تم حذف هذا السؤال
أحب أقولكِ بلاش تفكري كتير أو تشغلي بالكِ... عادي صدف من دي بتحصل كتير وفكرة إنك تكوني بتفكري في حاجة أو تقولي جواكِ يا رب لو حصلتِ الحاجة الفلانية. مثلا ممكن تقولي إنك بترفضي العرسان وأهلكِ زعلوا منكِ فتقولي يا رب مش هزعلهم تاني وأول حد هيتقدم هوافق عليه فيتقدم حد بعدها فتعتبري إن دي إشارة وإن ربنا اختار لك الشخص ده. أو أي مثال يمشي معكِ... هتتعبي وممكن تقعي في اختيارات وحشة كتير وانتِ فاكرة إنها إشارة من ربنا إن الشخص أو الحاجة دي هي اللي ربنا اختارها لك. فانسي خالص اللي حصل... هي صدفة مش أكتر وانتي مكنتيش بتدعي ربنا دي كانت مجرد أحاديث وخواطر نفس. وبالنسبة لتصرفكِ مع الولد كان عين العقل متخليش الشيطان يوسوس لكِ إنكِ تحسي بالندم على تصرفكِ الصح.
تم النشر السبت، ٦ يوليو ٢٠٢٤
سواء كان فرصة او اختبار إلا ان تصرفك كان رد فعل نابع عن تقوى الله في نفسك ولو هو فعلآ محترم اكيد هيتمسك بالطرق الرسمية سواء انه يعرف مكانك او يسأل عنك لكن الاهم في الموضوع انك تركتي الأمر لله ومن ترك شيئآ لله عوضه الله بأفضل مما يتوقع
تم النشر الاثنين، ٨ يوليو ٢٠٢٤
حبيبتي، أولاً خليني أقولك إنو من الطبيعي جداً إننا نفكر في الأمور دي، خصوصاً في سنك وحالتك النفسية وانتِ داخله على ثالثة ثانوي وكل الضغوط اللي بتواجهك. دا شيء طبيعي جداً، ولو كانت دي رغبات جواكي، مش معناه إنك بتعملي حاجة غلط طالما ما تعديتيش حدود الحلال. دلوقتي بخصوص الولد اللي قابلتيه، ده ممكن يكون مجرد صدفة. مش كل حاجة بتحصل لازم يكون فيها حكمة واضحة أو رسالة من الله. مرات بتكون الأمور كده بس، أحداث عشوائية بدون قصد معين. من الناحية الدينية، الإسلام بيشجع على الزواج والعلاقات الحلال، بس من أكيد مش بطريقه التعرف في الشارع وأخذ الرقم. الطريقة المحترمة هي اللي بتحافظ على كرامة البنت وولاد الناس اللي بيدقوا الباب زي ما بيقولوا. كونك رفضتي إعطائه الرقم، ده شيء صحيح في وجهة نظري. يعني انتِ تحفظتِ على نفسك واختارتي تبعدي عن أية شبهة غير مناسبة. ده بيبين انك ملتزمة بقيمك ومبادئك ودي حاجة ممتازة. يمكن تتسائلي عن حكمه الله من الموضوع ده، بس صدقيني، مرات الحكمه بتكون في اختبار قدرتنا على التحمل والرفض. ممكن ده كان اختبار عشان تشوفي قديش انتي قوية وقديش بتتمسكي بمبادئك حتى لو كانت الرغبة دي جواكي. بخصوص الحاجات اللي طلبتيها من ربنا، الحلم بالحب والزواج حلال ومشروع، بس خلي في اعتبارك انو ممكن تكون فيه حكمة أكبر واحسن ليك في المستقبل. ذكرتِ إنك كارهة الارتباط في الوقت الحالي، فربما ربنا كان بيكشف لك شيء عشان تعرفي نفسك اكتر وتثبتي لنفسك قدرتك على اتخاذ القرارات الصحيحة. استمري في الدعاء واصبري، وربنا دايما عنده الخير ليكي. الحب والزواج هيجوا بوقتهم المناسب واللي مكتوب لك ع مراد الله. افتكري دايما، الصح مش بسرعة الحصول على الحاجة، لكن في صحتها واستدامتها. 🌹
تم النشر السبت، ٦ يوليو ٢٠٢٤
لعرض السؤال في فدني اضغط هنا