نا كان عندي صحاب كتير اوي زمان بس دلوقتي كل واحد فينا افترق بسبب الكليات و كدا ووبقينا بننزل مع بعض كل فين و فين ..دلوقتي نا حصلي كام مشكله ورا بعض مخليني فاقده الثقه في اي مخلوق حتا ساعات بشك ف نفسي حرفيا بدون افوره بس قررت اني احاول ابسط الدنيا حوليا و اخد الثقه تاني و اتكلم مع ناس جديده ...جربت انزل الكليه و اعد مع ناس بس كل لمه عددهم بيكتر كل لمه كلامي بيقل و ساعات مش بلاقي كلام اقولو و بحس اني متوتره اوي و بمشي علطول مش بطول حاولت كام مره بس كل كلمه كنت بخاف اكتر و بمشي اسرع ..نا بجد مش عارفه اي السبب و في نفس الوقت نا زهقت حياتي فاضيه اوي مش بعمل اي حاجه ف يومي و لمه بنزل الكليه مش بعرف اتأقلم برجع اعيط ف البيت ..ارجع ازاي اجتماعيه و اكون صحاب جداد؟
لو أنا اللى عندى نفس مشكلتك هفكر بطريقة مختلفة شوية والله اعلم اذا كانت صح او غلط بس انا كنت هحاول انتقى الناس اللى يقعدوا معايا مش اقعد مع ناس كتير و خلاص لمجرد انى ابقى اجتماعى و مشكلة الثقة أعتقد أن حلها هيا انك لا تعطى ثقتك لاى شخص و السلام لازم تنقى الشخص دا عشان لما تثقى فيه تكون الثقة فى محلها و مع ذلك برضو لازم تتوقعى أن الشخص اللى وثقتى فيه قد يخطئ لانه بشر و كلنا نخطئ أما بالنسبة لمشكلة الخوف من الكلام مع الناس دى ممكن تكون ناتجة عن الوحدة أو عدم الاختلاط و الله اعلم جربى تتطوعى فى مؤسسات خيرية اعتقد هتكسر عندك حاجز الخوف و ممكن كمان تنزلى كورسات على الأرض دا كمان هيساعدك جدا
تم النشر الأربعاء، ١٥ نوفمبر ٢٠٢٣
بصى انتى مشتاقه لاصحابك القدامى اصلا ونفسك ترجعلهم اومال انتى كنتى بتكلمى معاهم الناس الجديده هما هماهم زميلاتك القدامى خدى ثقه والى عاوز يكلمك يكلمك
تم النشر الثلاثاء، ١٤ نوفمبر ٢٠٢٣
فى اسئلة هنا شبه سؤالك جربى كده النصايح اللى فيها ,,ان شاء الله تفيدك https://fedni.net/q/94989026/انا-لوحدي-ومليش-صحاب-خالص-في
تم النشر الخميس، ١٦ نوفمبر ٢٠٢٣
المشكله اللي حصلت لك دول او حصلت لك دول قصروا عليك بمعنى ايه بمعنى ان احنا دلوقتي في فتره لازم نستغل الفتره دي ان احنا نسمح لنفسنا ان احنا نقعد مع نفسنا يعني ايه هي الفكره في ايه الفكره ان احنا مش مش مستحملين نفسنا مش قادرين نتحمل ان احنا في فتره اي انسان فينا بيمر بفترات في حياته الفتره دي بيكون محتاج يقعد فيها مع نفسه يراجع نفسه يراجع اوراقه يراجع الحاجات اللي حصلت فيها راجع المشاكل اللي حصلت له مين سببها ومين كان السبب فيها هل انا هل الشخص التاني طب ليه انا طب ايه اللي محتاج فيها يتغير طب الاشخاص التانيين عملوا كده ليه؟اللي محتاجه اعرفه عشان اعرف عن العلاقات وان ازاي اظبط علاقاتي وان ازاي امش في علاقه صح كل ده انا محتاج اعرفه محتاج ان انا اقعد مع نفسي فتره ما فيش مشكله ان انا في فتره من فترات حياتي اقعد لوحدي ما فيش مشكله في فتره من فترات حياتي اكون مش متصاحب على حد بس هي الفكره ان انا اتقبل نفسي لان انا ممكن اكون انا مش قابل نفسي فمش قادر اقعد مع نفسي طيب انا مش متقبل نفسي مش متقبل نفسي ليه اسال نفسي برضو كان سؤال ليه مش متقبل نفسي ايه اللي مخليني زعلان من نفسي وابدا اتصالح مع نفسي اعمل معها زي ما بنقول كده معاهده تصالح ليه انا زعلان من نفسي كل الحاجات دي بتاخد وقت فااسمح لنفسي بالوقت ده مجرد ان انا اسمح لنفسي بالوقت ده واتقبل نفسي في اي حال من الحالات ده هيفرق معي كتير وهيخليني ارجع تاني لكن طول ما انا بقاوم طول ما انا هقف في.
