عندي 17سنه معنديش ثقه في نفسي وحاولت يبقي عندي بس مينفعش في أيام ببقا فيها عادي جدا وفي أيام تانيه ببقا فيها مش عاوزه انزل من البيت بسبب أن شكلي وحش الحاجه الوحيده الي نفسي اعملها هو اني احب واتحب من طرف ولد بس وانا صغيره الولاد كانو بيتريقو عليا ولحد دلوقتي في ناس اصحابي الولاد بيجو يقوللها أنهم معجبين بيهم حتي لو مش بيحبوهم بس علي الاقل شكلهم حلو وفي منهم الي بيتعاكسو في الشارع بس انا غير عمري ما حصلي كدا وانا في ابتدائيه كنت ماشيه في الشارع راجعه من المدرسه كان في عيال صغيره ماشين للعربيه قالو علي ما اعتقد وحش وتفو عليا اللحظه دي كنت عاوزه اعيط فيها بس كنت في الشارع معرفتش اعيط حتي في البيت مش بقول ل اهلي حاجه بعيط مع نفسي العيال كانو اصغر مني اصلا تاني حاجه وانا كبيره في السن دا وانا ماشيه كان في ولدين ماشين ورايا حدفو عليا حاجه عملت نفسي مش واخده بالي وكانو بيضحكو عليا وحبيت قبل كدا من طرف واحد بس هو كان مرتبط فا خلاص دلوقتي الايام دي بقيت اقعد مضايقه أو متعصبه في البيت وادخل اوضتي اعيط قبل منام نفسي حد يحبني بجد بقيت افكر في مستقبل هل في حد هيحبني هل اصلا حد هيرضي يتجوزني مظنش بقيت اشوف فديوهات حب ومسلسلات ويبقي نفسي اكون انا الي مكان البنت الي في المسلسل او الفديو وعاوزه اكلم اي حد بقيت ادور علي تطبيقات اكلم فيها ناس معرفهمش بس هما بيعوزو حجات تاني مني مش بيعوزو صداقه فا مسحت التطبيقات وكمان لما ببقا ماشيه في الشارع مثلا والقي ولد حلو اقول حلو في سري بس في نفس الوقت اقول لنفسي متقوليش عليه كدا اصلا مش هيبصلك فا متعشميش نفسك
فى البداية كده.من الواضح انك جميله وده ظاهر فى اسلوب كلامك وانك مش حابه تكونى فى اى مسار مش صحيح. لازم تعرفى أن كل واحد فينا يتمتع بجمال خاص سواء فى شكله.اسلوبه.تربيته.معاملاته مع الآخرين... يعنى كله واحد مميز بطريقة معينه واكيد طبعا انتى مميزه عن الآخرين فى مجال معين والموضوع ده انتى محتاجه تكتشفيه مع نفسك لازم يكون عندك ثقه فى نفسك وتكونى راضيه عنها علشان توقفى الصراع مع نفسك طول الوقت.واكيد أول ما هتكتشفى نفسك كويس ومع الوقت هتلاقى الشخص المناسب ليكى بس اهم خطوه انك تدى لنفسك فرصه انك تثقى فيها وتهتمى بيها وتكونى راضيه عنها وده هيفرق جدا فى حياتك وتعاملاتك المستقبليه وكونى دائما واثقه أن ربنا معاكى فى كل خطواتك وحياتنا فيها اختبارات ومواقف كتير فلازم نقوى على مواجهتها وده مش هيحصل الا بالإرادة والثقه بالنفس ..،وكونى دائما واثقه انك هتقدرى🌷
تم النشر الأربعاء، ١٩ يونيو ٢٠٢٤
حبيبتي، الجمال مسألة نسبية وأذواق الناس ليست واحدة، الجمال في عين الرائي وليس في شكل الشخص. الجمال والثقة ينبعان من داخلكِ فقط. أرى أنّ مشكلتكِ بالأساس أنّكِ لا تحبين شكلكِ ولا ترين نفسكِ جميلة... وربما في الحقيقة شكلكِ ليس بالسوء الذي توحين به لنفسكِ. ليس معنى أنّكِ لم تتعرضي لمعاكسات وتحرشات الذكور في الشارع أنّ فيكِ مشكلة أو أنّكِ لستِ جميلة بل احمدي الله أنّه لم يتعرض لكِ عديمي الأدب والأخلاق هؤلاء. هناك بنات كثيرات بمقاييس الجمال في مجتمعنا لسنا جميلات لكن حب البنت لنفسها واهتمامها بذاتها وثقتها بنفسها ينعكس على شكلها الخارجي فتجذب أنظار الناس وقلوبهم إليها. وهناك بنات يمتلكن فتنة وجمالا لافتا للأنظار لكن انعدام الثقة بالنفس ينعكس على مظهرهن الخارجي وفي بعض الحالات، الغرور والثقة الزائدة بجمالهن ينقلب إلى نفور منهن فلا يحب الناس التعامل معهن حتى لو انجذبوا لشكلهم الخارجي لبعض الوقت. وإن كان ما تريدين هو أن تحبي وأن يحبك أحد فلن يحدث هذا إلا إذا أحببتِ نفسكِ أولا وتقبلتِها... الناس تشعر بداخلكِ وتشعر بوجود ثقتكِ بنفسكِ أو انعدامها. حبكِ لنفسكِ هو أول خطوة ليحبك الناس، كيف تطلبين من الناس أن يحبوكِ وأنتِ لا تحبين نفسكِ وتنتقصين منها؟ نقطة أخرى... الأفلام والمسلسلات تعطي صورة كاذبة ومبالغ فيها عن الحب والمشاعر وأيضًا عن جمال المرأة وأن الجميلة هي من تستحق الحب وأن الحب هو أساس كل شيء في الحياة... هذه النوعية من الأفلام والفيديوهات ستزيد من هشاشة نفسكِ وتجعلكِ تغرقين في أحلام اليقظة وتتحسرين على حالكِ. اتركي هذه الأفلام وابدأي في تعلم أشياء نافعة، تعلمي مهارات تزيد من ثقتكِ بنفسكِ وتجعلكِ تشعرين أنّك تفعلين شيئًا مفيدًا في الحياة ولكِ قيمتكِ. املأي وقتكِ بكل ما هو نافع، قراءة، تعلم لغات، تنمية موهبة لديكِ. وسؤال مهم يجب أن تسأليه لنفسكِ... لماذا أنتِ موجودة في هذه الدنيا؟ ما رسالتكِ؟ هل هي الحصول على إعجاب الناس فقط؟ هل إذا قالوا أنني جميلة عندها فقط سأقتنع أنني جميلة؟ أنتِ ما زلتِ صغيرة وحرام أن تضيعي عمركِ بهذه الأفكار المغلوطة عن نفسكِ وتحصريها في الشكل الخارجي ونظرة الناس لكِ. أحبي نفسكِ فهي تستحق منكِ هذا وركزي في دراستكِ والمطلوب منكِ في هذه المرحلة من عمركِ ولا تهتمي لآراء الناس ونظراتهم. عندما تحبين نفسكِ وتفرضين وجودكِ وتنجحين، ستجبرين الناس كلها على تقديركِ واحترامكِ وحبكِ. أدعو الله أن يريح بالكِ ويبعد عنكِ وساوس الشيطان والهموم ويكتب لكِ الخير. بالتوفيق ❤️❤️
تم النشر الأربعاء، ١٩ يونيو ٢٠٢٤
انا برضو معنديش ثقه في نفسي ونفسي اللقي حل الموضوع بقيت بتكسف اتعامل مع ناس وكل شويه ابص في الفون واعدل شكلي
تم النشر الأربعاء، ١٩ يونيو ٢٠٢٤
شوفي بقا هقولك على سر خطير جدا في العقل الباطن ولغة التواصل والتخاطب الروحى بيقول ايه السر ده ( الناس بتشوفك زي ما انت شايف نفسك) يعني لو الواحد شايف نفسه إنسان ناجح أو حلو او أي صفة إيجابية الناس هتشوفه كده ولو شايف نفسه فاشل أو وحش أو أي صفة سلبية برده الناس هتشوفه كده لأن باختصار بسيط كل واحد منا ربنا مميزه بحاجة عن غيره فأنتي شوفي نفسك احلى واغلى واحسن واحدة في الدنيا وصدقيني الناس غصب عنها هتشوفك كده وانا شايفك إنك بنوته طيبة وقلبك نظيف وروحك حلوة واوعدك إنك إن شاء الله ربنا هيسعدك وهيجبر بخاطرك وهيعوضك عن كل لحظة صعبة عشتيها بصي لقدام لسه العمر امامك واحلمى بكل حاجه حلوه
تم النشر الأربعاء، ١٩ يونيو ٢٠٢٤
