ازاي افرح ماما او اعمل حاجة تبسطها لأنها بقالها فترة نفسيتها تعبانة وهي من النوع الكتوم مش بترضي تقول مالها فلو حد عنده طريقة اعمل حاجة تفرق في نفسيتها
هاتيلها هدية، شوفي هي بتحب ايه وهاتيهالها. يعني لو بتحب المطبخ هاتيلها حاجة للمطبخ لو بتحب الميك اب او البيرفيومز كدا. واكتبيلها جواب لطيف جميل منك ليها.
تم النشر الأحد، ٢٩ سبتمبر ٢٠٢٤
أختي العزيزة، من الجميل أنك مهتمة بسعادة والدتك وتحاولين دعمها في هذه الفترة الصعبة. إليك بعض الأفكار التي قد تساعدك في إسعادها: الاستماع والتواصل : حتى وإن كانت والدتك من النوع الكتوم، يمكنك أن تحاولي فتح حديث بسيط معها. اطرحي عليها أسئلة عن يومها أو عن الأشياء التي تفضلها. مفاجأة صغيرة : قدمي لها هدية بسيطة مثل كتاب تحبه، أو زهرة، أو كوب من الشاي المفضل لديها. قضاء وقت ممتع معًا : اقترحي عليها القيام بنشاط تحبه، مثل مشاهدة فيلم كوميدي، أو اللعب بألعاب مسلية، أو الخروج للتنزه. الاهتمام بصحتها : يمكنك إعداد وجبة صحية ولذيذة لها، حيث أن الطعام اللذيذ يمكن أن يرفع من معنوياتها. تدوين رسالة : اكتبـي لها رسالة صغيرة تعبّرين فيها عن حبك وتقديرك لها، فهذا قد يعزز من روحها المعنوية. تقديم الدعم العملي : تجنبي الضغط على والدتك لتخبرك بما يزعجها، بل كوني جاهزة لدعمها في شؤون الحياة اليومية. تذكري أن الدعم العاطفي والوجود بجانبها يمكن أن يحدث فرقًا كبيرًا. وفقك الله في مسعاك لإسعاد والدتك.
تم النشر الأحد، ٢٩ سبتمبر ٢٠٢٤
امك و نص أمهات مصر أو اغلبهم شايلين الهم بسبب سوء حال الاقتصاد و غلاء المعيشة و جشع التجار و انتشار الفاسد اللي في النهاية هتخلي قلقهم علي عيالهم يزيد بالإضافة لهم البيت ، و همكم و المصاريف ، و المشاكل العائلية و الخ .. من أشد جنود الله في الأرض ( الهم ) لذلك حاولي علي قد ما تقدري تكلميها و تفهمي تحديدا مالها دا لو هي من النوع اللي ممكن يتكلم .. عايزك تعرفي معلومة الكبار دايما بيبقي عندهم نوع من الكرامة الخفية بحيث انه ميحبش يبان عاجز او ضعيف و في نفس الوقت يختار يشيل الهم علشان أحنا منشيلوش .. تقنيا لو ليكي اخوات صبيان و مش مزعلينها و علاقتها الأسرية كويسة يبقي زي ما قولتلك فوق .. شيلي عنها حبة بس خلي بالك اي حاجه تعمليها بدالها لازم تكون زي ما هيه بتعملها بالظبط لما تبدئي كلام معاها هتصدك بكلام من نوع ( مفيش حاجه - انا كويسة - الحمد لله علي كل حال / الخ .. كخط هجومي استخدمي معاها أسلوب انا كبرت و معدتش طفلة و عايزاك مبسوطة لازم يبقي نظراتك مباشرة و انتي بتقولي كده .. و خدي وقتك علشان الكلام لما يطلع منك يبقي صادق و يتفهم و اتكلمي بطريقتك مش بطريقتي علشان بس متحسش ان فيه حاجه غريبة .. و ان شالله خير .. احيي فيكي روح الاهتمام بوالدتك . و بالتوفيق .
تم النشر الأحد، ٢٩ سبتمبر ٢٠٢٤
صباح الخير .. حاولي تخرجيها واكتر من مره.. تنزل تشتري معاكي حاجه او تتمشو شوية .. لازم تغير جو
تم النشر الاثنين، ٣٠ سبتمبر ٢٠٢٤
شكرا لحضرتك ان شاء الله هحاول اعمل زي ما قولت
تم النشر الأحد، ٢٩ سبتمبر ٢٠٢٤
ادعيلها في الصلاة
تم النشر الأربعاء، ٢ أكتوبر ٢٠٢٤
حاولي تجيبيلها هديه بحاجه بتحبها وتفرحها
تم النشر الاثنين، ٣٠ سبتمبر ٢٠٢٤
لعرض السؤال في فدني اضغط هنا