من ساعة مخدت الاجازة مش بعمل حاجه
ومعنديش صحاب كتير اخرج معاهم
ايه اللى ممكن اعمله فالاجازة دى
لو سنك اكتر من 15 سنه ..انزل اشتغل اى حاجة او خد كورس سوشيال ميديا او اتدرب على شغل برامج office انزل عمل تطوعى فى جمعية رسالة او جمعية الاورمان
تم النشر الأحد، ٣٠ يوليو ٢٠٢٣
طور نفسك ونمي مهارتك أو أتعلم مهاره جديده احفظ قرآن اتعلم أحكام التجويد والقراءات انزل الجيم واتعلم رياضة جديده أو أي نشاط ترفيهي أقرأ وأكتشف معلومات جديده أعمل أعمال خيريه أو أشترك فيها أهم حاجه تستغل أجازتك بشكل مفيد
تم النشر الأحد، ٣٠ يوليو ٢٠٢٣
حاول تعمل حاجات جديدة ومنهم: - الرياضة التطوع الشغل تتعلم حاجه جديدة تنمية موهبة معينه إنك تهتم بنظام أكلك تتعرف عن ناس جديدة أما عن الكتب اللي ممكن تساعدك وتكون كويسة كتب د. محمد طه كلها الخروج عن النص الفصل الاول والثاني علاقات خطرة لأ بطعم الفلامنكو ذكر شرقي منقرض كتب كيرلس بهجت كتاب اللامكترث جميل جدا المدخل لفهم سيكولوجية الإنسان المهزأ كتاب ٤٠ الاربعون الشقيري كتاب نظرية الفستق لفهد عامر الاحمدي كتاب عقدك النفسية سجنك الابدي ل يوسف الحسني أما عن القنوات اللي ممكن تتابعها على اليوتيوب المفيدة قناة حازم الصديق والبودكاست بتاعه Hazcast : اجتماعية، تعليمية قناة اسماعيل فؤاد قاسم : صحة نفسية قناة وعد امين : تغذية دروس اونلاين : تعليمية Nedal Reads : مراجعة كتب نادي القراءة العملية: تعليمية ومهنية وتطوير ذات وده برده الموقع بتاعهم (نادي القراءة العملية) هتستفادي منه جدا باذن الله نرمين البحيري : صحة نفسية اخضر : تعليمية ، تطوير ذات، مراجعة كتب جيل يقرأ : تعليمية ، كتب وممكن كمان تاخد كورسات وتطور من نفسك وده هتلاقيه على اكتر من منصة ومنهم كورسيرا، ادراك
تم النشر الأحد، ٣٠ يوليو ٢٠٢٣
الشاب ليس عنده وقت فراغ ... الشباب سعلة نشاط ... عمل ممارسة رياضة .. قراءة .. صيد .. رحلات .. عمل .. سفر .. حضور ندوات او دورات .. تعلم مهارات جديدة
تم النشر الأحد، ٣٠ يوليو ٢٠٢٣
حاول تكتشف نفسك اكتر ، اتعرف علي نفسك ، كون صداقه مع نفسك ، اعرف مين هو فعلا مصطفي ، يمكن تكون دي حاجه غريبه بس احنا محتاجين نعرف نفسنا فعلا ، دور علي الهوايات اللي كنت بتحبها زمان وكنت متعود تعملها ، استرجع زكرياتك مع نفسك ، لو مش فاكر أو معندكاش هوايات عادي ، اعمل هوايات جديده ، جرب اي حاجه ، اي رياضه ، اي هوايه ، لغايت م تلاقي هوايه فعلا انت مبسوط فيها وحابب انك تكمل فيها ، نزل برنامج لياقه بدنيه وامشي علي التمرينات ، نزل كتب او روايات pdf واقرأهم ، اكتب يومياتك مثلا ده هيفيدك جدا ، خصص يوم تتفرج فيه علي فيلم مع عيلتك أو تعزم صاحب عندك في يوم وتقضوا اليوم مع بعض مجرد انكوا بتهزروا وتضحكوا وتقضوا وقت حلو مع بعض مش اكتر ، اهم حاجه ممكن توصلك لده فعلا انك تفهم وتعرف نفسك ، ونصيحه اخيره لو انت بعيد عن ربنا قرب من ربنا وصلي وادعي وهتلاقي ابواب الدنيا كلها بتتفتح في وشك والدنيا ماشيه معاك " زي الحلاوه في السكينه ".
تم النشر الأحد، ٣٠ يوليو ٢٠٢٣
جربي تقري او تتعلمي حاجه جديده او رياضه جديده
تم النشر الأحد، ٣٠ يوليو ٢٠٢٣
لعرض السؤال في فدني اضغط هنا