الخلاصه.... أعملي بقوانين الله وانسي البشر وانصحك بقراءه كتاب Beauty sick ستفهمين عن حب الظهور بالجمال ولو على حساب صحتك النفسيه وقيمتك ولا تفكري في الجمال الذي يدعو اليه البشر فأنه غير حقيقي ولو كان كذالك لما لعب الشباب بهن وتركوهن بعد ايجاد الافضل منهن ولا تعتقدي انك ان فعلتي كل وسائل الجمال سيكلم الشاب لاخلاقك مثلا ولا نسبك واهلك اطلاقا لا بل مجرد المظهر وكل هذا عالجه قانون الله المفترض تطبيقه ومسأله الحب اياكي ان تقعي في الحب الحرام اياكي ان تشاهدي المسلسلات العاطفيه لان اصلا حرام مجرد لمس المرأه ما بالك اللي بيحصل في الافلام والمسلسلات حاجه يعني اقل قيمه والمسمى حب وهما عايزين يرسموا الحب كدا ودا غلط لان الحب الحقيقي اللي بعد الجواز قبل الجواز ممكن يسيبك باي وسيله لو حس انه شايل مسئوليه ومش داعم انما بعد الجواز هو الحب الحقيقي الدعم والسند وتعليه قيمتك وهو المسئول عن اعالتك ومفيش حب حرام بينفع.... مفيش حب حرام بينفع هيدمر غالبا
تم النشر الأربعاء، ١٩ يونيو ٢٠٢٤
لو تأملنا سنجد ان الخالق هو من يعرف كيف سيتصرف خلقه فوضع لهم التشريع الصحيح إن كان زملائكم لا يعترفون بجمالك.. فالله قال " ولقد كرمنا بني ادم " دعيني اخبرك انك انتي في مجتمع اسلامي والرجل المسلم الحق يغار على بيته... ليس الرجال من تختار بحكم المظهر هذا مستحيل ولو كانت كذالك فأنتم يا معشر النساء مجرد ادوات مجرد جمال وفقط وان لم يكن هناك جمال من وجه نظر المغفل الذي يختار فيتركها معنى ذالك انه غير مهتم بعقلها كانسانه بخلقها ودينها وتعلمها وعلمها نسي انها انسانه واعتقد انها اداه فقط لتلبيه رغباته بين العائله والاصدقاء والمشي بينهم بفخر فها هي زوجتي الاجمل في الكوكب وغني يا سلطان ربما نسيت شيئا ها هي 👿 كلا ان الاسلام كرم المرأه اعز تكريم اولا امرها بالزي الشرعي تدبري اختي الزي الشرعي... الله امرها ان تلبس واسع وفضفاض ولا يكون شفاف فمن لم يرى ان هذا هو تغليه لقيمتك ان ممنوع احد يعرف تفاصيل جسدك سوا زوجك ولست مباحه للجميع لكي يتطلعوا عليك وهذا ما يريده العلمانيون ان تكون المرأه سلعه رخيصه بعرف المجتمع لو انها ترتدي الزي الشرعي لما احتاجت المرأه الغربيه الى تعتبر نفسها قليله وتنفخ هنا وتشفط هنا لا لا لا.. فهي بالأساس مستوره «مش محتاجه تتكثف من نفسها» فهذا أعظم تكريم للمرأه... قد تسألي ولماذا انا ولما لا يفعل ذالك الرجل وانا اسألك هل بحق ذالك ان الرجل له الحق بالجلوس بالمنزل والمرأه تحميه وتعمل من اجل اطعامه ليس صحيحا هذه قوانين من تشريع الانسان وهي النسويه التي تريد ان تساوي بين مكانه الرجل والمرأه ولاختلاف المهام تختلف الواجبات من الله المرأه لا تستطيع حمايه نفسها من الاشرار كما يفعل الرجل... المرأه عرضه للتحرش وانتهاك حرمتها والله من يعلم ذالك جيدا واقولها لك صراحه كرجال بحق «لا نحب ان تكون قيمه المرأه قليله ترتدي بناطيل ومجسم وميك اب وهذا ينظر وهذا يرى اي حقوق لنا كرجال قد أنتُهكت من قبل ولو بالنظر فهي بالمعنى العامي مرأه قليله القيمه لا تحافظ على اوامر ربها فكيف تحافظ على تربيه ابنائي؟
