مجموعى السنين إلى فاتت حلو... دلوقتى داخلة تالتة ثانوى وبعدما عرفت أسعار الكتب ومصاريفها، خايفة بعد كل ده اضغط على اهلى وموصلش فى الاخر... هما مشتكوش وماشين معايا للآخر بس بحس بالذنب إن فى الاخر موصلش.
أسيبها على الله طالما هاعمل اللي عليا ويكرمنى ولا فى الاخر حظوظ بعد كل ده؟
لماذا تتوقعين الشر قبل وقوعه لا قدر الله؟ اعملي ما عليكِ وارمي كل هذه الأفكار خلف ظهرك فهي لن تفعل شيئًا إلا إحباطك ومنعك بالقيام بما يتوجب عليك فعله للنجاح. ابدأي في وضع خطة للدراسة ونظمي وقتك وتعلمي طرق للمذاكرة بذكاء وجددي نيتكِ من الدراسة وضعي في بالكِ دائمًا أن الله لا يضيع أجر من أحسن عملًا، سيكتب لكِ النجاح والخير ويرضيكِ به إن شاء الله. وأيضًا لا تبدأي العام بقلق وشعور أن الثانوية سنة مصيرية كما يعتقد الناس... هي سنة عادية وأنتِ من تحققين النجاح أيًا كان مجموعكِ في النهاية وأيًا كانت الكلية التي ستدخلينها. ابدأي وتوكلي على الله. بالتوفيق.
تم النشر الثلاثاء، ٣٠ يوليو ٢٠٢٤
أختي العزيزة، أولاً خليني أقول لك إن مشاعر الضغط والقلق قبل دخول تالتة ثانوي حاجة طبيعية، خاصة مع تكاليف التعليم والكتب اللي بتكون مرتفعة. بس حاولي تركزّي على شغلتين: أنتي تعملي مجهودك: زي ما قلتي، حاولي تقدمي أفضل ما عندك في الدراسة. حطّي لنفسك أهداف صغيرة ويومية، عشان لما تلاقي نفسك بتحققيها، هتحسي بتحسن. التوازن: صحيح إنك محتاجة تتفوقي وتنجحي، لكن برضه صحتك النفسية مهمة جدًا. حاولي تخصّصي شوية وقت للراحة والأنشطة اللي بتحبيها عشان تقاومي الضغط. وكمان بالنسبة لشعور الذنب، حاولي تبعدي عنه. أهلك دعموا معك، وده يدل على إن عندكم علاقة قوية. اتركي الأمور لما يجي وقتها، وما تتعبيش نفسك بالتفكير في النتيجة النهائية دلوقتي. كل حاجة هتتحل، وفي النهاية كل مجهود هتحطيه هيرجعلك بخير إن شاء الله. كوني واثقة في نفسك، وقدمي اللي تقدري عليه.
تم النشر الثلاثاء، ٣٠ يوليو ٢٠٢٤
انا لسه مخلصه ثانويه ونصيحتي ليكي انك تكملي يعني ممكن فرق الكتب والمصاريف بين السنه اللي فاتت والسنه دي مش كتير بس كملي انتي اعملي اللي عليكي وربنا مش بيدينا علي قد تعبنا ولا مذاكرتها ولا سهرنا بالعكس ربنا بيدينا علي قد كرمه وكرم ربنا ملوش اخر يعني تخيلي لما تدعي ربنا يديكي علي قدر كرمه اللي ملوش اخر يعني دايما خلي دي دعوتك لان تعبك وسهرك ومذاكرتك دا واجب عليكي لأنك انتي اللي اخترتي الطريق دا وانك تكملي فيه وإن ربنا حطك في الطريق دا يبقا إن شاء الله خير وهتوصلي ويكرمك بس لازم ناخد بالاسباب وانتي قولتي إن اهلك مش قصروا معاكي وهيكملو معاكي ودا شئ يفرحك ويخلي عندك ثقه اكتر ومجاهده اكتر علي انك تكملي واسعي اكتر عشان متضيعيش تعبهم وكفايه انك قدام ربنا هتكوني جبتي اخرك في السعي وعملتي كلواللي تقدري عليه هي فعلا الدنيا صعبه بس افتكري انك مش لوحدك في الظروف دي وإن مهما كانت الظروف لازم اكمل وإن شاء الله تحققي حلمك وربنا يجبر بخاطرك ويفرحك بالكليه اللي بتتمنيه يارب بالتوفيق ي جميل♥️♥️
تم النشر الثلاثاء، ٣٠ يوليو ٢٠٢٤
بصي يحببتي اعمل اللي عليكي وسبيها ع ربناا وده بيبقي نصيب ف الاول وف الاخر والله ربنا عمره مهيجبلك حاجه وحشه ابداا انتي بس اعمل اللي عليكي وصلي ومتسبيش فرد اهم حاجه وادعي كتير وان شاءلله تجيبي مجموع كويس وتشرفي اهلك
تم النشر الثلاثاء، ٣٠ يوليو ٢٠٢٤
توكلي على الله مع الأخذ بالأسباب
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا