انا تعبانه اوي انا مش كويسه ومش عارفه ابقى كويسه وشايفه نفسي السبب بشوفي مش كفايه... بقالي سنه تقريبا متخرجه ودخلت ف اكتئاب شديد جدا من حجات جديده و تراكمت قديمه وساوس وضغط حاولت اموت نفسي تقريبا خمس مرات وبعد كدا بقيت عشان اسكت نفسي او احس بالراحه بمسك اي حاجه حاده اجرح بيها نفسي مش جرح يقتل بس جرح يوجع و دا يهديني وممكن اضربني او اضغط باظافري جامد انا أفكاري مشوشه وكل ال هقول ملوش علاقه ببعض او ليه نيجي لاهم حاجه انا بخاف من الارتباط اوي و الجواز بخاف جدا ولما بيتقدملي حد اعصابي بتتعب وبيجيلي panic attack و ممكن انهار ومش بقابلهم مش بقابل اي حد وبنرفضهم من بره بره انا خايفه اوي اوي انا طول عمري عايشه ف مشاكل ف عائلتنا ودا عاملي تراكمات وقله ثقه وانعزال ودا مخوفني من الارتباط ومخليني حاسه بعدم امان مع اي راجل او اني كفايه لاهلي وابنه يفرحوا ويتفخروا بيها هما لما بيتقدملي عريس مش بيقولوها صريحه ومش بيضغطوا بس بيرموا كلام محسسني ان مفيش غيري ال متحوزش ف مصر واني بتكبر وعديمه مسؤليه وطفله ومختله ووحش واني هعنس بعدين ليه محدش مستوعب اني تعبانه العيب مش ف حد ولا اكيد ال بيتقدموا انا مقابلتهم اصلا.. انا ال مش قادره يا جماعه معرفش امتى بس اكيد لما اكون مستعده لما ع الاقل احب نفسي شويه.. انا عندي ٢٣ سنه وبعد شهر هبقى ٢٤ ف عيون الناس انا عاطله فاشله وسني بيكبر و متجوزتش هو انا واحشه اوي كدا.. انا اسفه ليهم ولأهلي بس انا مش قادره اقبل حد انا مش عارفه اكون سبب فرح لنفسي ولا لامي وابوي او فخر او اي حاجه مش عارفه ابقى حاجه انا مش عارفه ابقى كافيه لنفسي انا مش عارفه ابقى زي باقي البنات انا فاشله انا معقده ملحوظه محدش يعرف من اهلي ع حوار الجروح ال بعملها او الانهيرات ال كانت بتحصلي او صحياني ليالي كتير اعيط ف السر او الحمام ع حجات انا مش عرفها ووساوس ومبتخلصش والله العظيم انا تعبت من نفسي اوي تعبت انها كدا دخلنا رمضان وقلت بدتيه جديده معداش يومين ولقتني مع اول سبب رجعت ادور ع حاجه اجرح بيها نفسي واعيط او حساسية ع حجات عبيطه هما كانوا شيافين وحش لو اتكلمت عشان بلفعل من غير حتى ما اعرف اطلع ال جوايا بلفعل بعياط و شيفني جبانه واكيد عديمه مسؤليه... وللأسف انا لسه ملقتش شغل ومش عارفه اشتغل ايه و بس بقيت احس ان معنديش طموح مبقاش عندي احلام ولا عارفه انا عايزه ايه ... ال بيحصل دا ممكن اليوم يبقى كويس وانا كويسه واقول انا بقيت كويس بطلع من ال انا فيه ويحصل موقف صغير او مره واحده كدا بيرجع كل حاجه وادخل ف نفسي الدوامه السودا ال ببلع نفسي فيها انا شايفه اصلا اني مستهلش حاجه ولا اي حاجه ومعرفش انا عايزه ايه ومالي بس ال اعرفه اني مش عايزه اعيش نفسي اختفي او افقد الذاكره
مفيش حد يتساهل يشوف نفسه مش كفاية كلنا كفاية كلنا كويسين بس المشكلة لو استسلمت لوساوس الشيطان انتي محتاجه تلاقي نفسك اولا وتحسي بقيمة نفسك وتحبيها وتقدريها اول حاجه لازم تعرفي اننا جينا الدنيا دي عشان نعبد ربنا وأنها مش دايمة كلها فترة وهنمشي وكل واحد فينا اللي بيحدد هو عاوز الجنة ولا النار كده كده الدنيا هي دار شقاء مش راحة ف لازم نقتنع ب دا وان الراحه في الآخرة فقط وربنا اللي قال لنا كده احنا ف ايام مفترجة شهر رمضان فرصة عظيمة نلاقي نفسنا بجوار الله عز وجل حاولى تفصلي دماغك عن كل مشاكل الدنيا دي وقربي من ربنا ف الايام المفترجة دي ومن رحمة ربنا أنه صفد الشياطين عشان نقدر نعبد ربنا ع قد م نقدر ف الايام دي الشياطين مش موجودة انت بتواجه نفسك ودا اصعب من الشيطان ! قربي من ربنا بالدعاء والصلاة الصيام والقيام والله اجواء رمضان لا تعوض وافصلي دماغك عن مشاكل الدنيا دي لمدة شهر رمضان بس بإذن الله هتخرجي منه احسن كتير تابعي برامج دينية فيه بودكاست ع يوتيوب اسمه ايه المشكلة ؟ جميل اوي ومش ممل خالص انصحك تبدأي بحلقة التوبة وبعدها تسمعي حلقات تانيه ودروس البشمهندس ايمن عبدالرحيم والشيخ محمد راتب النابلسي وفيه احمد عامر عامل حلقات عن السيرة النبوية وتفسير القرآن واسمعي القرآن بأصوات الشيوخ اللي بتحبيها وادي لنفسك فرصة تتغيري ف النهاية مفيش حد ف الدنيا دي كلها تستاهل الإنسان يزعل لدرجة أنه يكتئب الا انه بعيد عن ربنا
تم النشر السبت، ٢٥ مارس ٢٠٢٣
حاسه بيكى قد ايه انتى مضغوطة بس المرحلة اللى انت عايشاها دى محتاجة مساعدة مباشرة لازم اهلك يعرفوا بكل اللى بتحسي بيه ضرورى تطلبي منهم الرجوع لطبيب نفسى مينفعش تسيبى نفسك فى الحاله دى انتى وعيك كبير ما شاءالله...خلى بالك عشان انتى صغيرة والافضل تتخلصى من كل ده بدل ما يزيد عليه تراكمات جديدة .
تم النشر السبت، ٢٥ مارس ٢٠٢٣
مين قال انك وحش او وحشه انتي حد جميل جدا حتى بطريقتك لسردك لمشكلتك بتعبر عنك وانتي كمان صغيره جدا يعني الدنيا لسه قدامك في ناس بتشتغل ع ٢٦ وبتبقا ناجحه ف شغلها وفي بنات بتتجوز عند٣٠ وبتكون سعيده وفرحانه الاهم من كل ده انتي انتي تستحقي تعيشي مبسوطه تستحقي تحافظي ع حياتك تستحقي تحافظي ع جمالك وع جسمك من اي اذى تستحقي تفرحي وتضحكي وتكبري سعيده وانا فهماكي فاهمه انه غصب عنك ليه خايفه من الجواز ومش حاسه بالامان انا حابه اسمعك ومتقبله مشاعرك وعايزه اساعدك مش عشان تتجوزي بس عشان الحزن الي جواكي يقل وتكوني مبسوطه
تم النشر السبت، ٢٥ مارس ٢٠٢٣
طيب احنا محتاجين نعرف ايه هي الحاجات القديمة، لان فيه غموض في قصتك .... ايه اللي حصل وصلك ل كل ده؟ وعلاقتك بأهلك وانتي صغيرة كانت عامله ازاي؟ وليه شايفة انك متستاهليش اي حاجه حلوة؟
تم النشر السبت، ٢٥ مارس ٢٠٢٣
أرى أن الأمر الأول هو البحث عن معالجة لحالتك النفسية، فتلك المشاعر التي تواجهيها من الضغط والتراكم القديم والساوس والحاجة إلى إيذاء نفسك تحتاج إلى التشاور مع أخصائي نفسي للمساعدة في التغلب عليها. هذه الحالة لا يجب أن تعامل وحدكي فيها، بل يجب عليك التحدث مع متخصص يمكنه مساعدتك في استكشاف الجوانب العميقة من القلق الذي تشعرين به ومن هنا يمكنك العثور على العلاج الذي يناسبك. يمكنك أيضًا اتخاذ العديد من الخطوات للمساعدة في تحسين حالتك النفسية مثل ممارسة التأمل والرياضة والنظام الغذائي الصحي والحصول على قسط كافي من النوم وتخفيف ميلك الشديد نحو إيذاء نفسك عن طريق الاتصال بأحد الخبيرين لتقديم الدعم والمساندة المناسبة لك. كل شيء يحتاج إلى وقت وصبر، وبالتأكيد ستتجاوزين هذه المرحلة الصعبة. أحببت أن أذكرك بأنكِ شخصية رائعة وخاصة، فلا يمكن لأحد أن يحل محلكِ في هذه الحياة وأنتِ تمتلكين قيمة وهي التميز والكرامة ، وأيضا يجب عليك تجاهل تلك الأفكار السلبية التي تعانين منها والتركيز على الأشياء الإيجابية لا سيما الأشياء التي تجعلنا سعداء ومبتهجين.
تم النشر السبت، ٢٥ مارس ٢٠٢٣
لعرض السؤال في فدني اضغط هنا