السلام عليكم ورحمة الله وبركاته
امبارح زعلت وكنت هعيط عشان قصيت استيكر (قطبي وباندا) من جمب (شهاب) وفعليا مكنتش عارفة انام غير لما قصيته ولزقته جمبهم زعلت اوي وحسيته لوحده وبجد مسكت نفسي عن العياط بالعافية انا بقيت بعيط من اي حاجه واتاثر ب اي حاجة يعني لو شوفت حيوان متعور اعيط اه ممكن اساعده بس اعيط ولو سمعت عن اي حادث اعيط واتاثر ولو حد كلمني بنبرة مش احسن حاجة اعيط وازعل اوييي
انا بيجيلي نوبة هلع اصلا يعني لو شوفت حادثة او كدا تجيلي بلص كنت عند دكتور الاسنان بحشي، ضرسي وجاتلي كتير جدا اثناء الشغل
السلام عليكم، هل الموضوع ده بدأ معك من فترة ولا طول عمرك كده؟ مش عارفة عندك كم سنة بس شكلك صغيرة وبتمري بفترة حساسة من عمرك، وغالبا فيه مشاعر متراكمة أو أحداث في حياتك أنتِ مش قادرة تتعاملي معها فبالتالي تقلبات مشاعرك وحساسيتك الزائدة بتعبر عنها أو وسيلة تفريغ لها. حاولي تخصصي وقت للكتابة... هاتي قلم وأوراق وفرغي كل مشاعرك على الورق... اكتبي كل اللي حاسة به مهما كان تافه. اكتبي أي كلام حتى لو مش مترتب أو مش راكب على بعضه. هيفيدك جدًا تمارسي عادة الامتنان... ابدأي يومك بكتابة 3 حاجات على الأقل ممتنة لوجودهم في حياتك من نعم ربنا واستشعري النعمة دي وقيمتها وحسي بها. ممكن تخصصي نوتة للامتنان ونوتة تانية تسجلي فيها أي حاجة أو إنجاز أو موقف حصل وأسعدك مهما كان صغير.. ارجعي للنوتة دي ونوتة الامتنان كل فترة واقرأي فيهم... هيفرق معك كتير. ** إن شاء الله تساعدك الكتابة في الوصول لمشاعر متوازنة لكن إذا حسيتِ بأي وقت إنك مش قادرة لوحدك ممكن وقتها تلجأي لمتخصصة تساعدك بخطوات أكثر عملية. بالتوفيق إن شاء الله.
تم النشر الاثنين، ٢٧ يناير ٢٠٢٥
وعليكم السلام ورحمة الله وبركاته. أختي العزيزة، أشعر بما تمرين به، والاهتمام بالمشاعر يتطلب شجاعة وعناية بالنفس. يبدو أنكِ تعانين من حساسية مفرطة تجاه المشاعر والمواقف المحيطة بك، وهذا شيء طبيعي قد يحدث نتيجة للضغوط النفسية أو التجارب المؤلمة. من المهم أن تفهمي أنه من الجيد أن تعبري عن مشاعرك، لكن في نفس الوقت يجب أن تتعلمي كيفية إدارة هذه المشاعر التي قد تؤثر على حياتك اليومية. هل فكرتِ في التحدث مع متخصص نفسي؟ يمكن أن يساعدك ذلك في فهم مشاعرك بشكل أعمق وتطوير استراتيجيات للتكيف معها. إذا كانت نوبات الهلع تؤثر على حياتك بشكل كبير، عليك استشارة طبيب نفسي أو مختص في الصحة النفسية، فقد تحتاجين إلى الدعم المهني لتساعدك على تجاوز هذه الأوقات الصعبة. تذكري دائماً أنك لست وحدك، وطلب المساعدة خطوة شجاعة نحو الشفاء. بارك الله فيكِ وتمنياتي لكِ بالراحة والهدوء.
تم النشر السبت، ٢٥ يناير ٢٠٢٥
انتي انسانه رقيقه المشاعر ودي ميزه جميله بس المهم متاثرش علي حياتك
تم النشر السبت، ٢٥ يناير ٢٠٢٥
لعرض السؤال في فدني اضغط هنا