انا طالبه جامعيه عندي ١٩ سنه و عندي رهاب اجتماعي اكتشفت ازاي؟ اول ما بدأت فجأه احس بالاعراض دي اما اتكلم مع ناس مع اقاربنا بكون متوتره و قلقانه و بعرق كتير و ايدي بترتجف و بحس بخوف جااااامد اوووووي انهم يكتشفوا اعراض دي و تعابير شوي بتكون مش طبيعيه وشي بيكون بيرتجف و بيكون باين عليه الخوف و مبعرفش اعمل تواصل مع شخص او اتكلم معاه بصري لعند ما لقيت حل ليا هو مكنش حل هو بس حاجه تخليني اعدي ايامي اني البس كمامه لما بلبس الكمامه و بداري منطقه دي مني بحس اني عارفه اتكلم مع ناس شويه هو اه برتجف و بعرق بس بحس انهم مش شايفين خوف فيا و مش شايفين علامات ارتجاف على شوي لان بحس نفسي غبيه اوي لو شافوا كل ده حاسه انهم هيشوفوني مش طبيعيه و ساعات بحس ان ناس بتبصلي كانهم عاوزين يشوفوا نظره معينه فيا و بعرف من عينيهم بقدر اعرف كويس جدا هما بيفكروا بايه بس مشكلتي عدم قدرتي على تواصل معاهم دون الكمامه و للعلم ان انا مقدرش اروح لطبيب نفسي او مختص لاني اتكلمت مع اهلي كتييير في حوار الرهاب ده و محدش منهم صدقني نهائي و قالولي لا عادي دي حاجه عاديه بس انا حاسه بخوف و ان مشكله دي هتعيقني نفسي اتشجع و اقلع كمامه و اتكلم مع ناس نفسي اتواصل مع ناس عادي زي مابيتواصلوا مع بعض عادي
للعلم انا بكون واثقه من نفسي و شكلي راضيه عنه و كل حاجه لكن اكتر حاجه بتخوفني اووووي لما اتواصل مع ناس انهم يلاحظوا اعراض دي عليه و يشوفوا تعرقي و تنفسي الغريب السريع و ارتجاف ايدي الغريب و خوفي و ارتجاف حتت في وشي بتتحرك و ممكن حد يكون بيكلمني بجديه و انا اضحك بحس كمامه بتداري كل ده بجد ارجوووو الحل بدون ماحد يقولي مختص مختص و طبيب لان من سابع مستحيلات اتابع مع مختص او طبيب ده صعب جددددا بسبب اهلي
اعراض الرهاب الاجتماعي اكيد مؤذيه ليكي لانها اعراض نفسيه وجسديه وانتي الي مخوفك وزايد قلقك الاعراض الجسديه لانها الي ظاهره ..بس احب اطمنك ان الرهاب الاجتماعي من الاضطرابات الي بتتحسن ومش بتاخد وقت ف العلاج بس لما تمشي بطريقه صح ف العلاج والعلاج فيها بيكون دوائي عشان يقلل الاعراض الجسديه من رجفه واحمرار وجه وتعرق وزياده ضربات القلب واضطرابات المعده ومعاها ف نفس الوقت العلاج النفسي عشان يزود الثقه بالنفس وتشتيت افكار القلق ومواجهتها والاسترخاء وده الي هقولك عليه دلوقتي اول حاجه لازم يكون في فكره ف دماغك تكرريها كتير قبل مواجه التاس ووقت مواجتهم انك مفكيش اي حاجه خطأ جميله ولبسك مرتب ولبقه وشاطره وربنا خلقك على احسن صوره مفكيش اي عيب .. وان الناس لو هتركز معاكي مش ضروري عشان فيكي عيب بالعكس ممكن تركيز الناس عشان انتي جميله او لبسك حلو او اسلوبك وشخصيتك جميله وانك بس محتاجه تتحكمي ف الاعراض الجسديه عشان تطمني اكتر كمان اول متدخلي ف اي تجمع حاولي تشتتي نفسك بدندنه اغنيه او استغفار وتسبيح او تشتتي الفكره بفكره ايجابيه انتي بتحبيها وطبعا الاسترخاء العضلي وتمارين التنفس مهمه جدا هتقلل الاعراض الجسديه شويه وهتساعدك تحسي بالراحه بشكل افضل
تم النشر الخميس، ٢ فبراير ٢٠٢٣
بما انك مش هتقدرى تتواصلى مع اخصائى نفسي عشان اقتناع الاهل . هل ممكن تمارسي رياضة ولا ده صعب بردوا ؟
تم النشر الجمعة، ٣ فبراير ٢٠٢٣
طيب الاعراض ديه ظهرت امتى بالظبط؟ وايه الاحساس اللي جواكي اللي خايفة منه من التعامل مع الناس؟
تم النشر الجمعة، ٣ فبراير ٢٠٢٣
اتغلبتي علي الرهاب دلوقتي بعد شهر ولا لا كل الاعراض الي كتباها شبهي بجد جدا🥺
تم النشر الثلاثاء، ٢١ مارس ٢٠٢٣
لعرض السؤال في فدني اضغط هنا