تم النشر الأربعاء، ١٩ يونيو ٢٠٢٤
كنت اليوم بشوف مقطع عن مهتديه اوروبيه وهي بتجادل عن الحجاب في الاسلام والله اذهلني قمه الادب في تعامل الشيخ معها وفهمها... حيث باختصار ما فهمت من صحيح كلام الشيخ "قال لها أنتي تعيشين مقيده بالحاضر لذالك انت قد تشعري بالتعاسه" نعم والله العباره صحيحه 100% نحن نعيش بالدنيا مقيدين بالتقاليد وما يدعى التحضر تلك الفتاه في الغرب وانا اتحدث عموما.. تنزل من بيتها بدون حجاب كي تبرز جمالها من خلال علامه الشعر تلك الفتاة الغربيه ترتدي التنوره القصيره في وقت البرد القارص وتنزل بيها لما تطلبه منها المجتمع تلك الفتاة الغربيه قد ماتت في عمليه نفخ الجزء الخلفي من جسمها في البرازيل كلهن يسعين لكي يعدلوا في خلق الله هي بالفعل جميله والله خلق كل شيء جميل لكن ما يروج لها ويحطم نفسيتها هو فقط تعلقها بالعباد وليس رب العباد نعم كما سمعت فهم يتعلقون باعراف وضعها البشر ونسوا ما وضعه الله لهم فأليك السؤال هل قوانين الخالق من يعرف خلقه ام قوانين المخلوقين؟؟! .... يتبع
تم النشر الأربعاء، ١٩ يونيو ٢٠٢٤
يا حبيبتي، أولاً، بدي أقولك إنك مو وحدك في الشعور ده، وكثير ناس بيشعروا بنفس الطريقة في فترة من حياتهم. عمرك 17 سنة ولسا عندك الوقت تجرب وتتعلم وتكبر بثقتك بنفسك. خلينا نتكلم شوية عن الثقة بالنفس. الثقة بالنفس مش حاجة بتنولد معانا، دي حاجة بنتعلمها وننميها. الخطوة الأولى هي إنك تبدئي بتحبي نفسك، نعم، حب نفسك أولاً قبل ما تدوري على حب من طرف تاني. ابدئي بتحسين نظرتك لنفسك: اشغلي نفسك بحاجات بتحبيها : سواء كانت هوايات، رياضة، قراءة كتب، أو تعلم شيء جديد. لما تكوني مجتهدة في حاجة وبتستمتعي بيها، ده بيزيد ثقتك بنفسك. اهتمي بنفسك : يعني تعتني بشعرك، بشرتك، وتلبسي لبس بيريحك وبيعطيك ثقة. مش مهم تكوني عارضة أزياء، المهم تحسي نفسك مرتاحة وسعيدة بشكلك. ابتعدي عن السلبيات : سواء كانوا أشخاص بيثبطوك أو أماكن بتخليك تشعري بالاكتئاب. وحاولي تحيطي نفسك بناس داعمين وإيجابيين. كلمي نفسك بإيجابية : غيري الطريقة اللي بتكلمي بها نفسك في دماغك. لما تقولين: "أنا وحشة" أو "محدش هيحبني"، حولي الكلام لـ "أنا جميلة بطرق مختلفة" و "أنا مستحقة للحب والإعجاب". بالنسبة لتجاربك القديمة مع الناس اللي كانوا بيتريقوا عليكي، حاولي تفصلي نفسك عن الذكريات السلبية دي. الحاجات اللي تفتكريها من الماضي مش هتحدد مستقبلك، ولا تخلّيها تسيطر على حياتك. أما عن الحب، صدقيني، الحب هيجي لما تكوني جاهزة داخلياً. أولاً حبّي نفسك، ولما تعملي كده، هتلاقي ناس بتحبك للي انتي عليه بجد مش للمظاهر. كلنا مرينا بمراحل صعبة وكان عندي نفس الأفكار، لكن بقدرتنا نغير نظرتنا ونطور من نفسنا. خذّي الأمور وحدة بوحدة، وما تستعجليش. وأنا هنا معك لأي سؤال أو دعم تحتاجيه. 💖
تم النشر الأربعاء، ١٩ يونيو ٢٠٢٤
