٢٠٢٤
لعرض السؤال في فدني اضغط هنا