انا شايفه أن انت الا غلط في حق نفسك اوووي الصراحه يعني فضلت تحب حد لمدة ٧ سنين في سر يعني ضيعت وقتك وطاقتك علي الفاضي ورحت اتكلمت معها لمدة سنة من غير حتي ما تعترف يعني ٨ سنين ضاعوا وبعدها رحت اعترفت والبت مردتش وكانت بتعملك عادي شوية حلو و شوية وحش وانت مكنتش في دماغها اصلا عشان كده هي كانت بتعتبرك زي اخوها وانت الا وقتك ضاع وعشمت نفسك في علاقه اصلا مبدأتش وهي راحت اتخطبت بقي في الاخر أقل حاجه هتقولك انا مقولتلكش حاجه ولا عشمتك وانت فهمت غلط وكمان حوار انك عرفت بعدها أنها بتكلم شباب في مفهوم الصحوبية دي حاجه بقي متخصكش الصراحه بقي لأن مكنش فيه علاقه ونقول انها خانتك ومش معنا كده اني بدافع عنها بالعكس هي غلطانه كان المفروض اول ما تعرف انك بتحبها تقولك أن هي بتعتبرك سعتها زي اخوها مش تسكت وتلعب بمشاعرك كده وعموما ياريت تكون اتعلمت من الا حصل وتتعلم تقدر نفسك وتحبها ومتجيش عليها عشان حد ومش معنا ان بنت كانت وحشه يبقي البنات كلهم كده لا صوابعك مش زي بعضها مضيعش نفسك انت بس وتفضل تدي الا قدامك ومتاخدش حاجه الحياة هات وخد برضو ومتنساش تحب نفسك وتقدرها قبل اي حاجه
تم النشر الأحد، ٢٨ أبريل ٢٠٢٤
1 تعليق
علي فكرة ماقلتش فكرة خانتني وكدا ولكن اقصد ان فعلا كنت مغيب جدا ساعتها قصدي انس اتخدعت فيها والناس اللي بتقول انت كان المفروض تتقدم من الاول وعلاقة محرمة ومش عارف ايه انا في الاول اصلا ماكانش عندي القدرة اني اتقدم ولكن بكم حبي ليها كنت هايف تضيع من ايدي فاستنيت الفرصة ورحت اتقدم وحصل اللي حصل وبالعكس انا في الفترة دي اتعلمت حاجات ما اتعلمتهاش في المدرسة حتي اتعلمت كتير والرحلة دي حولتني لشخص تاني خالص ده غير ان فيه بعض التفاصيل انا ماحكيتهاش زي مثلا ان كان فيه بيننا صلة قرابة هي أي نعم مش قوية ولكن موجودة وحاجات تانية كتير
تم النشر الأحد، ٢٨ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك