أنا حبيت بنت لمدة ٧سنين في السر من غير ماهي تعرف وبعد كده حصل وقابلتها واتجرأت واتكلمت معاها وكنت باروح كل يوم أقف عند المحل اللي هي بتشتغل فيه وكل يوم اتكلم معاها لحد ما وصلنا لمرحلة بقا فيه عشم بيننا وهزار وكدا استمر الامر ده لمدة سنة بعد كدا قلت لازم اعترف لها بحبي حصل ورحت فعلا واعترفت لها هي طبعا ما رديتش هي ابتسمت وانا مافهمتش هي وافقت ولا ايه بالظبط المهم قعدت حوالي سنة كمان قاعد اقابلها واجري وراها وحرفيا كنت باحبها حب بطريقة جنونية وهي بقا شوية تحسسني انها بتحبني من تصرفاتها وشوية تحسسني انها مش بتحبني المهم لما رحت بقا دخلت في الجد وعرضت عليها وبعت لها مع اختها اني اخطبها قالت لا خلينا اخوات وبعديها بيومين اتخطبت ساعتها طبعا حصل بعض الحاجات كدا أكدتلي بعد فترة انها مش تمام للأسف وبلاش اوضح نقطة زي دي وطبعا اكتشفت برضو انها كانت بتتسلي بيا وبتلعب بمشاعري من يومها وانا مش باثق في حدخصوصا البنات
ده يعتبر درس ليك تتعلم منو لازم فى الاول كنت تعترفلها بدة علشان متعشمش نفسك اكتر وتتعلق بيها وانت بتكلمها وتهزرو سنة ومش كل البنات كدا انك تفقد الثقة فيهم بتختلف من واحدة لوحدة فى بنت تقبل انها تكلم وتهزر وتكون تسليه وفى الاخر ترتبط بشخص تانى وفيه توقف الواحد عند حدودو ومتكلموش وتكبر أهلها وبعد كدة اعترففى الاول تبقا إلى قدامك عارفة ان الشخص دة جد هل هى هاتبقى جد هاتكمل مش جد هاتنسحب علشان مفيش حد يتأذى
تم النشر السبت، ٢٧ أبريل ٢٠٢٤
انا شايفه أن انت الا غلط في حق نفسك اوووي الصراحه يعني فضلت تحب حد لمدة ٧ سنين في سر يعني ضيعت وقتك وطاقتك علي الفاضي ورحت اتكلمت معها لمدة سنة من غير حتي ما تعترف يعني ٨ سنين ضاعوا وبعدها رحت اعترفت والبت مردتش وكانت بتعملك عادي شوية حلو و شوية وحش وانت مكنتش في دماغها اصلا عشان كده هي كانت بتعتبرك زي اخوها وانت الا وقتك ضاع وعشمت نفسك في علاقه اصلا مبدأتش وهي راحت اتخطبت بقي في الاخر أقل حاجه هتقولك انا مقولتلكش حاجه ولا عشمتك وانت فهمت غلط وكمان حوار انك عرفت بعدها أنها بتكلم شباب في مفهوم الصحوبية دي حاجه بقي متخصكش الصراحه بقي لأن مكنش فيه علاقه ونقول انها خانتك ومش معنا كده اني بدافع عنها بالعكس هي غلطانه كان المفروض اول ما تعرف انك بتحبها تقولك أن هي بتعتبرك سعتها زي اخوها مش تسكت وتلعب بمشاعرك كده وعموما ياريت تكون اتعلمت من الا حصل وتتعلم تقدر نفسك وتحبها ومتجيش عليها عشان حد ومش معنا ان بنت كانت وحشه يبقي البنات كلهم كده لا صوابعك مش زي بعضها مضيعش نفسك انت بس وتفضل تدي الا قدامك ومتاخدش حاجه الحياة هات وخد برضو ومتنساش تحب نفسك وتقدرها قبل اي حاجه
تم النشر الأحد، ٢٨ أبريل ٢٠٢٤
بص طول ما انه وقفت معك وكلمتك فهي هتكون وقفت مع غيرك وكان في ود برضه هي من الاول مش تمام بس انت مفكرتش بعقلك
تم النشر السبت، ٢٧ أبريل ٢٠٢٤
هو اي موقف لازم هيكون فيه غلط، سواء بقى منك او منها .. انا مش هتكلم عليها كتير، لان اللي عملته غلط في كل الاحوال، وهي مش موضوعنا. ولكن هتلكم عن مشكلتك .. للاسف انت غلطت لما فضلت تتعلق ببنت والموضوع يكبر في دماغك طول السنيين ديه كلها، تعب نفسي وفكري .. ولما جيت تقولها مقولتش كمان علطول. ف انت اللي يتعبر جبته لنفسك للاسف. انا مش قصدي اقول انك كنت بتتسلى، ولكن انت ارهقت نفسك. مكانتش هي ديه الطريقة الصح .. ابدا. لانك يعتبر تعلقت بهوا، وفضلت عايش معاه، ومش عارف مصيره هيكون ايه! خليك واضح في مواقفك، هتسهل عليك كتير. يعني بمعنى لو اعجبت بواحدة روح واتقدم علطول متنتظرش المدة ديه كلها .. وعلى فكرة هو مكانش حب، هو مجرد اعجاب، مفيش حب بيجي من نظرات ومراقبة من بعيد لبعيد. هو مجرد انجذاب واعجاب مش اكتر، والباقي بيبقى على تكبير الفكرة جواك مش اكتر.
