ازاي اتعامل مع فكرة ان الناس مش شبهى بحس انى وحيده فى وسطهم وبحس ان مفيش حد بقى سالك كله عايز مصلحته وبس
السلام عليكم ورحمه الله وبركاته. الطبيعي انه طبعا كل الناس هتكون مختلفه عننا والاختلافات هتكون متباينه يعني في حد هيكون مختلف عني تماما يعني ده 100% مختلف عني انا في حته وفي حد ثاني يعني مختلف عني 50% في حد غيره مختلف 30% فالنسب هتختلف الفكره هنا في انه انا لازم اول حاجه اعملها اتقبل ان الناس مختلفين لما بيكون عندنا توقعات في الحياه او نظره كده بانه انا عايزه الاقي حد يديني زي ما انا بدي بالضبط. طيب ده كده معناه ايه ده معناه ان انا بصعب اصلا على نفسي الحياه المساله بتبدا ايوه من الافكار اللي جوانا ده مش معناه انه انت اللي عليك مسؤوليه كلها لا طبعا فيه مسؤوليه دائما على الطرفين في اي علاقة سواء مع اصحابك او مع اهلك ايوه انت من حقك انك لما يكون في حاجه انت بتدوري عليها هم يهتموا ويحاولوا ان هم يوفروا لك الحاجه اللي انت بتدوري عليها دي ونفسك فيها بس خلينا نقول هل هم فعلا يعرفوا انت محتاجه ايه ولا انت مستنيه دادا ضمنيا اللي هو يعني هم المفروض يعملوا كده لوحدهم دي بقى هي بتبقى من تاني الحاجات اللي هي افكار غلط مش المفروض ان احنا نتعايش بيها لانه مش كل الناس هتفهم كده لوحدها ده نادرا لما هنقابل شخص عشان كده بنتمسك بيه بقى ونقول بس ده اللي بيفهمني من غير كلام وبرضه مش هيبقى 100% بيفهمني او طول الوقت بيفهمني من غير كلام انا محتاجه اني اعبر واوضح اللي انا محتاجاه وهنا بقى تبقى ايه العهده على اللي حواليا انه لو حتى كمان انا عبرت بشكل واضح جدا يا جماعه انا محتاجه كذا ده هيخليني في وضع احسن وانتوا اكثر ناس انا مستنيه منهم ده ولو مهتموش بده هنا يبقى خلاص بقى ايه دي مسأله ثانيه خالص. خلي بالك من النقط دي كويس عشان فعلا تقدري تبقي مرتاحه في المحيط اللي انت فيه ما تبقيش طول الوقت باصة اللي حواليكي بانك شايله بينهم وزعلانه منهم قوي ان هم مش شبهك او تحسي انك من في مكان انت مش مرتاحه فيه لانه مهما رحت في اي مكان هتلاقي انه الناس اللي حواليكي مش شبهك وان انت مختلفه عنهم وده الطبيعي.
تم النشر الخميس، ٢٠ مارس ٢٠٢٥
السلام عليكم، احنا مش المفروض أصلا نكون شبه بعض حتى مع الأقارب والأصحاب والمعارف، مينفعش نكون نسخ من بعض وإلا هتبقى الحياة ملهاش معنى، احنا بنكمل بعض. فكرة إحساسك بالوحدة وسطهم ملهاش علاقة إنهم مش شبهك، ممكن فيه مشكلة بالتواصل، مهما بلغ اختلافكم أكيد فيه نقط مشتركة، اهتمامات أو أفكار ممكن تتلاقوا فيها. لو ملقتيش النقاط المشتركة فده لا يمنع إن يكون فيه ود وتواصل خاصة مع القريبين مننا. فكرة إنه كله بقى عاوز مصلحته أعتقد فيها تعميم. ممكن ظروف الحياة بتتدخل فتحسي إنهم مهملين أو مش بيسألوا أو مش بيقدموا نفس اللي بتقدميه، ممكن أسباب تانية، ممكن انتِ عاطفية وغيرك مش بيعرف يتعامل بعواطفه، فيه أسباب كتير، فنحسن الظن لكن كمان نقلل عشم وتوقعات. في تعاملك مع الناس عمومًا حاولي تقللي توقعاتك، أو متتوقعيش منهم شيء معين عشان لا تنصدمي بعد كده. أي فعل أو تصرف تعمليه خليه دائمًا لوجه الله، في الحالة دي حتى لو اللي قُدامك مقدرش الفعل ده فهو خلاص اتحفظ عند ربنا واللي عند ربنا مش بيضيع. فقللي توقعات في العلاقات عمومًا، حطي نفسك رقم واحد وقدريها وثقي بها واستغني عن الناس، الحاجة الدائمة للحصول على رضا الناس أو توقعاتنا منهم بتخلينا للأسف نتصرف لاشعوريًا بطريقة ممكن تنفرهم مننا، لكن الشخص اللي بيركز على نفسه ويقدرها ويستغني عن الناس، بيحصل معه العكس، الناس هي اللي بتسعى عشان تشتري رضاه وقربه. جربي كده تركزي على نفسك الفترة الجاية وتطوريها وتزودي ثقتك بها وإن شاء الله تلاقي تغيير أفضل في حياتك. بالتوفيق.