تم النشر الأربعاء، ١٥ نوفمبر ٢٠٢٣
لازم تصاحبي نفسك الأول و تتعلمي تنبسطي بالحاجة لوحدك لأن دي ال comfort zone بتاعتك حاليا لما تحسي انك واثقة كفاية انك تقدري تتبسطي و أن مافيش حد هيخش حياتك هيشقلبهالك هتعرفي تتعاملي مع الناس تاني ❤️
تم النشر الأربعاء، ١٥ نوفمبر ٢٠٢٣
اولا الفرقة حصلت بسبب الكليات ليس بسبب آخر لازم تقبل الأمر والحياة الجديدة بكل مابها حاولى تجديد الثقة بالنفس تنوع الأفكار الإقبال على التجمعات بابتسامة جددى من افكارك إقرائى كثيرا عن كيفية تكوين علاقات وصدقات الدنيا مستمرة وكل لحظة فيها جديد لاداعى للاستسلام والدموع والخوف والبعد من لاشئ اقحمى نفسك فى الأنشطة الطلابية ولاتهابى نفسك وربنا يوفقك اطرقى كل باب بهدوء وثبات ربنا يكرمك ويحفظك بكل الخير
تم النشر الثلاثاء، ١٤ نوفمبر ٢٠٢٣
وعكي كتير اوعي تكسفي لو مكسوفة مثلا تكلمي في موضوع عفيس زي مثلا تكتبي بوست وخائفة ناس تشوفك بتكتبيه لا اكتبي هديه كتحدي وانا عارف موضوع بيبقا سخيف بس لازم تاخدي خطوة دي وصدقيني لو عايزة السعادة قربي من ربنا اوي لحد ما يبقا عندك يقين واي مشكلة مش هتتحل ألا بصلاة 5 فروض اي حاجة حرفيا وصلاة هتجيب كل حاجة كويسة ولما تقوي علاقتك بربنا وتحسين بالقيين هيبقا عندك ظن كويس بربنا واوعي تسمعي الأي وسواس أو اي حد بيقولك اعلي معصية حتي لو ابوكي أو امك لأن ده يمكن يمكن يكون إختبار
تم النشر الثلاثاء، ١٤ نوفمبر ٢٠٢٣
وعشان تلاقي ناس دي لازم تشتغلي علي نفسك ومضيعيش وقت في اليوم ومع الوقت ناس دي هتلاقيها وربنا الي كاتبه لك هيحصل كده كده فمتخافيش بس اسعي وادعي في سجود وبصي متقعديش تدوي عناس تصاحبيها لأ تفعالي مع الي بيكلمك وافتحي مواضيع يعني متلزقيش من اخر
تم النشر الثلاثاء، ١٤ نوفمبر ٢٠٢٣
عشان اكون صريح دي ضعف شخصية عشان تقاويها بقا شوفي انتي دلوقتي من غير زعل إنطوائية اوعي تفتكري إن انطوائية دي شئ عيب لا لازم تاخديها بإنها ميزة مش لازم تبقي منفتحة اوي حاولي تكوني وقوي علاقتك بإتنين تلاتة صحابك لازم تبقا علاقة قوية بحيث لو شايفين عيب فيكي يقولهولك وتتغيري
تم النشر الثلاثاء، ١٤ نوفمبر ٢٠٢٣
الفترة دي نا مريت بيها بعد تاتة اعدادي وحرفيا كان عندي توحد في ثانوية ناس كتير كان نفسها تتعرف عليا وتصاحبني نا اللي كنت قافله من كل حاجه بعد ما سبت صحابي القدامى اللي دلوقتي معرفش عنهم اي حاجه انا اللي دايما كنت بسأل وأهتم والله كنت كل يوم برن علشان اطمن عليهم قولت اسيبهم مرة هما يرنوا حرفيا قعدنا خمس شهور متكلمناش خالص لاني قررت اشوفهم هيهتموا ولا لا طلع ولا فارق صاحبت ناس جديده واتعلمت حاجات حلوة وتخلصت من الوباء بتاعهم بأفكارهم بكل حاجه خلاصه كلام ارمي كل حاجه ورا ضهرك حاولي تتطوري من نفسك اقسم بالله ما حد بينفع حد...مش بقولك تجربتي دي علشان تكتئبي بس والله عيزاكي تبصي لقدام لاني فعلا محدش بينفعك غير نفسك💙
تم النشر الثلاثاء، ١٤ نوفمبر ٢٠٢٣
لعرض السؤال في فدني اضغط هنا