تم النشر السبت، ٢٧ أبريل ٢٠٢٤
لازم تعتبره درس ليك تتعلم منه الوضوح والصراحه في أي علاقة فيما بعد .. كان لازم تبدأ من أخر خطوة .. تقرر تخطبها والجواب كان هيجيلك من البداية.. لكنك مكنتش واضح وكنت في حياتها لمده سنة كأصدقاء وفي علاقه محرمه غير واضح معالمها .. في الوقت اللي إنت كنت بتروح تهزر معاها يوميا كان في شخص تاني جد مش بيتسلى ولا هدفه الهزار إتقدم لأهلها ولو حطيت نفسك مكانها ومتقدم ليها عريس بيعزز من قيمتها وإتقدملها مباشرة وكلم أهلها ومحاولش يتسلى بيها هل هتختاره ولا تختار واحد قالها انه بيحبها وكل اللي بيعمله انه بيزورها في محل عملها ويهزر ويضحك ؟ ومن كدا لازم تغير الدرس اللي إتعلمته من عدم الثقه في جميع البنات لـ إنك تغير من نفسك للأفضل ولما تلاقي الشخص المناسب تتقدملها مباشرة بدلا من التسلية ومحاولة التقرب منها في علاقة محرمة
تم النشر السبت، ٢٧ أبريل ٢٠٢٤
ان شاء الله ربنا هيعوضك بالاحسن منها انت مفروض تحمد ربنا انوا اظهرهالك على حقيقتها قبل ما تخطبها اما بقي موضوع مبقتش بثق حاول تثبت لنفسك ان مش كلهم زيها صوابع ايدك مش زي بعض كذلك الناس مش زي بعض وحاول تبني ثقتك من تاني
تم النشر السبت، ٢٧ أبريل ٢٠٢٤
بص لازم تشوف الوحش عشان تعرف الحلو وقيمته بس انت اولا غلطان اصلك وضحت عن مشاعرك واخدت سنه هيا مردتشي عليك فيها بكلمة تصرفات وبس فا شايفة ان انت الي غلطان عشان انت معرفتيش مشاعرها ولا اي حاجة منها ومفكرها بتبادلك نفس المشاعر وهيا غلطانه عشان اصلا كان في بينكم كلام لان دة حرام وعشان موضحتشي ليك انت في حياتها بصفتك اي فا انتوا الاتنين غلطتوا واقولك ربنا مش بيبعد عنك حاجة انت عاوزاها ولا بتحبها الا لو مش هتفيدك او مش حلوة ليك وفيها ضرر عليك احمد ربك انه بعدها عنك لانك متعرفشي هيا فيها اي ولا هتبقي ذربة صالحة ليك ولا لا احمد ربك وافتكر قوله تعالي (وعسي ان تكرهوا شيئا وهو خير لكم وعسي ان تحبوا شيئا وهو شر لكم) اختار صح وادخل البيوت من ابوابها افضل واحسن لقلبك وعلاقه تبقي قايمه علي رضا ربنا
تم النشر السبت، ٢٧ أبريل ٢٠٢٤
لعرض السؤال في فدني اضغط هنا