جماعه انا عندي مشكله انه انا عندي وقت فراغ كبير اوي ونا عايز املا وقت فراغي دا بحاجه مفيده ممكن تقترحوا عليا حجات اعملها في وقت فراغي دا و تكون ممتعه و لو ذكرت حاجه ممكن تقولي زي اي يعني مثلا لو رياضه قولي رياضه زي اي كتاب كتاب زي اي كدا و للعلم انا 19 سنه و كمان انا عندي مشكله انه انا ممكن أَمِل من الحاجه اللي انا بعملها دي بعد فتره اللي هو فقدان الشغف! ملحوظه يجماعه انا ولد😀
بص أول حاجه هتقول هعمل خطه و هنظم وقتي طول اليوم فعلن هتقوم عامل جدول من كتر ما هو ممتاز مش هتعرف تعملوا إيه ده؟؟!!!! لا لا متتفجأش هو ده الطبيعي علشان تعمل لنفسك مهام يوميه لازم تشوف الأول يومك بيعدي ازاي و تعرف إيه ممكن يوقفك أو يعطلك و أنت بتعمل حاجه فى يومك ساعتها هتقدر تحط جدول فيه مهام على مدار اليوم كله و فى نفس الوقت ترفه عن نفسك طب اديني ! يعني مثال أنا فى يومي لما بكون بقرأ كتابي بيشغلني حد فكون عامل حسابي إن فى حد هينده عليا أو هيرخم و أنا بقرأ يقوم لما يحصل الحدث أعرف اتعامل معاه و اكمل عادي طب اقترح عليا حاجات أعملها؟! لازم علشان أعرف اقترحلك أكون أنا عرفك و عارف بتحب إيه و بتكره إيه علشان مقولكش مثلن بقترح عليك تقرأ كتاب و فعلاً أنت هتسمع كلامي و هتشترى الكتاب أو تنزلوا pdf بس أنت مش بتحب القراءة يبقى عمرك ما هتكمل فيه 20 صفحة على بعض و هترميه فى الآخر فأنت تشوف بتحب تعمل إيه و يبقى حاجه زي الفل لو حطيت حاجه تتعلمها فى الوقت ده و يبقى حاجه أحلا و ده لازم تعملوا تخصص وقت برضوا تقرأ فيه قرآن و تذكر الله و تصلي على النبي يعني ملخص شوف بتحب تعمل إيه أو حابب تعمل إيه و حطو فى يومك و متنساش قراءة القرآن و الصلاة على النبي . آخر حاجه فى قناة إسمها ,(دروس أونلاين) منزله كذه فيديو على طرق كثيره لتنظيم الوقت و نصايح كتير هتفيدك .
تم النشر الأحد، ١١ يونيو ٢٠٢٣
لديك العديد من الخيارات لملء وقت فراغك وجعله مفيدًا وممتعًا. هنا بعض الاقتراحات: قراءة الكتب: قم بقراءة كتب في مجالات تهمك مثل الأدب، العلوم، التاريخ، السيرة الذاتية، الفلسفة، الخيال العلمي، أو أي موضوع آخر تود تعلمه. ممارسة الرياضة: اختر نشاطًا رياضيًا تستمتع به، مثل السباحة، ركوب الدراجة، الجري، اليوجا، رياضة القتال، أو أي نشاط آخر يناسب قدراتك الجسدية واهتماماتك. تعلم لغة جديدة: استغل وقتك لتعلم لغة جديدة. يمكنك استخدام تطبيقات الهواتف المحمولة أو الموارد على الإنترنت لتعلم اللغة التي تود تحسينها أو تعلم لغة جديدة بالكامل. الاستثمار في مهارات جديدة: حاول تطوير مهاراتك في مجال معين، مثل التصوير الفوتوغرافي، الرسم، الخياطة، الطهي، البرمجة، التصميم الجرافيكي، أو أي مهارة أخرى تهمك. المشاركة في العمل التطوعي : انضم إلى فريق تطوعي في منظمة غير ربحية أو مؤسسة خيرية. يمكنك مساعدة الآخرين وتقديم فائدة للمجتمع من خلال العمل التطوعي في المستشفيات، مأوى الحيوانات، مشاريع البيئة، أو أي منظمة أخرى تهمك.
تم النشر الأحد، ١١ يونيو ٢٠٢٣
تقدر تعمل حاجات كثير ومنهم: - الرياضة التطوع الشغل تتعلم حاجه جديدة تنمية موهبة معينه إنك تهتم بنظام أكلك تتعرف عن ناس جديدة أما عن الكتب اللي ممكن تساعدك وتكون كويسة كتب د. محمد طه كلها الخروج عن النص الفصل الاول والثاني علاقات خطرة لأ بطعم الفلامنكو ذكر شرقي منقرض كتب كيرلس بهجت كتاب اللامكترث جميل جدا المدخل لفهم سيكولوجية الإنسان المهزأ كتاب ٤٠ الاربعون الشقيري كتاب نظرية الفستق لفهد عامر الاحمدي كتاب عقدك النفسية سجنك الابدي ل يوسف الحسني أما عن القنوات اللي ممكن تتابعها على اليوتيوب المفيدة قناة حازم الصديق والبودكاست بتاعه Hazcast : اجتماعية، تعليمية قناة اسماعيل فؤاد قاسم : صحة نفسية قناة وعد امين : تغذية دروس اونلاين : تعليمية Nedal Reads : مراجعة كتب نادي القراءة العملية: تعليمية ومهنية وتطوير ذات وده برده الموقع بتاعهم (نادي القراءة العملية) هتستفادي منه جدا باذن الله نرمين البحيري : صحة نفسية اخضر : تعليمية ، تطوير ذات، مراجعة كتب جيل يقرأ : تعليمية ، كتب أما عن الشغف اللي بيخلص بسرعة فاقد الشغف الكلمة ديه اتكررت كتير .. بس هي بصراحة كلمة (عايمة) مش محددة الحالة بالظبط اللي الواحد فيها + ان معناها الحقيقي ان معنديش طاقة اقوم اعمل اللي ورايا؟ فاقد طاقتي طيب ومين قال اننا بنشتغل اساسا واحنا عندنا طاقة طول الوقت. لو سألت مثلا حد من صحابك انت بتعمل مثلا الحاجة الفلانية ليه؟ هيقولك علشان كذا .. هي ديه علشان ايه؟ الهدف لازم يكون مقترن بسبب علشان الواحد يسعى إليه .. مفيش سبب مفيش هدف. علطول كده .. اه طالما مفيش سبب ومعنى للحاجة اللي بعملها ما هو طبيعي جدا مش هعملها اصلا. علشان كده طبيعي ان الانسان بيكون حاسس بمشاعر كتيرة في اليوم .. يعني انا ممكن اكون فرحانه .. وممكن بعد شوية يجي احساس الغضب .. وممكن اسمع خبر وحش لا قدر الله يعني .. واكون حزينة. ده الطبيعي للانسان. هل بقى اقعد استني الحالة اللي اكون فيها تمام جدا ومتحمسة وكل شئ طبيعي علشان اعمل اللي ورايا .. احب اقولك انا لو مشيت بالطريقة ديه .. عمري ما هشوف نجاح في حياتي. الواحد المفروض يشتغل في كل الحالات بتاعته .. ليه لان ديه حاجة اسمها مسؤولة والتزام .. ودول اهم حاجتين لازم يكونوا موجودين عندنا علشان نكون اشخاص ناجحين. هل مثلا لو انت بتلعب رياضة معينه وداخل على بطولة .. وطبعا بتحضر ليها كويس جدا ... لما هتصحي في عز البرد الساعة 4 و لا 5 الفجر كده .. علشان التمرين كل يوم الصبح هل هتبقى كل يوم شخص متحمس .. ولا اساسا ممكن يجي عليك اوقات هتبقى لا ياجماعة انا عايز انام؟ اكييييد هيجي عليك اوقات مش طايق اساسا اللي بتعمله .. بس علشان انت عندك هدف لازم تمشي وراه .. البطولة هي اللي هتوصلك للطاقة والفرحة والحماس .. مش التمرين بتاع كل يوم. هي اه بتيجي بالعكس .. الوصول هو اللي بيدي للواحد طاقة في الاخر او بيشعره بالسعادة. اتمنى تكون الاجابة مفيدة ليك
تم النشر الأحد، ١١ يونيو ٢٠٢٣
اتعلم مهارة جديدة مثلا زي البرمجه او الماركتنج والانجايزي لازم يكون كويس عندي ف انت اول حاجه تتعلمها هي الانجليزي وممكن تتعلمها ع اليوتيوب ع قناة Z AmericanEnglish او taleek وتلعب رياضة وتحددلها وقت محدد ممكن تروح جيم مثلا او تمشي ساعه يوميا واقر كتب زي العادات السبع للناس الاكثر فاعلية وكتاب قوة العادات وكتاب العادات الذرية الكتب دي هتخليك تفكر بشكل مختلف
تم النشر الأحد، ١١ يونيو ٢٠٢٣
ادخل برامج علمية إسلامية ..مثل البناء المنهجي/أكاديمية الجيل الصاعد راح تستفيدوا جدا
تم النشر الأحد، ١١ يونيو ٢٠٢٣
احفظى قراءن والف فكرة وفكرة هتيجيلك فى احفظى فى مجموعه
تم النشر الأحد، ١١ يونيو ٢٠٢٣
ابدأي ادخلي جروبات تبادل اللغات و اتكلمي مع بنات و تبادل ي اللغة علميهم الغة العربية هتخشي وقتها بقيمتك و انك قادر تفيديني غيرك و تنشري اللغة العربية اتعلمني انتي منهم لغة جديدة انجلش فرنش و ألماني لأنهم
تم النشر الأحد، ١١ يونيو ٢٠٢٣
انزل اللعب رياضة او اقرا لو بتحب القراءه شوف اى هى هوايتك و مارسها لو مش عندك اعمل لنفسك انزل اتطوع فى ال فريق تطوعى يفيدك احفظ قران استفيد بوقتك بحاجه بسيطه و ممتعه و تفيدك خلى فى حماس فى يوم بلاش الروتين لانك هتزهق
تم النشر الأحد، ١١ يونيو ٢٠٢٣
كتاب فاتتني صلاه ...لانك الله ...السيره النبويه حاجات كتير جميله
تم النشر الأربعاء، ١٤ يونيو ٢٠٢٣
احفظي قرآن واسمعي بودكاست والعبي رياضه واتفرجي ع جمال حياتك بعدها
تم النشر الاثنين، ١٢ يونيو ٢٠٢٣
لعرض السؤال في فدني اضغط هنا