السلام عليكم ورحمه الله اهلا وسهلا ✴️خليني اسألك سؤال، هل يوجد معيار ثابت للجمال؟ ✴️هل فعلا انتي زي ما بتوصفي نفسك من غير تضخيم او تزويد ؟ ✴️هل فعلا فرص الزواج و العمل و حب الناس للست محصور في شكلها ؟ 🔹 الاجمل من الشكل و هو الاخلاق الحميده ، الروح الحلوه ، الثقه بالنفس و التزيد بالعقل الحكيم و حسن التصرف في الأمور و المهارات الاجتماعيه. هي دي اللي تحدد من انتي ، اما الشكل دا خلقه الله والله لا يخلق شئ سيئ ابدا. فيه اللي هيحب جمالك و شكلك بس هيحبه ازاي طول ما انتي مش حبه شكلك ؟؟؟ 🔹حبي نفسك و اهتمي بصحتك النفسيه و الجسديه ، اهتمي تكون بوزن افضل ، ارتداء ملابس مهندمه ، اقرأي و خليكي واعيه ، و انزلي شوفي شغل و اعرفي حقوقك و واجباتك كويس. 🔹فيه كتاب جميل هيزود الثقه بالنفس اسمه أنه من حقك يا اخي للدكتور عبدالستار إبراهيم رائع انصحك بقراءته و تطبيقه. 🔹 و نصيحه متقبليش أن حد يصنفك أو يحط ليكي معيار او يحطك في قالب انتي تقدري تبقي اجمل واحده في العالم لو انتي عاوزه تشوفي نفسك كدا. و فيه امثله كتيره لمشاهير اتحاربت بس هما تحدوا كل دا و وثقوا في أنفسهم عندك الاعلاميه الاكثر شهره في العالم أوبرا وينفري اتحاربت كتير ولكن اتثبت نفسها بعلمها و مهاراتها و لما نحجت الكل عاوز يكلمها و يعرفها. حتي لاعب الكوره ميسي اتعرض للتمنر و أنه قصير و مش هينفع يلعب و اتحارب بس هو صمم أنه يكمل و بقي من اشهر لاعيبين كره القدم . ✴️ الخلاصه حبي نفسي علشان الباقي يحبك، و قدري نفسك علشان تتقدري. و تحلي بالعلم و الاخلاق الحميده. تحياتي لكي🌹
تم النشر السبت، ٢٢ يونيو ٢٠٢٤
هو مين قال إن شكلك وحش إنتي محتاجه تحبي نفسك اكتر وتعملي حاجات تذود ثقتك بنفسك زي لو زايده في الوزن تخلي جسمك مظبوط وهكذا ولو حد ضايقك أو اتنمر عليكي وزعلك فـ العيب فيهم هما مش فيكي وسيبك من موضوع الحب وكدا نصيبك هيجيلك لحد عندك متقلقيش وقربي من ربنا وإن شاء الله ربنا يكرمك 🤍
تم النشر الخميس، ٢٠ يونيو ٢٠٢٤
ولازم تقتنعي ان كل انسان ليه عيوبه ومميزاته فاقبلي نفسك بعيوبها ومميزاتها وتقبلي شكلك لان ربنا اللي خلقك عليه واكيد مميزك فحاجات عندك مش عند حد تاني فإحمدي ربنا يحببتي واعرفي انك جميله ومميزه
تم النشر الجمعة، ٢١ يونيو ٢٠٢٤
نظرة الانسان لنفسه مرايه للي حوليه طول ما انتي شايفه نفسك وحشه الناس هتشوفك كدا ربنا مخلقش حد وحش كل واحد فينا حاجه بتميزه يحببتي وانتي اكيد فيه اللي بيميزك حبي نفسك عن كدا وقربي منها بلاش تديلها كلام سلبي كل يوم فالمرايه بصي لنفسك واقنعي نفسك انك زي القمر وانك بتحبي نفسك وان قد اي انتي شايفه نفسك جميله والتغيير مش هييجي من مره ولا اتنين لا واحده واحده حبي نفسك قربي منها لو حبيتي نفسك وشوفتي نفسك جميله الناس كلها هتشوفك جميله خليكي رحيمه مع نفسك شويه يحببتي وصدقيني انتي جميله اقتنعي انتي جواكي بكدا وبلاش تقارني نفسك بغيرك غيرك عنده نواقص انتي متعلميش عنها ركزي مع نفسك انتي وبس
تم النشر الجمعة، ٢١ يونيو ٢٠٢٤
انا تقريبا زيك انا شاب عندى اعاقة وقصير القامة يعنى انا داخل على الاربعين وشكلى يدى 16 سنة كدة وعمرى ما اتحبيت من بنت انا اللى كنت بحب وبس من طرف واحد
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا