انا ولد عندي ٢٠ سنة وعندي مشكلة ان انا لما بعمل اي حاجه وامشي مش ببقا متاكد منها يعني مثلا قفلت الباب او لا طفيت النور ولا لا وحاجات تانيه كتير مع اني ببقا عارف ومتاكد ان انا عملت الحاجة دي بس بيقعد يجيلي افكلر ان ممكن مكون معملتهاش او كده والموضوع دا بيكبر معايا وتقريبا مبوظلي كل حياتي
وسعات بخاف اعمل حاجات عشان مقعدش افكر فلموضوع بعدين ومبقاش متاكد
وبيجيلي برضو افكار سعات عن المستقبل وممكن يحصل كذا واقعد اخاف ان دا يحصل مع ان ممكن تكون نسبة انو يحصل تقل عن ١٠٪
وبقيت بخاف اعمل حاجات كتير بسبب الافكار دي وبخاف ان هي تجيلي بعد مبعمل الحاجة
وممكن اقعد اخاف من حاجات فلماضي ان هي تاثر علي مستقبلي
وسعات بخاف اعمل اي حاجه بسبب ان هي ممكن تطلع مش كويسة
بخاف اتعرف علي اي حد جديد او ادخلو حياتي بسبب الخوف من الي ممكن يعملو
وفي حاجات تانيه بس دا الي فاكرو دلوقتي
انا اسف طولت عليكم
ساعات واوقات ...يعنى حاجات بتيجى وتروح المشكلة تتسمى مشكلة لو الموضوع بيحصل بشكل متكرر او يومى وبقى خارج عن سيطرتك كويس انك حتى لو دى حاجة بتبدأ معاك انك تلاحظها عشان متوصلش لمشكلة فعلا. لو فى المعدل العادى فهى بتحصل معانا كلنا بسبب الافكار الكتير والمعلومات اللى بقت بتتحدف على مخنا طول الوقت بكميات كبيرة ....ده كفيل ينسينا اسمنا اصلا الخوف بقى ده ممكن يكون بس انك مبتحبش تبان غلطت ولا مطلعتش الحاجة مظبوطة ....هل ده بتفكر فيه ؟
تم النشر السبت، ١٩ أغسطس ٢٠٢٣
طيب لازم ترجع لمعالج نفسي .. طبعا المكان هنا مش للتشخيص ولكن الاعراض اللي انت ذكرتها ديه مشتبه انها تكون وسواس قهري - لازم ترجع للمعالج علشان يشخصك بطريقة صح، وتعرف حدة المرض معاك ايه برضه. ولكن خلينا نتكلم شوية .. في الاشياء اللي انت ذكرتها. انت قولت انك لما بتعمل حاجه وخلاص هتمشي افكار بتيجي بتقولك لا انت معملتهاش .. مقفلتش النور، مقفلتش الباب (العملية ديه اسمها عملية الاحكام والاغلاق) الحل انك وانت خارج هتقول لنفسك انا هطفي النور .. وخلاص طفيته اي فكرة تيجي هتقوم انت بعملية اسمها (الاستهزاء) يعني اتريق على الافكار ديه، لا تعطي ليها اي اهميه بتاتا .. مع تكرار العملية ديه الاعراض اللي عندك هتخف بالتدريج. محتاجة اسألك سؤال مهم - هل فيه حد اتريق عليك قبل كده في طفولتك وقالك انك مثلا هتفشل؟ او انك مش شخص كويس او ناجح؟ او كانت بتحصل اي مقارنات بينك وبين اي حد من قبل الاهل؟ او حد من اهلك كان بيضغط عليك عموما في المذاكرة بأنك لازم تتجتهد او لازم تنجح؟ هل فيه اي ضغط من اي نوع عليك؟
تم النشر السبت، ١٩ أغسطس ٢٠٢٣
انا نفس الكلام ولله
تم النشر الخميس، ٢٤ أغسطس ٢٠٢٣
انا نفس الحكايه
تم النشر الجمعة، ١٨ أغسطس ٢٠٢٣
انت الي مكبر الموضوع زياده عن اللزوم حاول تتصرف عادي جدا وتتصرف علي انك عملت الحاجه دي وانك متاكد من انك عملتها وتحاول تاخد الموضوع بي هداوه خالص والخوف ده منك انت لي نفسك انت الي بتخوف نفسك من انك عملت الحاجه دي ولا لا وانت عملتها فحاول انك تهدي خوفك
تم النشر الخميس، ١٧ أغسطس ٢٠٢٣
لعرض السؤال في فدني اضغط هنا