عندي اكتئاب مبيروحش ابدا والحمد لله بصلي وحافظة القرءان الكريم وربنا هو حبيبي 🌿 والمرض شئ والعبادة شئ اكيد القرب من الله بيخفف ه اللي مقويني ولكن ابدا مش عارفة ارتاح جربت أدوية نفسية ورحت لدكاترة ولكن دون جدوى لاني مؤمنة أن الواقع لازم لغيره وده مش بايدي بقيت حاسة اني مليش هدف مع اني مش شخص تافه أنا مهندسة ميكانيكا باور وعندي 32 سنة وزوجة وام ولكن لظروف خارجة عن إرادتي مشتغلتش المهم انا مش عارفة اعمل ايه ومعنيش اخوات ولا قرايب ولا أصحاب ولا تواصل مع حد ...سوري ع الازعاج يا جما
بصي خليكي علي ثقه كبيره في ربنا والحاجه اللي مدياني اشكيها لربنا هوا الوحيد اللي هيساعدك وما تطلبييش مره بس اطلبي الف مره ولو بإمكانك ابقي قومي صلي قيام الليل وادعي وانتي اكيد هترتاحي وابقي قومي قبل الفجر وصلي ركعتين وادعي وممكن برضو ابقي غيري جو ما هو ممكن اللي انتي فيه دا بسبب مشاكل في البيت أو أي حاجه تاني ابقي اقعدي مع نفسك واتأملي وان شاء الله اللهم يختفي🤲🤲
تم النشر الاثنين، ٤ مارس ٢٠٢٤
استعيني بالله وثقي في نفسك اكتر وحاولي تعملي حاجة جديدة في حياتك وتخرجي شوفي هواية جديدة مثلا جيم قرائة قابلي صاحبات جديدة واتعرفي ع ناس جديدة وحطي اهداف نفسك تحققيها متستسلميش للإكتئاب اخرجي انت وجوزك واولادك وروحو مكان جديد غيرو جو وابتدي حبي نفسك اكتر مع الوقت وحاولي تبعدي عن انك تكوني لواحدك ع قد متقدري ولو عرفتي تشتغلي في مجالك كمهندسة ممكن ترجعي تاخدي كورسات وتقوي من نفسك وتشتغلي انتي لسة صغيرة ولسة حياتك قدامك اهم حاجة مش تستسلمي للإكتئاب
تم النشر الثلاثاء، ٥ مارس ٢٠٢٤
كان ايه السبب في وجود الاكتئاب ده؟ وهل حضرتك تابعتي مع معالج برضه + الطبيب والادوية اللي كاتبها ولا بتابعي ب أدوية فقط؟
تم النشر الاثنين، ٤ مارس ٢٠٢٤
حاولي تعرفي حد او تخرجى وتغيري جو واكيد هتلقى نفسك احسن وكمان اتعرفى على ناس تانيه وغيري نموذج حياتك. 🫶
تم النشر الاثنين، ٤ مارس ٢٠٢٤
حضرتك الموضوع محتاج لحد مختص في العلاقات بجانب الأدوية لو كانت ضرورة لان المعالج بيكون عنده وقت اكتر للاستماع لأسباب المشكلة وبيكون تفكيره اكتر فى مساعدة الشخص فى فهم نفسه وفهم مشاكله ومحاولة الوصول للاستقرار النفسى
تم النشر الأربعاء، ٦ مارس ٢٠٢٤
يمكن الجو أو البيئة المحيطة عندك هي السبب في الاكتتاب ده وطبعا المرض مش عيب وحضرتك إنسانة مؤمنة لكن حاولي تغيري روتين حياتك يعني اعملي حاجات جديده مفيده اشتركي في نادي احضري ندوات دينيه واتعرفي علي اصدقاء جدد وان شاء الله هتكوني كويسه ربنا يوفقك يا باشمهندسة.
تم النشر الاثنين، ٤ مارس ٢٠٢٤
لعرض السؤال في فدني اضغط هنا