انا حاليا لسه اولى جامعه دخلت كلية تجارة علشان حابة مجال البيزنس بس والدي كان عنده اعتراض لان مجموعي كان جايب كليات تانيه زي علوم وتربية وكان عاوز اني ادخل كليه منهم بس وافق على قراري في الاخر دلوقتي مش بقالي غير اسبوع واحد في الجامعه مش اخدت فيه حاجات كتير كان اسبوع تعارف على المواد اللي هناخدها والدكاترة اللي هيدونا بس من دلوقتي وبابا بيقولي ذاكري عاوزك تبقي دكتوره في الجامعه بس انا داخله الكليه علشان اشتغل في مجال البيزنس والشركات والبنوك وكده وغير كده انا عارفه اني ممكن اه اتفوق بس مش لدرجة اكون الاولى او التانية على الدفعة لان في معايا ناس كتير افضل مني انا نفسي اوصله الفكرة دي بس مش عارفه لانه مش عنده نقاش في حاجه زي دي ارجوكم حد يقولي اعمل اي
اولا مبروك لأن كليه تجاره هي من كليات المميزة من ناحية العلمية والعملية .. ثانيا/ حب أننا شكر والدك أن هو وافق على اختيارك ودا دليل علي أنه هو مهتم بيك وهمه امرك ومن هنا سبدا الاجابه علي سؤال حضرتك وليه متفرحيش ولدك وتكوني الاول فعلا ويكون دا هدفك إلا مانع هو فيه حد احسن منك وزيادة عنك عين او رجل بل بالعكس اكيد فيك ما يؤهلك للوصول وذي ما ولدك وافق علي قرارك احترمي قرارة وحاولي تسعدية يمكن نفسه يفتخر بيك قدم الناس بلاش تحرمية من كده وبعد كده لو موش عاوز تتعيني في جامعة كدكتوره مفيش مشكله ولكن ليه نسبق الحدث قبل وقوعه وفيه مثال كده انتي عارفه الطلابة إلا بيبقي نفسهم يدخلوا شرطه فيقول هي شرطة مجموعها من ٦٠٪ علي كده بيسعي ولا يطمح في المزيد ولكن لو كليه شرطه لم يوفق فيها بيكون خسر كليه احسن منها علشان كده لونفسك تجيبي تقدير جيد جداً تطمحي الي الاعلي وفي كل الأحوال اسمعي كلام ولدك نحن في دوله صعب فيها التعيين جدا جدا لازم تكوني الاول وربنا يوفقك اسعدي والدك 🤲🤍✨
تم النشر الخميس، ٥ أكتوبر ٢٠٢٣
انا خريج تجاره وبباركلك علي دخولك الكليه وبجد من امتع المجالات ولو عاد بيا الزمن الف مره مش هخش غير تجاره.. حطي هدف انك تبقي الاولي لنفسك مش عشان بباكي ساعتها هيبقي عندك علم يخليكي تتجحي في اي مجال سواء داخل الكليه او خارجها.. التقدير بيفرق اوي.. العلم بيفيد ف الشغل اوي.. ربنا يوفقك يارب 😍🌹
تم النشر الجمعة، ٦ أكتوبر ٢٠٢٣
طموحك وطموح بابا لا يتعارضان ومجال البيزنس الاشخاص بتسعى للافضل ....مش بس للمكسب ومن هنا هتتميزى ان شاء الله فى البيزنس لما تفكرى فى هدفك انه يكون مميز وافضل اخرجى من تقليلك لقدراتك او مقارنتها مع اخرين . اجتهدى باقصى جهد عندك بدون وضع التقييمات والتوقعات اللى مبنيه على معطيات ضعيفة اوى ... راضى بابا لانه هو راضاكى ....حتى لو لسه ما اخدتيش حاجة حسسية انك بتدورى وبتبحثى فى العناوين مثلا ...هيقرح لو لاقاكى حتى ماسكه لاب توب وفاتحه بحث او موضوع تقرأيه . اجتهدى واسعى وان شاء الله ربنا هيقدرلك الخير اللى يفرحك انتى وبابا
تم النشر الخميس، ٥ أكتوبر ٢٠٢٣
جربي الاول تكلميه وتتناقشي معاه ... انتي عرفتي فعلا تعملي ده لما اقنعتيه انك تدخلي الكلية اللي انتي عايزاها. جربي كمان تتكلمي معاه في الموضوع ده، وكده كده قولي له ان ممكن اساسا على السنه بتاعتي ميكونوش محتاجين لدكاتره. ف انتي هاتيها واحده واحده، ولو مش عيازة تتكلمي معاه دلوقت ممكن تسبيها لوقتها، يعني (اعملي في صمت). ذاكري واعملي اللي عليكي وتفوقي وخدي كورسات واشتغلي على نفسك. وما تيجي الفرصة المناسبة لانك تتكلمي معاه ... ابقى فاتحيه ف الموضوع. لان يعتبر لسه بدري عقبال ما تتخرجي، ووضحي له انك ف اول السنه ولسه محدش اساسا اشتغل معاكم ولا محاضرات ولا اي حاجه.
تم النشر الخميس، ٥ أكتوبر ٢٠٢٣
انا ناوية اتخصص ادارة اعمال يعني موجود قسم التسويق وال hr والعلاقات العامه وكده وانا شعبة لغة انجليزية يعني لازم معايا الانجليزي
تم النشر الجمعة، ٦ أكتوبر ٢٠٢٣
لعرض السؤال في فدني اضغط هنا