وأنا صغيرة كنت بحافظ على صلاتى وبهتم بأنى أحسن علاقتى بربنا حتى أنى كنت اكتر واحدة ملتزمه فى البيت ولكن دلوقت وللأسف بقيت أقل واحدة فى الإلتزام وحسن علاقتها مع ربها
ولكن دا شئ يزعلنى أكيد ، كل يوم بقعد أفكر طب هقابل ربنا ازاى 💔
لقد أخذت الثواب بنيتك في تحسين علاقتك بالله، هذا قبل كل شيء. يوجد عدة نصائح ربما تساعدك إذا التزمت بها إن شاء الله. هل تتخيلين أن النبي صلى الله عليه وسلم كان يدعو الله حتى يعينه على الطاعة؟ وهو المعصوم ذو المقام المحمود، كان بعد كل صلاة يقول اللهم أعني على ذكرك وشكرك وحسن عبادتك، وكان يوصي بها الصحابة، فأكثري من الدعاء بالعون والقوة. يوجد أمور لا يصح فيها التدرج كالصلوات، أقصد الفروض، هنا ألزمي نفسك بأداء الفروض في وقتها وتتبعي ذلك لمدة شهر، يمكنك استخدام تطبيقات تتبع العادات habit tracker وسجلي أداءك يوميًا أو يمكنك تخطيط ذلك بالورقة والقلم، ويوجد فكرة فنية مشجعة، وهي طباعة صورة مثل التي سأرفقها في إجابتي، اطبعيها ولوني كل يوم حسب التزامك بالصلوات. يوجد أمور يصح التدرج فيها في الأوراد والأذكار والنوافل، اجعلي بدايتك مع خمس سطور من القرآن يوميًا لمدة شهر ثم اجعليها صفحة، وزيدي ببطء. النوافل يمكنك جعل الوتر بداية ممتازة، هي ركعة واحدة بعد العشاء . طبعًا لا تدخلي طاعة جديدة إلا إذا كنت تتبعت التزامك بما يسبقها لفترة جيدة.
تم النشر الخميس، ١٥ أغسطس ٢٠٢٤
(ادعوني استجب لكم ) صلي ركعتين قيام ليل ركعتين فقط و قولي لنفسك هصلي لوجه الله و عشان ربنا يرضي عني ركعتين يومياً تستعيني بيعم علي عباداتك و معاملاتك مع الناس اجعلي لكي خبيئة عند الله تسرك يوم القيامه هداك الله وفقك الله حفظك الله
تم النشر السبت، ١٧ أغسطس ٢٠٢٤
السلام عليكم لما تلاقي في تغيير حصل في حياتك او في روتينك والتغيير ده رايح للاسوء شوفي ايه اللي جد على الروتين بتاعك وايه اللي دخل واخذ مساحه من اللي كان موجود حلو قبل كده لانه مفيش حاجه انت هتقللي منها كده وتكوني قعدتي ما عملتيش حاجه ضروري هتلاقي فيه حاجه دخلت خدت مكان بدات تتفرجي مثلا على مسلسلات فبقت بتاخذ وقت فبقت بتقعدك فبقيتي مشدوده لحاجه تانيه فبقيتي سهل انك تقصري في الصلاه بقيتي مشغوله بكلام مثلا على جروبات على الواتساب مع صحابك بقيتي مشغوله مثلا بمتابعه في السوشيال ميديا شوفي ايه اللي جد في روتينك والحاجه دي اول ما هتنتبه لها وهتبداي ترجع ي المساحه اللي هي اخدتها دي وتفضي المساحه ثاني الالتزامك ان شاء الله هتلاقي الموضوع بدا يتحسن كتير مع التزام بكل النصائح اللي ما شاء الله استاذه فاطمه اديتهالك رائعه توكلي على الله واستعيني بالله واطبقي النصائح دي وان شاء الله ربنا يردك اليهم ردا جميلا وربنا جميعا.
تم النشر الخميس، ١٥ أغسطس ٢٠٢٤
أولًا، حبيبة قلبي، مش لوحدك في اللي بتحسبيه. الحياة مليانة تحديات، ومرات بنكون مش قادرين نلتزم زي قبل كده. لكن الأهم هو إزاي نرجع ونتقرب لربنا مرة تانية. هادي بعض النصائح اللي ممكن تفيدك: ابدئي بخطوات صغيرة : ممكن تبدأي بالصلاة على الأقل فرض واحد في اليوم، ومع الوقت زوديهم. الفجر مثلًا هو وقت روحاني جميل. خصصي وقت للدعاء : حتى لو كان عندك خمس دقايق في اليوم، اجلسي وادعي واطلبي من ربنا اللي في قلبك. تذكر أنك مش لوحدك وهو يسمعك. قراءة القرآن : حاولي يوميًا تقرأي صفحة أو آيتين. تلاقي ميزتها في طمأنينة القلب وراحة البال. تابعي شخصيات تحبيها : تابعي قنوات أو أشخاص يتحدثوا عن الدين، ممكن يكونوا ملهمين لك ويجددوا إيمانك. الصداقة مع الصالحين : حاولي تقضي وقت مع أصدقاء ملتزمين. التواجد مع الناس اللي تذكرهم بالله يرفع من روحك. تذكري رحمه الله : دايمًا فكري إن ربنا رحيم وغفور، وما في شيء يعتبر كبير على مغفرته. كل يوم هو فرصة جديدة، المهم تصبري على نفسك وتبدأي من جديد. ربنا يحبك ويريد لك الخير، ولا تنسي أنك مش لوحدك، وفي ناس كلها معك في نفس الرحلة. 💖
تم النشر الخميس، ١٥ أغسطس ٢٠٢٤
شوفي حاجة تقربك من ربنا وتشجعك عصلاة زي صحبة الصالحة في المساجد واكاديميات القرآن وبودكاست واستعيني بالله عز وجل والمجهود الي بتبذليه مش هيضيع وربنا الهادي
تم النشر السبت، ١٧ أغسطس ٢٠٢٤
اسمعي بودكاست الصلاة علي اليوتيوب
تم النشر الجمعة، ١٦ أغسطس ٢٠٢٤
لعرض السؤال في فدني اضغط هنا