تم النشر الخميس، ٢٠ مارس ٢٠٢٥
إن الشعور بالوحدة في عالم مليء بالناس يمكن أن يكون تجربة صعبة ومؤلمة. من المهم أن تدركي أن هذا الإحساس ليس حكراً عليك، فالكثير من الناس يواجهون تحديات مماثلة. إليك بعض الاقتراحات التي قد تساعدك في التعامل مع تلك المشاعر: تغيير النظرة : حاولي أن تنظري إلى الآخرين من منظور مختلف. قد يكون لكل شخص قصته الخاصة وظروفه التي تؤثر على سلوكياته. تذكري أن البحث عن المصلحة الشخصية قد يكون رد فعل طبيعي للضغوطات التي يواجهها البعض. البحث عن التواصل الحقيقي : حاولي استكشاف علاقات جديدة مع الأشخاص الذين يشاركونك اهتماماتك وأفكارك. يمكن أن تكون الأنشطة الاجتماعية أو التطوع في المجتمع فرصة للتعرف على أشخاص جدد. التعبير عن المشاعر : لا تترددي في مشاركة مشاعرك مع الأشخاص الذين تثقين بهم. قد يسهم الحوار في إيجاد فهم مشترك ويخفف من شعور الوحدة. تقدير الذات : اعملي على تعزيز ثقتك بنفسك. اعرفي نقاط قوتك واهتمي بنفسك، فكلما كنت راضية عن نفسك، زادت قدرتك على التواصل مع الآخرين. الصبر والتسامح : تذكري أن العلاقات الإنسانية تحتاج إلى وقت. كوني صبورة مع نفسك ومع الآخرين؛ فبعض الأشخاص يحتاجون لوقت أكثر للتواصل والتفاعل. الرؤية الإيجابية : حاولي أن تتبني رؤية إيجابية تجاه الحياة والمحيطين بك، وركزي على الأشياء الجيدة والجميلة حولك. أخيراً، تذكري أن الله معنا في كل لحظة، وعلينا أن نثق بحكمته. استمري في السعي للبحث عن قدر أكبر من الفهم والتواصل، وستجدين الألفة في الأماكن التي لم تتوقعيها.
تم النشر الخميس، ٢٠ مارس ٢٠٢٥
اولا ربنا خلقنا مختلفين عن بعض وكمان التربية والبيئة بتفرق .. مشكلتنا اننا بنستنى الناس تعاملنا زي مابنعاملهم وبننسى جزئية الاختلاف دي ، فانتي خلي عطائك محدود مش مع اي حد وكمان حاولى تخلي نيتك في العطاء انها لله مش عشان الناس تحبني او يقولوا عليا كلام حلو .. كدا كدا مافيش شخص الناس بتجمع على حبه .. حتى اشرف الخلق سيدنا محمد كانو اهله بيحاربوه ويئذوه . فدا طبيعي في البشر
تم النشر الخميس، ٢٠ مارس ٢٠٢٥
تعاملي مع من هم مثلك ودعك من التفكير في هذه الأشياء أحيانا المرء يفكر في أشياء كهذه ولكن يجب أن يتخللها كي لا تؤثر بشكل سيء وان أحسست ان لا أحد مثلك فلا تلتفتي لهم واكتفي بنفسك واوريها مثلا قراءة الكتب الاستغفار الزميه او حفظ القرآن هذا سيكفيكي عن التعامل مع الناس اصلا
تم النشر الخميس، ٢٠ مارس ٢٠٢٥
عندك حق للأسف بس مقتنعه إن إللي عارف ربنا نفسه نضيفه عشان ربنا في قلبه
تم النشر الخميس، ٢٠ مارس ٢٠٢٥
خليكي بعيد اقرأي الناس الاول افهميهم علشان تبقي عارفه تتكلمي مع مين وازاي وبلاش طيبة زيادة عن اللزوم مش هتنفع اعملي الصح اللي يرضي ربنا ويرضيكي مترضيش الناس والله ما بيعجبهم حاجة
تم النشر الخميس، ٢٠ مارس ٢٠٢٥
اتعاملي بحذر م كل الناس وخدي فكرة انك م شبههم بدافع انك مختلفة واحسن وخليك فاكرة انك طول م انت بتعملي الصح وبترضي ربنا وقريبة منه وبتتقي الله ف كل حاجة فانتِ كده ماشية صح وفكك من كلام اي حد واي حد يقولك ان الطيبين بيداس عليهم دي مش حقيقة بالعكس دول في الزمن ده نادرين وناس مختلفين كفاية ان ربنا شايفك وعارف انت احسن منهم م مهم تكسبي دنيتك اهم حاجة اخرتك
تم النشر الخميس، ٢٠ مارس ٢٠٢٥
انا طبيعتى مليش علاقه بحد ومش بتدخل فى حياة حد وبلاقى ال بقدمله خير بيتحول وببقى اسوأ من عدو قالولى بيغيروا بس انا والله بفضل اطلع احسن حاجه فيهم واقولهم انهم افضل منى ابتلائي فى الحياه كدا بييجى فتره للواحد وبرجع لطبيعته البشريه وبيحتاج ان يتقدمله جزء بسيط من ال بيقدمه للناس بيحتاج حد يقف معاه ويكون بيحبه وقلبه صافى بس للاسف مفيش حتى الاهل مش بيملو الفراغ دا مكنش فيه غير اختى الله يرحمها هى ال كانت بتصبرنى ربنا يجمعنى بيها
تم النشر الخميس، ٢٠ مارس ٢٠٢٥
لعرض السؤال في فدني اضغط هنا